Jeremaia 9:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ Ikiavɨra Itir God a ikaragha ghaze: “Bizir kamɨn mɨngarim kamakɨn. Gumazamizir kaba nan Arazir Kɨ Me Ganɨngizibar gɨn zuir puvatɨgha, nan akam batuegha, tuavir kɨ men akazimɨn gɨn zuir puvatɨ.

Jeremaia 9:13 ပူးပေါင်းရင်းမြစ်များ

2 Eghaghaniba 7:19

“Egh ia na ategh nan arazir kɨ ifongeziba ko nan Akar Gavgavibar gɨn mangan kogh, egh asebar gɨn mangɨ dar ziaba fɨtɨ,

Jeremaia 22:9

Egh me uari kamaghɨn uari ikarvagham, ‘Bizir kamɨn mɨngarim kamakɨn. Gumazamizir kaba, me Ikiavɨra Itir God, men God, me an Akar Dɨkɨrɨzir Gavgavim akɨrim ragha a gasara. Egha me asebar ziaba fa dar apengan iti.’ ”

Esra 9:10

“O en God, bizir kaba bar otivizɨ, e datɨrɨghɨn ua manmaghɨn mɨkɨmam? Nɨ arazir aghuibar e gamima, e nɨn akar bar gavgaviba barazir puvatɨ.

Aghuzir Akaba 28:4

Gumazamiziba akɨrim ragha Godɨn Akar Gavgavibagh asara, me gumazir arazir kurabagh amibar ziaba fe. Ezɨ gumazamizir Godɨn Akar Gavgavibar gɨn zuiba, me gumazir kuraba pamten me dɨkabɨri.

Onger Akaba 119:53

Gumazir kuraba nɨn Araziba abɨgha arazir kurabagh ami, ezɨ nan navim bar men ikuvigha men atari.

Jeremaia 5:19

Eghtɨ gumazamizir itiba kamaghɨn nɨn azangsɨgham, ‘Manmaghsua Ikiavɨra Itir God, en God, akɨrim ragha e gasarazɨ, bizir kurar kam e bato?’ Eghtɨ Jeremaia, nɨ me mɨkɨm suam, ‘Ia akɨrim ragha na gasara, ia uan nguazimɨn ikia kantrin igharazibar asebar apengan ikia dar ziaba fe. Kamaghɨn, ia datɨrɨghɨn gumazamizir igharazibar kantrin mangɨ an ikɨ, pura men ingangarir gumazir kɨnibar mɨn ikɨ, men ingangarim damu men apengan ikiam.’ ”

Jeremaia 7:26

Ezɨ ian inazir afeziaba nan akam baraghan aghua. Egha akaba batogha men faragha zuir ovavibagh afiragha arazir kurabagh ami.

Jeremaia 13:10

Gumazamizir arazir kurabagh amir kaba, me uan kuaribav konegha nan akaba baraghan aghua. Men naviba gavgavizɨ, me uan nɨghnɨzibar gɨn zui. Egha asebar gɨn ghua men ziaba fe. Egh gɨn gumazamizir kaba ikuvigham, mati inir kam ikuvigha ingangariba an puvatɨ.