Jeremaia 9:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Jeremaia 9:1 ပူးပေါင်းရင်းမြစ်များ

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Aisaia 22:4

Kamaghɨn kɨ ia mɨgei, Ia nan navim damutɨ, a nɨmɨra ikɨsɨ damuan markɨ. Nan navim bar ikuvizɨ kɨ azia iti, kamaghɨn amizɨ, ia na ateghtɨ kɨ uabɨra ikiam. Nan gumazamiziba bar ikufi, ezɨ kɨ me ginɨghnɨghav arai.

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Jeremaia 14:17

“Jeremaia, nɨ gumazamizibar apangkuvamin akamɨn me mɨkɨm. Nɨ kamaghɨn mɨkɨm, ‘Kɨ Jeremaia, kɨ arueba ko dɨmagaribar azivɨra ikɨtɨ, nan damazimning temeriba dagh izɨvagh mamaghɨra ikiam. Nan gumazamiziba, guivir kɨ bar ifongezimɨn mɨn, kɨ bar deravɨra men gari. Ezɨ apaniba nan gumazamiziba puvɨra me mɨsoagharɨghizɨ, me bar moghɨra ikufi, mati me duar dafar kuraba iti.

Aisaia 16:9

“Kɨ Jaserɨn nguibar ekiam ko, Sipman wainɨn azeniba bagha azi. Ezɨ nan damazir temeriba uaghan Hesbon ko, Elealen nguibar ekiamning gisɨn iri. Kɨ fo, ia bar ikuvigha gɨfa, kamaghɨn amizɨ, ian gumazamiziba wainɨn azenibar mangɨ, wainɨn ovɨzir andɨziba kuarsɨ bar akuegh dɨm ivemar mangɨgh izegh damuan kogham.

Onger Akaba 119:136

Gumazamiziba nɨn Arazibar gɨn zuir puvatɨ. Kamaghɨn kɨ puvɨram azima nan temeriba dɨpamɨn mɨn ivemari.

Onger Akaba 42:3

Kɨ zurara arueba ko dɨmagaribar aziavɨra iti, ezɨ nan temeriba mati nan dagher kɨ zurarama apim. Dughiabar zurara gumazamiziba nan azangsɨgha ghaze, “Nɨn God managh iti?”

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Jeremaia 8:18

Kɨ Jeremaia, kɨ kamaghɨn mɨgei: “Nan apangkuvir ekiam ko navim bar oseme, ezɨ nan nɨghnɨziba bar ikufi. Nan osɨmtɨzim agɨvamin tuaviba puvatɨ.

Jeremaia 9:18

Ezɨ gumazamiziba kamaghɨn mɨgei: “Are, me zuamɨra izɨva e bagh azirakar ighiabar amu. Me pamtem azi mamaghɨra ikɨ mangɨtɨ, e azitɨ temeriba en damazibar izɨv otiv iram.

Onger Akaba 55:7

Kɨ mɨghegh saghon mangɨ, gumazamiziba puvatɨzir danganimɨn avughsɨ ikiam. (Ighiam gamua an suiam atugha avughsegha ua ighiam gami.)

Jeremaia 3:10

Israelɨn buaramizim Juda, nɨghnɨzir gavgavir nan itir arazim ategha, arazir kurabagh ami, egha guizbangɨra uan navim gɨrazir puvatɨgha ua na bagha ize. Bar puvatɨ. A ifara navim gɨra. Kɨ Ikiavɨra Itir God, kɨ mɨkemegha gɨfa.”

Jeremaia 5:7

Ikiavɨra Itir God akar kam Jerusalemɨn nguibamɨn itir gumazamizibav gɨa ghaze, “Bizir me ifongeziba, kɨ bar ada isa me ganɨngi, ezɨ me ua na ategha aser kabar gɨn zui, mati gumazim uan amuim ategha, tuavimɨn amizibar gɨn ghu. Kamaghɨn, kɨ manmaghsuvɨra ian arazir kuraba gɨn amangam? Bar puvatɨgham.

Esekiel 22:12

Ezɨ ian gumazamizir maba, iveziba isa ghua igharaz daraziv suagharɨsi. Ezɨ marasi, uan namakabar dagɨaba pura da inigha ua da ikarvaghsɨ an dagɨar an anɨngizim gisɨn ua dagɨaba ini. Ezɨ marasi, uan namakar gumazibagh ifara me gami me atiatima, me me da dagɨaba isa bizir avɨriba iti. Ia bar na gɨn amadagha na gɨnɨghnɨzir puvatɨ. Kɨ Ikiavɨra Itir Godɨn Ekiam, kɨ kamaghɨn mɨkeme.

Hosea 7:4

Me bar poroghamiba tintinibar uari bakɨa uari koma akuir gumazamiziba. Men navir averiaba arazir kam bagha isi, mati bret tuamin danganimɨn mɨn iti. Bretba tuer gumazim avim atɨzɨ a isi, egh aneteghtɨ a ikɨtɨ bret buigham. Bret buigh gɨvaghtɨ, an avim giveraghtɨ a dafogh isi bar ekevegham. Men arazim a kamaghɨn zui.