Jeremaia 8:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ Ikiavɨra Itir God, ian fofozir gumaziba nan akabar aghuagha akɨrim ragha dagh asara. Manmaghsua me ghaze, me datɨrɨghɨn fofoziba iti? Puvatɨ. Me datɨrɨghɨn azuazim asɨzimɨn suizi moghɨn, dughiar kuram men suiraghtɨ me bar aghumsigham. Eghtɨ men nɨghnɨziba bar ikuvigham.

Jeremaia 8:9 ပူးပေါင်းရင်းမြစ်များ

Jeremaia 6:15

Me ti arazir kurar me amizibar aghumsighama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng me gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jopɨn Akɨnafarim 5:12

“Ifavaribagh amir gumazamiziba, a men nɨghnɨziba onganim dagh anɨdi, ezɨ me damuasa ifongezir arazibagh amir puvatɨ.

Jeremaia 6:19

O nguazim, nɨ oragh! Nan gumazamiziba na gɨnamadagha, Arazir Kɨ Me Ganɨngizibar gɨn zuir puvatɨ. Kamaghɨn, kɨ men arazir kurar kaba ikarvagh, uan gumazamizir kabagh asɨghasɨgham.

Aisaia 19:11

Soanɨn nguibamɨn gumazir ekiaba, me gumazir onganiba. Ezɨ gumazir nɨghnɨzir aghuiba Isipɨn atrivim ganɨdiba, me mɨgɨrɨgɨar kuraba a ganɨdi. Fofozir gumazir kaba vaghvagha atiatir puvatɨgha kamaghɨn Isipian atrivim gifara uari fa mɨgɨa ghaze, “Kɨ fofozir gumazibar gɨn zuir suren gumazibar mav. Kɨ fomɨra itir atrivibar ovavir borimra!”

Onger Akaba 19:7

Ikiavɨra Itir Godɨn Araziba, da bar guizbangɨra, egha ikɨrɨmɨrir aghuim e ganɨdi. E nɨghnɨzir gavgavim Ikiavɨra Itir Godɨn akabar ikiam. Ezɨ fofoziba puvatɨzir darasi, a fofozir aghuim me ganɨdi.

Godɨn Araziba 4:6

Ia bar guizbangɨra adar gɨn mangɨtɨ, ikɨzir igharazibar gumazamiziba kamaghɨn fogh suam, ia nɨghnɨzir aghuiba ikia egha fofozir avɨriba iti. Ia nan arazir kɨ ifongezir kabav kɨmtɨ, gumazamiziba da baragh kamaghɨn mɨkɨmam, ‘Gumazamizir ikɨzir gavgavir kamɨn itiba, me fofozim ikia egha bizibagh nɨghnɨgha deragha dagh ami.’

2 Timoti 3:15

Egha nɨ fo, dughiar nɨ aghɨrimra itim, nɨ faragha Godɨn Akɨnafaribar fofozim ini. Akɨnafarir kaba da nɨghnɨzir aghuiba nɨ ganɨdima, nɨ nɨghnɨzir gavgavim Krais Iesusɨn ikɨ Godɨn Akurvazim iniam.

Esekiel 7:26

Eghtɨ osɨmtɨzir ekiaba uari tɨvaghtɨvagh me bagh izam, eghtɨ bizir kurar otivir avɨribar akaba uari tɨvaghtɨvagh me bagh izɨtɨ, me da baragham. Egh bar atiatingɨva nan nɨghnɨzibagh fofoghsɨ, akam inigha izir gumazibar azangsɨghtɨ, kɨ akaba me danɨngan kogham. Eghtɨ ofa gamir gumaziba men sure damuamin akaba puvatɨghtɨ, men gumazir dapaniba me danɨngamin nɨghnɨzir aghuiba puvatɨgham.

Jeremaia 49:7

Ikiavɨra Itir Godɨn Gavgaviba Bar Itim, Idomian gumazamiziba akam men iti. A kamaghɨn mɨgei: “Manmaghɨn ami? Temanɨn Distrighɨn gumazamiziba ti nɨghnɨzir aghuiba ko fofoziba puvatɨ, a? Ezɨ fofozir gumaziba ti akar aghuibav geir arazim ataki, a? Men nɨghnɨzir aghuim ko fofozim ovegha gɨfa, a?

Aisaia 8:20

Me Godɨn Araziba ko an Akar Gavgaviba ko, an nɨghnɨzim gɨfogh. Egh me kamaghɨn damighan kogh, me mɨtarmemɨn averara ikɨtɨ, amɨnim me bagh tiraghan kogham, eghtɨ me dughiar aghuitamɨn ganighan kogham.

2 Atriviba 17:15

Israelia akɨrim ragha arazir God ifongezibagh asava, Akar Dɨkɨrɨzir Gavgavir a men inazir afeziaba ko amizim, ko an ikiangsɨzir a me ganɨngiziba, me bar dar aghua. Me akaba batogha, egha ghua asebar ziaba fe. Aser kaba guizbangɨn godba puvatɨ. Ezɨ Israelian gumazamiziba bizir ifavarir kɨnir kabar ziaba fe, me uari pura bizir ifavarir kɨnibar mɨn otifi. Fomɨra Ikiavɨra Itir God me mɨkeme, me men boroghɨra itir ikɨzibar arazibar gɨn mangan markɨ, ezɨ Israelia an akam batuegha, arazir kabar gɨn zui.

Aisaia 29:14

Kamaghɨn amizɨ, kɨ uamategh bizir bar igharagha garitabar amutɨ, da gumazamizir kaba bativam. Eghtɨ me bar dɨgavir kuram damigham. Eghtɨ kɨ gumazamizir nɨghnɨzir aghuiba me ganɨdibar fofoziba adegham, egh kɨ men fofozir gumazamizibar fofoziba bar da agɨvagham.”

Jeremaia 15:6

Kɨ Ikiavɨra Itir God, kɨ guizbangɨra mɨgei, ia akɨrim na gasaragha bar nan saghon iti. Ezɨ kɨ uabɨ uan agharimɨn ian mɨsogh, ia gasɨghasɨghasava ami. Kɨ dughiar avɨribar ian apangkuva ghua, datɨrɨghɨn kɨ aghua.

Jeremaia 19:7

“ ‘Judaba ko Jerusalemia danganir kamɨn bizir avɨribar amuasa nɨghnɨsi, ezɨ kɨ men tuavim apɨrightɨ me dar amighan kogham. Eghtɨ kɨ apaniba ameghtɨ, me izɨ me mɨsueghtɨ me arɨmɨghiregham. Eghtɨ kɨ kuaraziba ko asɨzir atiaba ameghtɨ, da izɨ men kuabar amegham.

Amos 2:4

“Ia oragh! Ikiavɨra Itir God Akar Gavgavir kam ia ganɨga ghaze, Judaba arazir kurabagh amua ghuavɨra iti. Me nan Araziba batogha, arazir kɨ ifongezibar gɨn zuir puvatɨ. Egha me uan inazir afeziaba faragha gɨn ghuezir aser ifavariba, uaghan dar gɨn zui. Kamaghɨn amizɨ, nan anɨngagharim guizbangɨra me bagha bar ekefe, eghtɨ kɨ ivezir kuram me danɨngam.

Sekaraia 13:4

Dughiar kamɨn, akam inigha izir gumazir ifavariba, men tav uan irebabar mɨn garir biziba bagh aghumsigh, bar akongeghan kogham. Me Godɨn akam inigha izir gumazibar korotiatam aghuan kogham. Egh Godɨn akam inigha izir gumazibar arazitam gumazamiziba gifarɨsɨ, a damighan kogham. Puvatɨgham.

Jopɨn Akɨnafarim 5:13

Gumazamizir maba pazɨ igharaz darazir amuasa, arazir kurar guar avɨribagh nɨghnɨsi, ezɨ God men arazir kabagh amima da meraram asɨghasɨsi. Mati gumazim asɨzim bagha ivem atɨgha, egha a uabɨ ivemɨn aven ghu. Egha bizir me damuasa mɨgeiba, da pura ghua gɨfa.

Aisaia 43:27

Ezɨ bar puvatɨ! Ian inazir afeziar bar faraghavɨra ikezim, arazir kuram gami, ezɨ ian gumazir dapaniba uaghan nan akam batoke.

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”