Jeremaia 8:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ “Manmaghɨn amizɨma ia Judaba ghaze, ‘E nɨghnɨzir aghuim ko fofozim iti. Ikiavɨra Itir God uan Araziba e ganɨngi.’ Bar guizbangɨra, nan Arazibagh fozir gumaziba bar adagh iragha akar ifavariba osiri. Kamaghɨn amizɨ, ia kamaghɨn mɨkɨman markɨ.

Jeremaia 8:8 ပူးပေါင်းရင်းမြစ်များ

Jon Osirizir Akar Aghuim 9:41

Ezɨ Iesus kamaghɨn me mɨgei, “Ian damaziba okavizɨ, ia arazir kurabar osɨmtɨziba puvatɨghai. Egha ia ghaze, ‘En damaziba gari.’ Kamaghɨn amizɨ ian arazir kurabar osɨmtɨzim ikiavɨra iti.”

Akɨnafarir Pol Romɨn Nguibar Ekiamɨn Itir Sios Bagha Osirizim 1:22

Me ghaze, me fofozir aghuim iti. Me guizbangɨra puvatɨgha, ongani.

Matyu 15:6

Ia kamaghɨn amua, ian arazir kabar, ia Godɨn Araziba ategha, uan ovavibar araziba faraghavɨra darɨsi. Egha Godɨn akam gamima, a mati pura bizim.

Onger Akaba 147:19

A uan arazir a ifongeziba ko, bizir a damuasa e mɨkemeziba isa Israelia ganɨngi.

Jopɨn Akɨnafarim 12:20

Nɨghnɨzir aghuiba isa gumazir dapanibagh anɨdiba, God men akatoribar kumi. Egha gumazamizir ghuribar nɨghnɨzir aghuim ko fofozim batosi.

Hosea 8:12

Kɨ men sure damuasa uan arazir avɨriba osiri. Ezɨ me arazir kabar garima, da mati ikɨzir igharazibar arazir igharagha gariba. Egha me dar gɨn zuir puvatɨ.

Aghuzir Akaba 17:6

Gumazim ghurigha egha igiar boriba iti, a me bagha bar akonge. Kamaghɨn amizɨ, bizir kam gumazamizibagh amima me ziar ekiam a ganɨdi. Ezɨ boriba uan amebaba ko afeziaba bagha bar akonge.

Jopɨn Akɨnafarim 11:12

Nɨ gantɨ, donkin amebam gumazir boritam bateghan kogham. Kamaghɨra nɨ gantɨ gumazir nɨghnɨzir aghuim puvatɨzim, manmaghɨn fofozir aghuim ko nɨghnɨzir aghuim iniam? Bar puvatɨgham.

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Jeremaia 19:7

“ ‘Judaba ko Jerusalemia danganir kamɨn bizir avɨribar amuasa nɨghnɨsi, ezɨ kɨ men tuavim apɨrightɨ me dar amighan kogham. Eghtɨ kɨ apaniba ameghtɨ, me izɨ me mɨsueghtɨ me arɨmɨghiregham. Eghtɨ kɨ kuaraziba ko asɨzir atiaba ameghtɨ, da izɨ men kuabar amegham.

Aisaia 43:27

Ezɨ bar puvatɨ! Ian inazir afeziar bar faraghavɨra ikezim, arazir kuram gami, ezɨ ian gumazir dapaniba uaghan nan akam batoke.

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

Jeremaia 48:14

Ia Moapia, manmaghsua ghaze, ia mɨdorozir gumazir gavgaviba, egha ia bar mɨdorozibar mɨsogha fo?