Jeremaia 8:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir God, kamaghɨn gumazamizibav kɨmasa na mɨgei: “Kɨ Ikiavɨra Itir God, kɨ kamaghɨn mɨgei. Ia fo, gumazamiziba daghira, egha me ua dɨkavrosi. Egha ia fo, me tuavim ataghɨragha ghua, egha me ua tuavimɨn izi.

Jeremaia 8:4 ပူးပေါင်းရင်းမြစ်များ

Aghuzir Akaba 24:16

Guizbangɨra, gumazir aghuim dughiar avɨribar daighiri, egha zurara ua dɨkafi. Eghtɨ dughiar kuram gumazir arazir kurabagh amiba batoghtɨ, me bar ikuvigham.

Maika 7:8

Eghtɨ en apaniba aghumsɨzir akabar e damuan kogham. E guizbangɨra iregha gɨfa, egh e ua dɨkavigh tuivigham. E datɨrɨghɨn amɨnirbɨrimɨn iti, eghtɨ Ikiavɨra Itir God uam angazangarim e danɨngam.

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Jeremaia 3:1

Ikiavɨra Itir God ua Israelia mɨgɨa ghaze: “Gumazim uan amuim batueghtɨ a mangɨ gumazir igharazimɨn ikegh, egh uamategh uan par faragha ikezim bagh izeghtɨ, an par faragha ikezim uam a inian kogham. A kamaghɨn damightɨ, kantrin kamɨn nguazim nan damazimɨn bar mɨzegham. Israelia, ia tintinibar gumazir avɨriba isa me koma akuigha gɨfa. Egha datɨrɨkɨn ia uamategh na bagh izasa, a?

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Amos 5:2

Azirakar kam kamaghɨn ghu: “Kantri Israel mati amizir igiar kam, a irɨgha gɨvagha, ua dɨkavan kogham. A datɨrɨghɨn uan nguazim girɨghav iti, ezɨ an akurvagh, uam a famin gumaziba puvatɨ.”

Hosea 14:1

O Israelia, ian arazir kuraba ia gamizɨ, ia asaghpora ire. Kamaghɨn amizɨ, ia uamategh Ikiavɨra Itir God, ian God bagh izɨ.

Hosea 7:10

Israelian arazir akaba batozim me isa kot gatɨ. Ezɨ me navim gɨrazir puvatɨ, egha Ikiavɨra Itir God, men God, me uam a bagha izir puvatɨ. Bizir kurar avɨriba me batozɨ, me God baghavɨra ikian aghua.

Esekiel 18:23

Kɨ Ikiavɨra Itir Godɨn Ekiam, kɨ kamaghɨn ia mɨgei. Gumazir arazir kurabagh amiba ariaghiri, kɨ bizir kam bagha bar akongezir pu. Puvatɨ. Kɨ kamaghsua, me navibagh iragh angamɨra ikiasa kɨ ifonge.

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

1 Atriviba 8:38

bizir kaba otivtɨ, e Israelia nɨn gumazamiziba, en tav osɨmtɨzir kabar tamɨn mɨzazim baragh, uan aghariba fegh nɨn azangsɨghtɨ,

Jeremaia 36:3

Eghtɨ Judaba bizir kurar kɨ me damuamibar akar kaba baregh, uan nɨghnɨzibagh ira uan arazir kuraba ateghtɨ, kɨ men arazir kuraba ko osɨmtɨziba gɨn amadagham.”

Jeremaia 23:14

Ezɨ kɨ datɨrɨghɨn Jerusalemɨn gumazir Godɨn akam inigha izibar gari, me arazir bar mɨzɨrɨzibagh ami. Ezɨ men arazir kuraba bar kurigha, Samarian akam inigha izir gumazibar arazibagh afira. Me amuir ikɨziba ko, par ikɨziba abɨzir arazim gamua, egha uaghan ifavarimɨn arazim gami. Me gumazir arazir kurabagh amiba gavgavim me ganɨdi. Kamaghɨn amizɨ, gumazitam akɨrim ragha arazir kabanang gasarazir puvatɨ. Kɨ Jerusalemian garima, me bar gumazamizir kuraba, mati Sodom ko Gomora.

Jeremaia 4:1

Ikiavɨra Itir God kamaghɨn mɨgei: “Ia Israelia, ia na bagh izɨsɨ, egh na baghvɨra izɨ. Ia pura tintinibar tuavir igharazibar mangan markɨ. Bar markɨ, ia nɨghnɨzir gavgavim narara ikɨ. Egh marvir guar kɨ bar aghuaziba nan damazimɨn da batokegh.

Jeremaia 3:22

Ikiavɨra Itir God kamaghɨn mɨgei: “Ia akɨrim gɨgha Ikiavɨra Itir God gasa zuir boriba, ia uamategh a bagh izɨ. Eghtɨ a ian arazir kuraba batueghtɨ, ia ua ghuamaghegham.” Ezɨ gumazamiziba kamaghɨn an akam ikaragha ghaze, “Nɨ en Ikiavɨra Itir God, en God, kamaghɨn e uamategha nɨ bagha ize.