Jeremaia 8:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Ezɨ apaniba notɨn amadaghan, Danɨn anabamɨn adarazir nguazimɨn otivigha gɨfa, ezɨ e hoziaba barazi me bar puv avɨghagha pamtemɨn arai. Ezɨ hoziar kaba araima, en nguazir oteviba ivazvazima, e bar puvɨrama atiati. E fo, apaniba Jerusalemɨn nguibam ko an tir gumazamiziba ko, bar en nguazimɨn itir biziba bar dagh gasɨghasɨghasa izi.”

Jeremaia 8:16 ပူးပေါင်းရင်းမြစ်များ

Gumazir Dapaniba 18:29

Egha me nguibar kam kamaghɨn a dɨbori, “Dan.” Me uan inazir afeziabar ziam Dan inigha a gatɨ, a Jekopɨn otarim, me an ziam isava nguibar ekiar kam gatɨ. Me fomɨra kamaghɨn a dɨbori, “Lais.”

Gumazir Dapaniba 5:22

Ezɨ hoziar atamra ivemara zuiba, me pamtem uan suebar nguazim gabɨri a tɨngaghavɨra iti.

1 Korin 10:28

Eghtɨ tav ia mɨkɨm suam, “Dagher kaba, me da isa, marvir guabar ofa gami.” Eghtɨ ia gumazim o amizir ia mɨkemezim bagh nɨghnigh, daman markɨ. Ia pazɨ damuan markɨ.

1 Korin 10:26

E fo, Godɨn Akɨnafarim ghaze, “Nguazir kam ko an itir biziba bar, da bar moghɨra Ekiamɨn biziba.”

Nahum 3:2

Ia oragh, benir hoziabar akɨriba ifozorozim ikia tɨngazi, ezɨ hoziabar sueba ko, karisɨn wilba tuavimɨn tɨngazi. Ezɨ karisba tuavimɨn dagɨabagh isɨn ghua nɨdi.

Jeremaia 47:3

Eghtɨ hoziaba ivemar izɨtɨ, dar suer puziba puvɨra nguazim mɨsogh tɨngaghɨtɨ, me da baragham. Eghtɨ me karisbar nɨgɨnim baraghtɨ da puvɨra ivemartɨ, dar wilba pamtemɨn tɨngagham. Eghtɨ gumazamiziba bar puvɨram atiatingɨva, aregham. Eghtɨ ameboghfeziaba onganigh uan boribagh nɨghnɨghan koghɨva, me mɨzuamighan kogham.

Jeremaia 10:25

Egh Kantrin Igharazibar Gumazamizir nɨn ziam dɨbora a fer puvatɨziba, nɨ men anɨngaghɨ me gasɨghasɨgh. Gumazamizir kaba, e Jekopɨn adarasi, me en maraziv soghezɨ me ariaghire. Me bar e agɨvagha en nguaziba ko dɨpeniba sara bar dagh asɨghasɨki. Kamaghɨn amizɨ, nɨ me gasɨghasɨgh.

Jeremaia 6:23

O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Jeremaia 4:24

Ezɨ kɨ mɨghsɨabar garima, mɨkɨmkɨzim adagh nuabima, dar ghuaba mangɨgh zeghi gami.

Onger Akaba 24:1

Nguazir kam ko an itir biziba bar, da bar Ikiavɨra Itir Godɨn bizibara. Ezɨ nguazimɨn itir gumazamiziba bar uaghan an bizibara.

Gumazir Dapaniba 20:1

Egha Israelia bar Gibean gumaziba amizir arazir kuramɨn akam baregha izava, Mispan nguibar ekiamɨn Ikiavɨra Itir Godɨn Damazimɨn bar moghɨra uari akufa. Me notɨn amadaghan Danɨn nguibar ekiamɨn ghua sautɨn amadaghan itir Berseban nguibar ekiamɨn gumaziba ko, Gileatɨn nguazimɨn itir gumaziba uaghan, uan nguibaba ategha iza bar moghɨra uari akufa.

Jopɨn Akɨnafarim 39:20

Nɨrara ti hoziabagh amima, da odezibar mɨn bar pɨn uari akuri? Hoziaba bar puv avɨghagha pamten arai, ezɨ men arareba atiatim gumazamizibagh anɨdi.

Jeremaia 3:24

E aser aghumsɨzim itim, Bal, e an ziam fer dughiamɨn, e uan sipsipba ko, bulmakauba ko, otariba ko, guiviba ko bizir aghuir en inazir afeziaba ingara iniziba, e bar ada gɨfa. E uan igiabara arazir kurar kam gamuavɨra ikia iza datɨrɨghɨn tu.

Jeremaia 5:17

Ia ti ghaze, ian nguibaba dɨvazir gavgaviba dar iti, eghtɨ ia deravɨra dar aven ikiam. Bar puvatɨgham. Apanir kaba izɨ ian nguibar kabagh asɨghasigham. Egh ian azenibar itir dagheba ko dɨpenibar itiba sara, dar amɨ da agɨvagham. Egh ian otariba ko guivibav soghɨrarigh, ian sipsipba, bulmakauba, bar a dav soghɨrarightɨ da arɨghiregham. Egh me ian wainɨn ikarɨziba, ko fighɨn temebagh asɨghasigham.

Jeremaia 30:5

“Kɨ Ikiavɨra Itir God, kɨ kamaghɨn mɨkeme: E orazima, gumazamiziba navir amɨrizimɨn itir puvatɨgha, bar atiatia dɨgavir kuram gamua bar puvɨram azi.

Jeremaia 30:16

Guizbangɨra, ia gasɨghasɨzir adarasi, me uari ikuvigham. Ian apaniba mangɨ saghon itir nguibabar kalabusɨn ikiam. Gumazir paza ia gamigha ian biziba okemeziba, apaniba pazɨ me damuva, men biziba okɨmam.

Jeremaia 50:42

O Babilon, nɨ mati guivir dirim. Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra ikiam. O Babilon, nɨ mati guivir dirim.

Jeremaia 51:29

Ikiavɨra Itir God Babilon gasɨghasɨghasa mɨkemegha gɨfa, egh a damightɨ a danganir kɨnimɨn otogham, eghtɨ gumazitam ua an ikian kogham. Eghtɨ Ikiavɨra Itir God ingangarir kam damuamin dughiamɨn, mɨkɨmkɨzir dafam nguazim bativɨra ikiam, mati gumazim mɨzazir bar kuram isima mɨkarzim a gasi.

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”