Jeremaia 8:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ E ghaze, e deravɨra dapiam, egha e deragha apiazir puvatɨ. Egha e ghaze, ua deraghamin dughiam iti, ezɨ apaniba iza e gamima, e bar atiatingi.

Jeremaia 8:15 ပူးပေါင်းရင်းမြစ်များ

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Maika 1:12

Ikiavɨra Itir God Jerusalem gasɨghasɨghamin dughiam bar roghɨra ize, kamaghɨn amizɨ, Marotɨn nguibamɨn adarazir naviba bar osemegha, uarir akurvaghasa gumazamiziba bagha pura mɨzua iti.

Jeremaia 8:11

Nan gumazamiziba, mati duar dafaba isia iti, ezɨ ofa gamir gumaziba ko akam inigha izir gumaziba men duabar gari, da pura biziba, egha deraghvɨra da akɨra da nozir puvatɨ. Egha me akar aghuimɨn gumazamizibav gɨa ghaze, ‘Biziba en derazɨ e deraghavɨra iti.’ Me kamaghɨn mɨgei, ezɨ guizbangɨra bizitam deragha itir puvatɨ.

Jeremaia 4:10

Ezɨ kɨ kamaghɨn mɨgei: “Ame! Ikiavɨra Itir God, nan Ekiam, nɨ Judaba ko Jerusalemia gifara ghaze, Kar me deraghvɨra ikiamin dughiam. Ezɨ puvatɨ, datɨrɨghɨn apaniba izɨ, uan mɨdorozir sababar me mɨsoghtɨ me arɨmighiram.”

Jopɨn Akɨnafarim 30:26

Kɨ kamaghɨn nɨghnɨki, nan dabirabir aghuim zurara ikiam, ezɨ puvatɨ, dughiar bar kuram na bato. Kɨ ghaze kɨ angazangarimɨn aven ikiam. Ezɨ puvatɨ, mɨtarmem bar na avara.

Jeremaia 6:25

Apaniba me bar gumazir kuraba, egha danganiba bar adar iti. Egha mɨsoghasavɨra gara itima e atiatingi. Kamaghɨn amizɨ, e tuaviba ko azenibar aruan kogham.”

Jeremaia 12:12

Eghtɨ apanir avɨriba otivigh, gumazamiziba puvatɨzir danganir mɨghsɨabar tuavimɨn izɨ, biziba bar dagh asɨghasɨgham. Guizbangɨra, kɨ Ikiavɨra Itir God, kɨ apanibar amutɨ, me ian kantrin otevir mamɨn ikegh, mangɨ otevir igharazimɨn gumazamiziba bar me gasɨghasɨgham. Eghtɨ gumazitam ua deragh ikian kogham.

Esekiel 7:25

Eghtɨ dughiar bar kuram Israelia bagh izɨtɨ, me dabirabir aghuim ko navir amɨrizimɨn ikɨsɨ bar damuva avegham. Bar puvatɨgham.