Jeremaia 7:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ “Ia uarir gan. Ia akar ifavarir kaba nɨghnɨzir gavgavimɨn dar iti. Ada tong ian akuraghan kogham.

Jeremaia 7:8 ပူးပေါင်းရင်းမြစ်များ

Aisaia 28:15

Egha ia ti kamaghɨn mɨgei, “E Ovevem ko akar gavgavim akɨrigha gɨfa. E Gumazamizir Oveaghuezibar Nguibam ko, akar gavgavim akɨrigha gɨfa, kamaghɨn, e ikuvighan kogham. Dughiar kurar manam aperiamɨn mɨn e bativam, e a gitagham. En nɨghnɨzir gavgavim kamaghɨn iti, en ifavarir akaba ko ifavarir arazir guar igharagha garir avɨriba, en akurazɨma, e deravɨra iti.”

Jeremaia 23:32

Ia gan! Kɨ Ikiavɨra Itir God, kɨ garima, akam inigha izir gumazir kaba, uan ifavarir irebabar gara dar gun gumazamizibav gei. Egha me gifara ghaze, kɨ da isa me ganɨdi. Me akar ifavarir igharagha garir avɨriba akuri, ezɨ bizir kam gumazamizibagh etuima me nan saghon iti. Kɨ me amadazir puvatɨgha, ingangarim me ganɨngizir puvatɨ. Kamaghɨn amizɨ, me gumazamizibar akurvazir puvatɨ. Bar puvatɨ. Kamaghɨn amizɨ, kɨ men apanim gami. Kɨ Ikiavɨra Itir God, kɨ mɨkemegha gɨfa.”

Jeremaia 23:26

Akam inigha izir gumazir kaba, manadɨzoghɨn navibagh iragh uan akar ifavarir gumazamizibav geir kaba ataghɨragham? Bar puvatɨgham.

Jeremaia 8:10

“Men gumazir ziaba itiba ko ziaba puvatɨziba sara arazir kurar kam gami. Ezɨ men ofa gamir gumaziba ko akam inigha izir gumaziba uaghan gumazamizibagh ifari. Kamaghɨn, kɨ men azeniba ko amuiba isɨ azenan itir gumazir igharazibar anigam.

Jeremaia 7:4

Ia kamaghɨn mɨgei, ‘Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim.’ Egha ia kamaghɨn mɨgɨa uarira uarigh ifari. Dɨpenir kam tong ian akuragh ia damutɨ, ia Godɨn damazimɨn deraghvɨra ikian kogham.

Jeremaia 5:31

Kɨ garima, akam inigha izir gumaziba, uari uan akaba akuri, egha gumazamizibagh ifari. Ezɨ ofa gamir gumaziba, gumazamizibagh ativagha akam inigha izir gumazibar akar ifavarir kabar gɨn zui. Ezɨ nan gumazamiziba arazir kam bar a gifonge. Kɨ mɨzazir kuram ia gaseghtɨ ian arazir kurar kam gɨvagham. Eghtɨ dughiar kamɨn men tinara ian akuragham?”

Jeremaia 4:10

Ezɨ kɨ kamaghɨn mɨgei: “Ame! Ikiavɨra Itir God, nan Ekiam, nɨ Judaba ko Jerusalemia gifara ghaze, Kar me deraghvɨra ikiamin dughiam. Ezɨ puvatɨ, datɨrɨghɨn apaniba izɨ, uan mɨdorozir sababar me mɨsoghtɨ me arɨmighiram.”

Aisaia 30:10

Egha me kamaghɨn Godɨn ganganir gumaziba ko an irebamɨn mɨn garir bizibar garir gumazibav gei, “Ia ua irebamɨn mɨn garir bizibar ganan markɨ. Egh ia uan akabar kumigh. Ia uam arazir aghuiba ko arazir zuezibar gɨn mangɨsɨ e mɨkɨman markɨ. E oraghasa ifongezir akar e apezeperibaram e mɨkɨm, kar bizir aghuir otivan koghamiba.

Aisaia 59:4

Ia deravɨra kotiabagh amir pu. Puvatɨ. Ia akar ifavaribagh amua, pura gumazir igharazibagh ekua kotiam bagha zui. Egha ia mɨgɨrɨgɨar ifavarir guar avɨribagh ami, eghtɨ me iararam oragh igharaz darazi dɨkabɨnam. Ian nɨghnɨziba ko naviba, arazir kurabar amuamin araziba dagh gizɨfa, ezɨ ia arazir kurar guar avɨribagh amima da otifi.

Jeremaia 28:15

Jeremaia akar kam mɨkemegha gɨvagha, ua kamaghɨn Hanania mɨgei, “Hanania, nɨ oragh. Ikiavɨra Itir God nɨ amadazɨ nɨ izezir puvatɨ. Ezɨ nɨ gumazamizibagh ifarazɨ, me nɨn akar ifavariba nɨghnɨzir gavgavimɨn dar iti.

Jeremaia 13:25

Kɨ Ikiavɨra Itir God, kɨ ghaze, nɨ na bakɨnɨghɨnigha ifavarir aseba nɨghnɨzir gavgavim dar iti. Kamaghɨn amizɨ, bizir nɨ bativir kaba, kɨ deraghavɨra fogha da mɨsevegha gɨfa, eghtɨ da nɨ bativam.