Jeremaia 7:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁴ Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Jeremaia 7:34 ပူးပေါင်းရင်းမြစ်များ

Akar Mogomem 18:23

Eghtɨ lamɨn angazangariba ua nɨn aven isian kogham. Eghtɨ gumazamizir uarir ikiasa mɨgeir mɨgɨrɨgɨaba, da ua nɨn aven otivan kogham. Nɨn gumazamizir fomɨra dagɨaba bagha biziba amadiba, gumazamizir igharazibar damatuzibar gumazamizir bar ekiabar otifis. Ezɨ nɨ kantrin igharaziba bar dar gumazamizibagh ifara imezir igharagha garir avɨribar ingari.

Hosea 2:11

Dughiar ekiar a bar akongeziba, kɨ bar da agɨvagham. Dughiar ekiar kaba kamakɨn. Kar, dughiar ekiar zurara azeniba bar dar otiviba, ko, iakɨnir igiaba, ko, Sabatɨn dughiaba, ko, Godɨn ziam fer dughiar igharaziba sara.

Esekiel 26:13

Eghtɨ kɨ ian onger akaba ko, gitabav sozir arazim bar ada agɨvagham.

Jeremaia 25:10

Egh kɨ men navir aghuimɨn agoroger arazim ko, bar akongezir arazim ko, gumaziba amuibar ikiamin arazim, kɨ bar ada gɨvagham. Eghtɨ witɨn ovɨziba mɨrmɨramin gumaziba puvatɨgham, kamaghɨn wit mɨrmɨramin dagɨaba ua tɨngaghan kogham. Eghtɨ lamɨn angazangariba ua danganir kamɨn puvatɨgham.

Jeremaia 16:9

Kɨ, Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei, gumazamiziba ua nguazir kamɨn ikian kogham. Eghtɨ bar akongezir arazim ko navim deragha itir arazim ko poroghamiba uarir itir arazim, kɨ bar moghɨra da agɨvagham. Eghtɨ gumazamizir datɨrɨghɨn itiba, uari uan damazibar bizir kamɨn gantɨ, an otivam.

Aisaia 1:7

Ian apaniba ian kantri gasɨghasigha gɨvagha, ian nguibabagh apongezɨ da isi. Egha ia garavɨra itima, me ian azenibar ian dagheba isi. Nguibar igharazimɨn gumaziba iza ian kantrin biziba bar dagh asɨghasɨghizɨ, nguazir kɨnim oto.

Ofa Gami 26:33

Kɨ apaniba amadaghtɨ, me ia mɨsogh ia batueghtɨ ia tintinibar kantrin igharazibar mangegham. Eghtɨ ian nguazim uaghan gumazamiziba puvatɨgh pura ikiam, eghtɨ nguibar ekiaba ikuvigh ikiam.

Maika 7:13

Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.

Jeremaia 4:27

Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Aisaia 3:26

Egh me nɨn biziba bar da inigham. Nɨ mati amizim, me bar an korotiaba suezɨ, a pura bibiamra nguazim gaperaghav iti moghɨn ikiam. Eghtɨ nɨn gumazamiziba nɨn gantɨ, bizir kaba nɨ bativtɨ, men naviba bightɨ me bar puv aziam.

Jeremaia 33:10

Egha gɨn Ikiavɨra Itir God kamaghɨn mɨgei, “Datɨrɨghɨn gumazamiziba ghaze, ‘Nguibar ekiar kam ikuvigha gɨfa, ezɨ gumazamiziba ko asɨziba an tir puvatɨ. Judan nguibaba ko Jerusalemɨn tuaviba pura iti, ezɨ gumazamiziba ko asɨziba dagh aruir puvatɨ.’ Ezɨ kɨ Ikiavɨra Itir God, kɨ ghaze: Gumazamiziba gɨn ua nguibar ekiar kamɨn ikiam.

Aisaia 6:11

Egha kɨ kamaghɨn an azara, “O Ekiam, kɨ ingangarir kam damu mangɨ man dughiamɨn tugham?” Ezɨ a kamaghɨn nan akam ikaragha ghaze: “Nɨ ingangarir kam damu, mamaghɨra ikɨ mangɨtɨ nguibar ekiaba bar ikuvigham, eghtɨ nguazim ikuvightɨ, dɨpeniba pura mɨsevir kɨnibar ikiam, eghtɨ gumazamizitaba uam a dar ikian kogham.

Onger Akaba 78:63

Men otarir igiaba mɨdorozimɨn aven bar ariaghirezɨma, men amizir igiaba ikiamin gumaziba puvatɨ.

Jeremaia 22:6

Kɨ Ikiavɨra Itir God, kɨ Judan atrivimɨn dɨpenim mɨgɨrɨgɨar kam an iti: “O atrivimɨn dɨpenim, kɨ nɨn garima, nɨ bar dera, nɨn ganganim bar deragha mati Distrik Gileatɨn ruarir ekiam, egha mati kantri Lebanonɨn mɨghsɨar ekiaba. Eghtɨ kɨ nɨ damightɨ, nɨ pura nguazir kɨnimɨn mɨn ikiam, mati danganir mɨsɨngiziba ko nguibar gumazamiziba itir puvatɨziba.

Jeremaia 27:17

Ia men akam baraghan markɨ. Ia Babilonɨn atrivimɨn apengan ikɨ, deraghvɨra ikiam. Puvatɨghtɨma, nguibar kaba ikuvigham.

Jeremaia 44:6

Kamaghɨn amizɨ, kɨ bar men anɨngaghegha, Judan nguibaba ko Jerusalemɨn tuaviba bar pazavɨra dagh amua dagh asɨghasɨki. Ezɨ me ikuvigha kamaghɨra iti.

Jopɨn Akɨnafarim 3:7

Gumazamiziba uarir ikiava bar akongezir arazim dɨmagarir kamɨn a gamizir puvatɨzɨ, deraghai. Dɨmagarir kamɨn amiziba boriba batezir puvatɨzɨ, kamaghɨn deraghai.

Jeremaia 4:26

Ezɨ kɨ ua garima, fomɨra nguazir otevir biziba bar deravɨrama aghuiba, da datɨrɨghɨn dɨpaba puvatɨzir danganir kɨnibar otifi. Ezɨ nguibar ekiar nguazir kamɨn itiba bar ikufi. Kar Ikiavɨra Itir Godɨn anɨngagharim bar ekevegha, bizir kabagh amizɨ da otifi.

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Esekiel 7:11

Men arazir kurar kaba ghuavɨra ikia datɨrɨghɨn ekevegha gɨfa. Kamaghɨn amizɨ, kɨ men bizir aghuir avɨriba bar dagh asɨghasigham. Egh men ziam abɨraghtɨ, me uam arazir kurabar amuan kogham.

Hosea 2:13

A dughiar ruarimɨn na gɨnamada, egha ghua mɨgharir mughuriar aghuim zuir ofaba isa asem Bal bagha ofabagh ami. Egha kurkazir aghuaribagh amua gumazir a ifongezibar gɨn arui. Kamaghɨn amizɨ, kɨ ivezir kuram a danigham. Kɨ Ikiavɨra Itir God, kɨ kamaghɨn mɨgei.”