Jeremaia 7:29 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁹ Jerusalemia, ia uan azirakar arazim akakagh uan dapanir arɨzibagh isegh da makunigh. Nɨn gumazamiziba Ikiavɨra Itir God gamizɨ, a bar anɨngagharir ekiam iti. Egha a gumazamizir kabar aghuagha akɨrim ragha me gasara. Kamaghɨn, ia mɨghsɨabar ghuavanegh azirakar ighiaba bangɨ.

Jeremaia 7:29 ပူးပေါင်းရင်းမြစ်များ

Jopɨn Akɨnafarim 1:20

Ezɨ Jop kamaghɨn oregha bar osemegha, dɨkavigha uan korotiar ruarim abigha uan dapanim gise. Egha Godɨn damazimɨn tevimning apɨrigha, uan guam nguazim mɨtuagha Godɨn ziam fe.

Maika 1:16

Egh apanir kaba ian borir ia bar ifongeziba inigh mangegham. Kamaghɨn amizɨ, ia me bagh nɨghnɨgh azi, egh uan dapanir arɨzibagh isegh dapanir tuziba ikiam.

Jeremaia 6:30

O Ikiavɨra Itir God, nɨ akɨrim ragha uan gumazamizibagh asaragha gɨfa. Kamaghɨn amizɨ, me silvan kurar me otoghezibar mɨn iti.”

Jeremaia 16:6

Kɨ ghaze, nguazir kamɨn gumazamizir ziaba itiba, ko ziaba puvatɨziba sarama arɨghiregham. Eghtɨ gumazir men kuaba mozibar afamiba puvatɨgham. Eghtɨ gumazir me bagh aziva uan apangkuvim akakagh mɨkarzim aghorɨva, dapanir arɨzim gisamiba puvatɨgham.

Aposel 2:40

Egha Pita mɨgɨrɨgɨar avɨribar me gamua akar gavgavir maba sara me mɨkeme, “Ia uari uarir akuragh, eghtɨ God dughiar kamɨn gumazamizir kurar kabagh asɨghasɨgh uaghan ia gasɨghasɨghan kogham.”

Matyu 23:36

Kɨ guizbangɨra ia mɨgei, arazir kurar kabar ivezir kuram, a datɨrɨghɨn itir gumazamiziba me bativam.”

Matyu 16:4

Gumazamizir dughiar kamɨn itiba, me bar gumazamizir kuraba! Egha me guizbangɨra God baghavɨra itir puvatɨ. Me zurara mirakelɨn tamɨn ganasa. Me tamɨn ganighan kogham. Puvatɨ. God mirakelɨn arazir vamɨra men akagham. Godɨn akam inigha izir gumazim Jona batozir mirakelɨn kamra, me an ganam.” Egha Iesus me ategha ghu.

Matyu 12:39

Ezɨ Iesus me ikaragha ghaze, “Gumazamizir dughiar kamɨn itiba, me bar gumazamizir kuraba! Egha me guizbangɨra God baghavɨra itir puvatɨ. Me zurara mirakelɨn tamɨn ganasa. Me tamɨn ganighan kogham. Puvatɨ. God mirakelɨn arazir vamɨra men akagham. Godɨn akam inigha izir gumazim Jona batozir mirakelɨn kamra, me an ganam.

Matyu 3:7

Egha a garima, Farisiba ko Sadyusibar avɨrim, a gumazamiziba ruer danganimɨn izi. Ezɨ a kamaghɨn me mɨgei, “Ia kuruzir divir anababa, tina ia mɨkemezɨ, ia Godɨn anɨngagharir gɨn izamimɨn arɨ mangasa?

Esekiel 28:12

“O nguazir kamɨn gumazim, nɨ mangɨ Tairɨn atrivim bagh azirakam damu, a mɨkɨm suam: “Kɨ Ikiavɨra Itir Godɨn Ekiam kamaghɨn nɨ mɨgei: Nɨ faragha gumazamiziba bar me gafiragha gumazir aghuimɨn oto. Ezɨ nɨn fofozim bar ekevegha nɨ gamizɨ nɨn ganganiba bar dera.

Esekiel 19:1

Ikiavɨra Itir God Israelian atrivir pumuning bagha azirakar ighiar kam bangasa na mɨkeme:

Jeremaia 48:37

“Moapia bar uan dapanir arɨziba ko ghuamasɨziba apɨr bar adar apangkuvigham. Egh me tintinibar uan dafaribar ghorɨva, apangkuvir korotiabar aghuigham.

Jeremaia 47:5

Gasaba, men naviba bar oseme, ezɨ me uan dapanir arɨziba apɨri. Ezɨ Askelonɨn nguibam bar ikufi. Ia danganir zarir kamɨn ikiavɨra itir varazira, ian apangkuvim manadɨzoghɨn gɨvaghtɨ, ia tintinibar uan inivafɨziba aghorir arazim ategham?

2 Atriviba 17:20

Ezɨ Ikiavɨra Itir God akɨrim ragha bar Israelia gasara. Egha a puv me gamua, egha apaniba amangizɨ me iza me gasɨghasɨki. Israelia arazir kuraba ataghizir puvatɨ, ezɨ Ikiavɨra Itir God men aghuagha, me batoghezɨ me an damazimɨn saghon ghue.

Godɨn Araziba 32:5

Ezɨ ia kamaghɨn puvatɨ. Ia gumazamizir ifariba. Ia akaba ighavkɨra, egha akar dɨkɨrɨziba abɨsi. Ia gumazamizir arazir kurabaram amibara. Bizir kaba bangɨn, ia Godɨn boribar ikian kogham.

Aisaia 22:12

Egha bizir kaba otivir dughiamɨn, Ikiavɨra Itir Godɨn Gavgaviba Bar Itim, nan Ekiam, a kamaghɨn ifonge, Ia aziv arang kuarkuv, egh uan dapaniba bar dagh isegh, egh azir korotiabar aghuigh.

Jeremaia 3:2

Ia kogh mɨghsɨabar ganɨva deraghvɨra nɨghnɨgh. Ia mɨghsɨar kabanangɨn, ti dar tam gisɨn gumaziba ko amiziba uari isava akuir arazim gamizɨ moghɨn, asebar ziaba fez, o? Puvatɨ, ia mɨghsɨabar vaghvagha arazir kam gami. Ia aseba baghavɨra iti, mati tuavimɨn amizim, tuavir mɨriabar apiav ikia gumaziba bagha gari. Egha uaghan mati Arebiabar mɨn gumazamiziba puvatɨzir danganibar mogav ikia gumazibar biziba okɨmasa me mɨzua iti. Ia mati amizim gumaziba isa me koma akuir arazir kuram gami moghɨn, uan nguazim gamizɨ, a nan damazimɨn bar mɨze.

Jeremaia 3:21

Gumazamiziba orazi, nɨgɨnir dafam mɨghsɨabagh isɨn otifi. Kar Israelian gumazamizir arazir kurabagh amiba puvɨram arava azia ikia, uarir apangkuvighasa azangsɨghavɨra iti. Me fo, me Ikiavɨra Itir God, men God, me anetegha tuavir kurar igharazimɨn ghue. Kamaghɨn me pamtem azi.

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Jeremaia 12:7

Ikiavɨra Itir God ghaze, “Israelian gumazamizir kɨ ua baghavɨra mɨseveziba, kɨ akɨrim ragha me gasaragha gɨfa. Gumazamizir kɨ bar gifongezir kaba, kɨ datɨrɨghɨn apanibar amamangatɨghtɨ, me me dɨkabɨragham.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.

Jeremaia 9:16

Kɨ me batuegh me amadaghtɨ, me mangɨ tintinibar kantrin fomɨra men inazir afeziaba ko me fozir puvatɨzibar tongɨn me ko ikiam. Eghtɨ kɨ apanibar amamangatɨghtɨ, me men gɨntɨgh mangɨ dughiar kɨ me gasɨghasɨghamim otogham.”