Jeremaia 6:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ O Jerusalemia, ia nan akam barakigh. Puvatɨghtɨ, kɨ zuamɨra akɨrim ragh ia gasaragham. Egh kɨ ia damightɨ ia nguibar soriam gavaghtɨ, gumazamiziba puvatɨgham.”

Jeremaia 6:8 ပူးပေါင်းရင်းမြစ်များ

Hosea 9:12

Tarazi boriba batɨtɨ, kɨ me mɨsueghtɨ, me arɨmɨghiregham. Kɨ tav ateghtɨ a ikian kogham. Kɨ gumazamiziba ateghamin dughiamɨn, bizir kuraba tintinimɨn me bativam. Mevzika!”

Esekiel 23:18

Oholiba bibiamra ikia azenara arazir kurabagh ami, ezɨ gumaziba bar a gɨfo, an amizir bar kuram. Ezɨ kɨ an avenemebamɨn aghuazɨ moghɨn, kɨ an aghuagha akɨrim ragha a gasara.

Jeremaia 17:23

Ezɨ ian ovaviba nan akam batuegha, nan gɨn zuir puvatɨgha, nan suren akar aghuiba baraghan aghua.

Sefanaia 3:7

Kɨ ghaze gumazamiziba nan arazir kabar gan, nan apengan ikiam, egh me nan amamangatɨghtɨ kɨ men arazir kuraba akɨram. Egh kɨ deraghvɨra men sure gamizir biziba, me deragh dagh nɨghnɨghtɨ, kɨ me gasɨghasighan kogham. Ezɨ me nan suren akaba barazir pu. Puvatɨ. Me zuamɨra ua dɨkavigha arazir kurabagh ami.”

Jeremaia 32:33

Me akɨrim ragha na gasaragha, nan boroghɨn izir puvatɨ. Kɨ dughiar avɨribar men arazir kuraba bagha men sure gami, ezɨ me nan akam baraghan aghua, egha dar gɨn zuir puvatɨ.

Onger Akaba 50:17

Kɨ ia akɨr ia mɨkɨman ia aghuagha, nan akaba gɨrakɨrangɨn ada arɨsi.

Jeremaia 31:19

E nɨ ategha gɨvagha, datɨrɨghɨn e ua uan nɨghnɨzibagh iragha gɨfa. Egha e uan osɨmtɨzim gɨfozir dughiamɨn, e osemegha bar aghumsɨki, egha dapaniba avingi. Faragha en adarazi gumazamizir igiabar mɨn ike, egha me arazir kurar avɨribagh ami. Egha datɨrɨghɨn e uan arazir kuraba, bar dar aghumsɨki.’

Jeremaia 9:11

Ezɨ Ikiavɨra Itir God na mɨgɨa ghaze, “Kɨ Jerusalem gasɨghasightɨ a irɨgh dagɨar pozim mɨtɨgham. Egh afiar atiabar danganimɨn otogham. Eghtɨ kɨ Judan nguibar igharazibagh asɨghasightɨ, nguibaba pura ikɨtɨ gumazamiziba dar ikian kogham.”

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Jeremaia 4:14

O Jerusalemia, ia manadɨzoghɨn uan navir averiamɨn aven itir nɨghnɨzir kuraba batuegham? Ia bar uan arazir kuraba batuegh zueghtɨ, Ikiavɨra Itir God, ian akuragham.

Jeremaia 2:15

Apanir kaba Israelia abɨragha mati laionbar mɨn pamtemɨn me dazera tiariba akara iti. Egha me Israelian nguazim gamizɨ a danganir kɨnir mamɨn mɨn iti. Egha ian nguibabagh apongezɨ da isigha, nguibar sueriabar otifi.

Aghuzir Akaba 4:13

Aghuzir akar aghuim, a nɨn ikɨrɨmɨrimɨn mɨngarim. Kamaghɨn nɨ zurara an suiragh deravɨram a geghuv, egh anetaghɨraghan markɨ.

Onger Akaba 94:12

O Ikiavɨra Itir God, nɨ uan Akar Gavgavimɨn gumazitamɨn sure damightɨ, gumazir kam bar akuegham.

Onger Akaba 2:10

Kamaghɨn amizɨ, ia atriviba, ia kuariba arigh oregh nɨghnɨzir aghuim iniam. Ia nguazimɨn gumazir dapaniba, ia akar kam baregh deravɨra uari bagh ganam.

Godɨn Araziba 32:29

Me ti nɨghnɨzir aghuiba ikiava, bizir me gasɨghasɨghamin kamɨn mɨngarim deragha a gɨfoghai. Ezɨ puvatɨ.

Ofa Gami 26:34

“Eghtɨ ia apanibar kantrin ikiamin dughiamɨn, ian nguazir kam pura avughsɨ ikiam. Ia fomɨra nguazir kamɨn ikia egha nguazim ataghizɨ, a zurara namba 7ɨn azenibar avughsir puvatɨ, mati kɨ ia mɨkemezɨ mokɨn. Egh nguazim pura ikiamin dughiamɨn, a deraghvɨram avughsam, egh nguazim dughiar kam bagh bar akongegham.

Jeremaia 7:28

Eghtɨ nɨ kamaghɨn me mɨkɨm suam, ‘Kantrin kamɨn gumazamiziba, Ikiavɨra Itir God, men Godɨn akamɨn gɨn ghuzir puvatɨ. Egh God ateghtɨ a me akɨrmɨghasa me nɨghnɨzir puvatɨ. Egha guizɨn akamɨn gɨn zuir tuavir kam, me bar anetaki.’ ”

Aghuzir Akaba 19:20

Nɨ gumazim ateghtɨ a nɨn sure damuva nɨghnɨzir aghuim nɨ danɨngtɨ, nɨ gɨn nɨghnɨzir aghuim ko fofozim ikiam.

Hosea 2:5

Men amebar kam uan pam ategha, tintinibar gumazir igharaziba ko akua navim asegha aghumsɨziba puvatɨ, egha kamaghɨn mɨgei, ‘Kɨ gumazir kɨ ifongezibar gɨn mangam. Me dɨpaba ko, dagheba ko, korotiaba ko, olivɨn borem ko, wainɨn dɨpaba ko, bizir maba sara na ganɨdi.’