Jeremaia 6:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kɨ orazi, arazir kuram, mati dɨpaba mozir pamɨn ikia zuraram otivavɨra iti moghɨn, zurara Jerusalemɨn otifi. Me zurara nguibar ekiamɨn aven bizibagh asɨghasɨgha, gumazamizir igharazibav sosi. Kɨ men gari, men avɨriba duaba ikia egha arɨmariaba iti.

Jeremaia 6:7 ပူးပေါင်းရင်းမြစ်များ

Esekiel 7:23

Israelɨn nguazimɨn itir danganiba bar, gumazamiziba arazir kurar avɨribar uari gamua, egha men nguibar ekiamɨn aven me uan avɨrim mɨsozi me ariaghira ghuavɨra iti. Kamaghɨn amizɨ, datɨrɨghɨn senbar ingarigh me ikɨrarɨghamin dughiam oto.

Esekiel 7:11

Men arazir kurar kaba ghuavɨra ikia datɨrɨghɨn ekevegha gɨfa. Kamaghɨn amizɨ, kɨ men bizir aghuir avɨriba bar dagh asɨghasigham. Egh men ziam abɨraghtɨ, me uam arazir kurabar amuan kogham.

Jeremaia 20:8

Kɨ zurara nɨn akam akurima, nɨ na gamima kɨ tiarim akara kamaghɨn dɨa mɨgei, “Mɨdorozim otoghtɨ, ia ikuvigham!” Ezɨ gumazamiziba akar kam baragha, zurara aghumsɨzim na ganɨga akar kurabar na mɨgei.

Aisaia 57:20

Ezɨ gumazamizir arazir kurabagh amiba, me uan arazir kuram ateghan kogham. Me mati ongarim zurara dɨpɨra iza, mɨnezir guar avɨrim atera iza ongarir dadarimɨn da akuri.”

Esekiel 24:7

Guizbangɨra, men arazir kuram azenimra iti. Me mati, gumazim, mɨsoghezɨ an aremezɨ, an ghuzim dagɨam gire. Gumazir kamɨn ghuzim nguazim girezɨ nguazir mɨneziba anevaragha a modozir puvatɨ. A dagɨar azenan itim gisɨn ire. Kamaghɨra, me azenara gumazamizibar damazimɨn kamaghɨn amima, me bar men gari.

Aghuzir Akaba 4:23

Ezɨ nɨghnɨzir aghuir nɨn ikɨrɨmɨrim akakazim, a nɨn nɨghnɨzimɨn otifi. Kamaghɨn amizɨ nɨ zurara uan nɨghnɨzim deraghvɨram an gan.

Jeremaia 30:12

Ikiavɨra Itir God ua kamaghɨn mɨgei: “Ia Israelia, me puv ia mɨsoke, eghtɨ ian mɨzazim ikɨvɨra ikɨtɨ, ian duar ekiaba akumighan kogham.

Jeremaia 30:13

Kɨ ian akurvaghsɨ, ia bagh na ko mɨkɨmamin gumaziba puvatɨ. Egha uaghan ian mɨkarziba akɨrightɨ, da ua deraghamin marasinba puvatɨ.

Jeremaia 32:31

Me Jerusalemɨn ingarir dughiamɨn ikegha iza datɨrɨkɨn, Jerusalemia na gamima kɨ bar anɨngaghe. Kamaghɨn amizɨ, kɨ nguibar ekiar kam uam an ganan aghuagha a gasɨghasɨghasa.

Esekiel 45:9

“Kɨ Ikiavɨra Itir Godɨn Ekiam, kɨ kamaghɨn mɨgei: Ia Israelian atriviba, ia bar dughiar ruarimɨn arazir kurabagh ami! Ia kuaba kurir arazim ko igharaz darazi abɨrir arazim atakigh. Bizir manam dera ia damu. Ia uamategh nan gumazamiziba, men nguazim me dama a inisɨ, me batoghan markɨ. Kɨ Ikiavɨra Itir Godɨn Ekiam, kɨ kamaghɨn ia mɨgei.”

Aisaia 1:6

Duaba an dapanim bar anegɨrigha uaghira an suemningɨn tu, ezɨ an mɨkarzitam pura itir puvatɨ. Duar igharagha garir avɨriba an mɨkarzimɨn iti, ezɨ an mɨkarzim pura fɨfɨki. Me an duaba ruezir puvatɨgha da nomkezir puvatɨ. Egha me tong marasin tam dagh aghuizir puvatɨ.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Jeremaia 30:15

Ia uan duar kaba bagh azirakar avɨribar amuan markɨ. Duar kaba akumighan kogham. Ia arazir kurar avɨribagh ami, egha osɨmtɨzir ekiam iti. Kamaghɨn kɨ arazir kamɨn ia gami.

Esekiel 21:29

Ia Amonia irebamɨn mɨn garir bizir ifavariba ia dar gari, egha gɨn otivamin bizir ia mɨgeiba, da guizbangɨra puvatɨ. Ia ghaze, ia uari mɨdorozir sabar kamɨn suiragh, egh gumazir nan akaba batogha arazir kurabagh amibav soghɨrarɨgham. Ezɨ irebar kam, guizbangɨra puvatɨ. Bar guizbangɨra, ian arazir kuraba ikarvaghamin dughiam izegha gɨfa, ezɨ ia a damighan kogham.

Sefanaia 3:1

O Jerusalem, nɨ ikuvigham. Nɨn gumazamizibar araziba, Ikiavɨra Itir Godɨn damazimɨn bar mɨzegha, kurigha bar ikufi. Me an akaba batogha uan adarazira, paza me gami.