Jeremaia 6:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Kamaghɨn amizɨ, markɨ, e dɨmagarimɨn mɨdorozim foregh, men dɨvazir gavgavibagh asɨghasɨgham.”

Jeremaia 6:5 ပူးပေါင်းရင်းမြစ်များ

Jeremaia 52:13

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Aisaia 32:14

Bar guizbangɨra, atrivim uan dɨpenim ategham. Eghtɨ gumazamiziba bar moghɨra nguibar ekiar kam ateghtɨ gumazamizibar nɨgɨnir me ingara mangɨn izegh gamir kam, ua ikian kogham. Eghtɨ mɨdorozir gumazibar dɨvazir gavgavim ko, dɨpenir suer ruarir mɨdorozir gumaziba ikia apaniba bagha gariba, da bar moghɨra pura ikɨ bar ikuvigham. Eghtɨ afiar atiaba dughiar bar ruarimɨn danganir kamɨn ikiam. Eghtɨ donkin atiaba an aven darusɨ bar akuegham, eghtɨ sipsipba ko bulmakauba izɨ oghevsevibar amam.

Sekaraia 11:1

O Lebanonɨn gumazamiziba, avim ian temer sidabar isigham, kamaghɨn amizɨ, ia tuavim apɨran markɨ, ia uan tiar akaba kuigh.

Amos 2:5

Kamaghɨn amizɨ, kɨ avim isɨ Judan nguibabav kɨnightɨ, Jerusalemɨn dɨpenir gavgaviba bar isigham.”

Hosea 8:14

“Israelia ghaze, atriviba ti men akurvaghamin gavgaviba itima, me atrivibar dɨpenibar ingari. Bar guizbangɨra, kɨ God, kɨ gumazamizibar ingari. Ezɨ me bizir kam gɨn amada. Judaba uaghan osɨmtɨzir kamra iti, me dɨvazir gavgaviba itir nguibar ekiabar ingari. Egha ghaze, me deravɨra ikiam. Ezɨ puvatɨ, kɨ avim amadaghtɨ, a izɨ nguibar ekiar kaba ko atrivibar dɨpenibar isigham.”

Jeremaia 17:27

Egh ia nan akamɨn gɨn mangan aghuagh, Sabatɨn dughiam amɨseveghtɨ a nan dughiamra ikian kogh, ia biziba inigh Sabatɨn dughiamɨn Jerusalemɨn tiar akabar aven mangɨgh izegh damutɨ, kɨ tiar akar kaba avim dar atɨghtɨ da isiam. Eghtɨ Jerusalemɨn itir dɨpenir ekiaba bar isigham. Eghtɨ tav avir kam amungeghan kogham.’ ”

Jeremaia 9:21

“Ovevem e batogha gɨfa. A en dɨpenir gavgaviba ko danganir mogomoebar aven izegha gɨfa. Boriba ikarara tuavibar itima ovevem me batifi. Egha uari akuvir danganibar gumazir igiaba batifi.”

Onger Akaba 48:3

God nguibar kamɨn ikia, mɨdorozibar dughiabar uan gumazamizibagh eghuva men akurvazima, me deravɨra iti.

2 Eghaghaniba 36:19

Ezɨ Babilonia Godɨn Dɨpenim gaborogha Jerusalem avɨnizir dɨvaziba bar ada akaragharɨki. Egha nguibamɨn aven atrivir dɨpenim ko, dɨpenir aghuir igharaziba bar dagh apongezɨ da isi. Egha bizir iveziba bar pɨn kozibagh asɨghasɨki.

Obadia 1:1

Ikiavɨra Itir Godɨn Ekiam akar kaba isa Obadia ganɨngi, God arazitam Idomia damuamin akaba. Ikiavɨra Itir God akam inigha izir gumazir mam amadazɨma, a kantriba bar adar ghu. Ezɨ e an akam baregha gɨfa. A kamaghɨn mɨgɨa ghaze, “Ia uarira uarir ariragh, egh dɨkavigh e mangɨ Idomia mɨsogham.”

Jeremaia 52:7

Dughiar kamɨn Babilonia dɨvazimɨn vuer mam akarigha Jerusalemɨn aven ghue. Ezɨ Atrivim Sedekaia Jerusalemɨn mɨdorozir gumaziba koma are. Me dɨmagarimɨn suebar ghuava atrivimɨn dagher azenimɨn otivigha ghua, danganir dɨvazir pumuning uaning isasuiragha itir tiar akar kamɨn ghua, Jerusalemɨn nguibar ekiamɨn otivigha ghue. Egha me Jordanɨn Fanemɨn danganir zarimɨn ghuaghirir tuavimɨn zui.