Jeremaia 6:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Eghtɨ gumazir men faragha zuiba kamaghɨn mɨkɨmam, “Aria, e mɨsoghsɨvɨra gan ikiam. E aruer arɨzimɨn dɨkavigh mangɨ me korogh, me mɨsogham.” Egh me gɨn kamaghɨn mɨkɨmam, “Amei, e tɨghar mɨdorozir bizibar akɨram, amɨnim pɨri.

Jeremaia 6:4 ပူးပေါင်းရင်းမြစ်များ

Jeremaia 15:8

Eghtɨ men mɨdorozir gumazir ariaghirezibar amuir odiaribar dɨbobonim nan damazimɨn bar ghuanabogh, ongarir gigimɨn dɨbobonim gafiragham. Kɨ aruer arɨzimɨn apaniba amadazɨ, me iza, men mɨdorozir gumazir igiabav soghezɨ me ariaghire. Ezɨ bizir kam gumazir igiar kabar amebabagh amizɨ, me dɨgavir kuram gamigha, osɨmtɨzir ekiamɨn ikia bar atiatingi.

Sefanaia 2:4

Ikiavɨra Itir God Filistian kantri gasɨghasightɨ, gumazitam Gazan nguibar ekiamɨn ikian kogham. Eghtɨ Askelonɨn nguibar ekiam uaghan gumaziba puvatɨgham. Asdotɨn itir gumazamiziba, apaniba dughiar vamɨran me batuegham, egh me uaghan Ekronɨn itir gumazamiziba batuegham.

Joel 3:9

Egha God akar kam Kantrin Igharazibar Gumazamizibar tongɨn mangɨ a mɨkɨmasa Joel mɨkeme, “Ia God ko mɨdorozim damusɨ biziba akɨr ikɨ, egh mɨdorozir gumaziba bar men diaghtɨ, me izɨ uari akuvagh, egh mɨsoghsɨ mangam.

Jeremaia 8:20

Ezɨ gumazamiziba kamaghɨn diava ara mɨgei: “Aruem garir dughiam gɨfa, ezɨ me azenibar aven itir dagheba bar ada asigha gɨfa. Ezɨ God ua e iniasa nɨghnɨzir puvatɨ.”

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

Solomon 2:17

A dagh eghuv dar gan mangɨtɨ amɨnim tiraghtɨ, mɨtarmem arɨ mangɨgham. O nan roroar gumazir kɨ bar ifongezim, nɨ zuamɨra raghɨrɨgh arɨ mangɨ, mati asɨzir dian apurir aghuir mam ivemara mɨghsɨar ekiabagh isɨn ara zui.

Jeremaia 6:23

O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Jeremaia 15:9

Ezɨ amizir borir 7pla batezim, an boriba bar arɨmɨghireghtɨ, amebar kamɨn navir averiam bar ikuvigh, mati mɨnemɨn mɨn isikuam, eghtɨ an kuarmɨzim mati asɨzir agharim an guraghtɨ, an angam aremeghsɨ damuam. Amebar kamɨn dughiar aghuim, ua dughiar bar kuramɨn otoghtɨ, a bar aghumsigham. Mati an aruer arɨzimɨn itima, aruem zuamɨra iraghugha gɨfa. Kamaghɨra, Judan ikiavɨra itir varazira, kɨ apaniba amangightɨ, me izɨ me mɨsueghtɨ me arɨmɨghiregham. Kɨ Ikiavɨra Itir God, kɨ mɨkemegha gɨfa.”

Obadia 1:1

Ikiavɨra Itir Godɨn Ekiam akar kaba isa Obadia ganɨngi, God arazitam Idomia damuamin akaba. Ikiavɨra Itir God akam inigha izir gumazir mam amadazɨma, a kantriba bar adar ghu. Ezɨ e an akam baregha gɨfa. A kamaghɨn mɨgɨa ghaze, “Ia uarira uarir ariragh, egh dɨkavigh e mangɨ Idomia mɨsogham.”

Jopɨn Akɨnafarim 7:2

E mati ingangarir gumazir kɨnibar mɨn, danganir dughuaziba itibar ikiasa ifonge. Egha e mati ingangarir gumazim ivezim iniasa ingarigha ivezim bagha mɨzua iti.

Maika 3:5

Godɨn akam inigha izir gumazir maba, deragha nan gumazamizibagh amir puvatɨ. Eghtɨ tav dagheba me danɨngtɨ, me a ko akaba akɨr suam, a dughiar aghuibar ikiam. Puvatɨ, kar me a gifari. Eghtɨ gumazamiziba dagheba me danighan kogham, eghtɨ me akar atiatibav kɨm ifar suam, men apaniba izɨ me gasɨghasɨgham. Ezɨ Ikiavɨra Itir God, akam inigha izir gumazir kabav gɨa ghaze,