Jeremaia 6:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ O Ikiavɨra Itir God, nɨ akɨrim ragha uan gumazamizibagh asaragha gɨfa. Kamaghɨn amizɨ, me silvan kurar me otoghezibar mɨn iti.”

Jeremaia 6:30 ပူးပေါင်းရင်းမြစ်များ

Hosea 9:17

Gumazamizir kaba nan Godɨn akaba batogha an akamɨn gɨn zuir puvatɨ. Kamaghɨn amizɨ, an akɨrim ragh uan gumazamizibagh asaragham. Eghtɨ me kantrin igharazibar tongɨn pura guighav itir gumazamizibar mɨn ikiam.

Aisaia 1:22

Nɨ fomɨra silvan aghuimɨn mɨn gari, egha nɨ datɨrɨghɨn mati kapa akuaghiregha gɨfa. Nɨ fomɨra mati wain, a bar sɨngi, egha nɨ datɨrɨghɨn, mati wain me dɨpam sara a iverezɨ a isɨngtɨziba puvatɨ.

Onger Akaba 119:119

Nɨ kamaghɨn nɨghnɨsi, nguazir kamɨn itir gumazamizir kuraba bar, mati bizir kurar gumazamiziba makunasava amiba. Kamaghɨn amizɨ, kɨ bar nɨn akabagh ifonge.

Aisaia 1:25

O Jerusalem, kɨ ingangarir gavgavim foregha, nɨn arazir kuram akɨrmɨgham, mati gumaziba silvan itir mɨneziba amɨsɨvasa da tue moghɨn, kɨ bar avir pamtemɨn isimɨn nɨ tuam. Kamaghɨra, kɨ ian arazir mɨzɨrɨziba adangasa.

Akɨnafarir Pol Romɨn Nguibar Ekiamɨn Itir Sios Bagha Osirizim 11:1

Kamaghɨn amizɨ, kɨ bizir kam gɨnɨghnɨgha ian azai, God uan gumazamiziba batosi, o? Bar puvatɨ! Kɨ uabɨ Israelɨn gumazir mam, egha Abrahamɨn ovavim, kɨ Benjaminɨn anabar gumazir mam.

Matyu 5:13

Egha Iesus ua me mɨgɨa ghaze, “Ia nguazir kamɨn itir gumazamiziba bar me bagha, amangsɨzimɨn mɨn iti. Ia fo, amangsɨzim uan isɨngtɨzim ateghtɨ, ia manmaghɨn a damightɨ a ua sɨngigham? Amangsɨzir kamaghɨn otiviba ingangariba puvatɨ. Me a isɨ nguazimɨn anekunigh a dɨkabɨnam.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Jeremaia 7:29

Jerusalemia, ia uan azirakar arazim akakagh uan dapanir arɨzibagh isegh da makunigh. Nɨn gumazamiziba Ikiavɨra Itir God gamizɨ, a bar anɨngagharir ekiam iti. Egha a gumazamizir kabar aghuagha akɨrim ragha me gasara. Kamaghɨn, ia mɨghsɨabar ghuavanegh azirakar ighiaba bangɨ.

Aghuzir Akaba 25:4

Me silva isɨ avimɨn a tuaghtɨ an poghezir dagɨar mɨnezir kuraba asighɨreghtɨ, silvara otogham. Eghtɨ gumazim an itarir aghuimɨn ingarigham.

Onger Akaba 53:5

Gumazamizir kamaghɨn amiba atiatir bar dafam me bativam. Fomɨra atiatir kamaghɨn garitam me batozir puvatɨ. Guizbangɨra, God bar uan gumazamizibar apanibar aghua. Me ariaghirezɨ, a men aghariba tintinibar da kavkɨnizɨ, da irezɨ, me bar aghumsɨki. Kamaghɨn, a bar me gafiragha gɨfa.

Jeremaia 7:1

Kɨ Jeremaia, Ikiavɨra Itir God kamaghɨn na mɨgei,

Sekaraia 11:8

Egha kɨ, sipsipbagh eghuvir gumazir 3plan atara men aghua. Ezɨ me uaghan na gifongezir puvatɨ. Ezɨ iakɨnir vamɨran aven kɨ me batoke.

2 Atriviba 17:20

Ezɨ Ikiavɨra Itir God akɨrim ragha bar Israelia gasara. Egha a puv me gamua, egha apaniba amangizɨ me iza me gasɨghasɨki. Israelia arazir kuraba ataghizir puvatɨ, ezɨ Ikiavɨra Itir God men aghuagha, me batoghezɨ me an damazimɨn saghon ghue.

Jeremaia 23:33

Ikiavɨra Itir God kamaghɨn Jeremaia mɨkeme, “Gumazamiziba o, Godɨn akam inigha izir gumaziba o, ofa gamir gumazitam, me ti izɨ kamaghɨn nɨn azangsɨgham, ‘Ikiavɨra Itir God, akar osɨmtɨzim ititam iti, o puvatɨ?’ Eghtɨ nɨ a ikaragh nan akar kamɨn gun mɨkɨm suam, ‘Kɨ Ikiavɨra Itir God, kɨ akam ian iti. Iarara osɨmtɨzim na gatɨ. Kamaghɨn amizɨ, kɨ ia batuegham.’