Jeremaia 6:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Atriviba uan mɨdorozir gumaziba ko Jerusalem mɨsoghsɨ izam, mati sipsipbar garir gumaziba uan sipsipba ko izam. Me azenan nguibam ekɨarugh, vaghvagh nguazir akuar nguibam boroghɨn itiba, uan averpenibar ingaram. Egh mɨdorozir gumazir kaba sipsipɨn okoruar dafabar mɨn bar avɨrasemegham.

Jeremaia 6:3 ပူးပေါင်းရင်းမြစ်များ

Luk Osirizir Akar Aghuim 19:43

Dughiam izɨtɨ, nɨn apaniba izɨ nguibam avɨnizir dɨvazimɨn boroghɨn nguazir pozir ekiabav kɨnɨva nɨ ekɨarughtɨ, nɨ arɨmangɨghan kogham.

Nahum 3:18

O Asirian atrivim, nɨ oragh. Nɨn gumazir dapaniba ko, gumazir ziaba itiba, me ariaghirezɨ men kuaba ireghav iti. Ezɨ apaniba nɨn gumazamizibagh amizɨ, me tintinibar mɨghsɨabar ghue. Ezɨ ua men akuva, me inigh nguibamɨn izamin gumaziba puvatɨ.

Jeremaia 12:10

“Kantrin Igharazibar Gumazamizibar gumazir dapanir avɨriba iza, nan wainɨn azenir dirim gasɨghasɨki. Me azenir dirir kam dɨkezɨ, a danganir mɨdiarimɨn mɨn iti. Ezɨ gumazamiziba uam an itir puvatɨ.

2 Atriviba 24:2

Ezɨ dughiar kamɨn, Ikiavɨra Itir God, Babilonian gumazir bɨzir maba ko, Siriabar gumazir bɨzir maba ko, Moapian gumazir bɨzir maba ko, Amonian gumazir bɨzir maba, me izɨ, Jehoiakimɨn adarazi ko mɨsogh Judan kantri gasɨghasɨghasa, a me amada. Ikiavɨra Itir God fomɨra uan akam inigha izir gumaziba, kar an ingangarir gumaziba, uan akaba isa me ganɨngizɨ, me an gun mɨkeme. Ikiavɨra Itir God mɨkemezɨ moghɨn, datɨrɨghɨn bizir kabagh amizɨ, da guizbangɨram otifi.