Jeremaia 6:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.

Jeremaia 6:24 ပူးပေါင်းရင်းမြစ်များ

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 49:24

Damaskusɨn gumazamiziba ua gavgaviba puvatɨ. Me mati amizir mam arasa atiatim a gamima an aran ibura. Me mɨzazir ekiam ko osɨmtɨzim iti, mati amizim borim batasa mɨzazim isi.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Jeremaia 30:6

Manmaghɨn ami? Gumaziba ti boriba bati, a? Puvatɨgham. Ezɨ manmaghsua, kɨ gumazibar garima, me vaghvagha dafariba isa uan navibagh arɨki, mati amizim borim batasa mɨzazir ekiam isi moghɨn arai. Manmaghsua, men guaba igharagha otivigha gari, mati gumazim bar puvɨram atiati.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

Aisaia 28:19

Dughiar kurar kaba ia ateghan kogham. Puvatɨ. Da dɨmagariba ko aruebar zurara ia bativ mamaghɨra ikiam, mati amizim bɨzimɨn uan dɨpenim zurara aneviavɨra iti.” Egh ia guizbangɨra Godɨn akar kabar mɨngaribagh foghɨva, puv atiating nɨgham.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Onger Akaba 48:6

Me nguibamɨn gara nɨghava agoa mɨzazim isi, mati amizim borim batasa mɨzazim isi.

Daniel 5:9

Kamaghɨn amizɨ, Atrivim Belsasar bar atiatingi. Egha an atiatir guam asaragha an gavgavim gɨvazɨma, an soroghafariba a ginɨsi. Ezɨ an gumazir ekiaba nɨghnɨghava avenge, kamaghɨn amizɨ, me bizitam damuan ibura.

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Esekiel 7:17

Eghtɨ men aghariba men amɨragh gavgaviba puvatɨghtɨ, men teviba me gɨnuighnuigham.