Jeremaia 6:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Jeremaia 6:23 ပူးပေါင်းရင်းမြစ်များ

Aisaia 13:18

Me bar Babilonia agɨvasa nɨghnɨzim bar gavgafi. Me gumazir igiaba uan pibar me gasɨtɨ, me arɨghiregham. Eghtɨ borir ekiaba ko muziariba, me men apangkuvighan kogham.”

Jeremaia 50:42

O Babilon, nɨ mati guivir dirim. Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra ikiam. O Babilon, nɨ mati guivir dirim.

Jeremaia 30:14

Ia arazir kurar avɨribagh amigha osɨmtɨzir ekiam iti. Kamaghɨn amizɨ, kɨ ia gasɨghasɨki, mati gumazim uan apanimɨn apangkuvir puvatɨgha, a gasɨghasɨki. Kamaghɨn amizɨ, iavzika, gumazir fomɨra ian namakabagh amiziba, me ia gɨn amadagha gɨfa, egha me ua ia gɨnɨghnɨzir puvatɨ.

Jeremaia 5:16

Men mɨdorozir gumaziba bar moghɨra, mɨdorozir gumazir bar gavgaviba. Egha me barir pibar asa bar fogha, gumazamizibagh asi me ariaghiri.

Jeremaia 4:29

Kɨ Jeremaia, kɨ garima, mɨdorozir gumazir maba hoziabagh apiazɨ, gumazir maba uan pibar suigha mɨdorozim bagha izi. Ezɨ gumazamizir danganir kabar itiba, me baregha, bar moghɨra uan nguibaba ataghɨraghava are. Men marazi ara ghua ruaribar aven monge, ezɨ marazi ghua dagɨar toribar aven monge. Ezɨ nguibaba bar moghɨra pura mɨsevir kɨnibar itima, gumazamiziba puvatɨ.

Jeremaia 4:13

Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Aisaia 19:4

Kɨ Isipia isɨva, atrivir kuratamɨn agharim datɨghtɨ, a men ganam. A gumazir bar anɨngaghezim, a men gan, deragh me damuan kogham. Kɨ Ekiam, kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Aisaia 10:32

Apaniba datɨrɨghɨn Nopɨn nguibar ekiamɨn otivigha gɨfa. Egha Saionɨn Mɨghsɨamɨn amadaghan gara, uan dafariba apɨra, uan gavgaviba akakagha ghaze, me Jerusalemɨn nguibar ekiam gasɨghasɨghasa uari baraki.

Aisaia 17:12

Ia nɨgɨnir ekiar kam baragh! Kar kantrin avɨribar mɨdorozir gumaziba uari akuvir nɨgɨnim. Men nɨgɨnim mati, ongarim pamtem iza dadarimɨn dɨpɨraghira tɨngazi.

Jeremaia 6:4

Eghtɨ gumazir men faragha zuiba kamaghɨn mɨkɨmam, “Aria, e mɨsoghsɨvɨra gan ikiam. E aruer arɨzimɨn dɨkavigh mangɨ me korogh, me mɨsogham.” Egh me gɨn kamaghɨn mɨkɨmam, “Amei, e tɨghar mɨdorozir bizibar akɨram, amɨnim pɨri.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Esekiel 21:31

Kɨ uan anɨngagharim ia gingegh ia gasɨghasɨgham, mati avir mɨzariaba mɨghɨ ia bagh mangam. Egh kɨ ia isɨ bar puvɨra anɨngazir gumazibar agharibar arɨgham, kar bizibagh asɨghasɨzir fofozim itir gumaziba.

Jeremaia 4:16

Ikiavɨra Itir God, gumazir kabav gɨa ghaze, Ia Kantrin Igharazibar Gumazamizibav kemegh, ‘Apaniba Judan otivigha gɨfa.’ Egh ia Jerusalemia kamaghɨn me mɨkemegh, ‘Apaniba nguibar saghon itiba ategha iza, Judan nguibaba ko mɨsosi. Me nguibar kaba avɨnigh, pamten tiariba akar, egh akar ekiamɨn gumazamizibav kɨmam.’

Jeremaia 8:16

Ezɨ apaniba notɨn amadaghan, Danɨn anabamɨn adarazir nguazimɨn otivigha gɨfa, ezɨ e hoziaba barazi me bar puv avɨghagha pamtemɨn arai. Ezɨ hoziar kaba araima, en nguazir oteviba ivazvazima, e bar puvɨrama atiati. E fo, apaniba Jerusalemɨn nguibam ko an tir gumazamiziba ko, bar en nguazimɨn itir biziba bar dagh gasɨghasɨghasa izi.”

Jeremaia 25:32

“ ‘Ikiavɨra Itir Godɨn Gavgaviba Bar Itim, kamaghɨn mɨkeme: Ia oragh. Kantriba bar ikuvigham. Bizir kam, faragh kantrin tamɨn otogham, egh mangɨ bar kantribar otivam. Ezɨ asɨghasɨzir kam, mati amɨnir ekiam bar saghon dɨkavigha iva iza nguazim bar a garui.’ ”

Jeremaia 50:41

“Ia gan! Mɨdorozir gumaziba notɨn amadaghan ikegha izasava ami. Me bar gavgavigha atrivir avɨriba ikia, egha bar saghon ti. Egha me mɨsoghasa mɨdorozir biziba akɨra iti.