Jeremaia 6:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Ezɨ Ikiavɨra Itir God ghaze, “Kɨ ian faragh mangɨ ikiangsɨzim ia danɨngamin gumaziba amɨsevegha gɨfa. Egha kɨ kamaghɨn ia mɨgei, ‘Osɨmtɨzim otivamin dughiamɨn me sɨgham givitɨ, ia deravɨra me baragh.’ ” Ezɨ me ghaze, “Ti puvatɨgham. E gumazir kabar akaba bareghan kogham.”

Jeremaia 6:17 ပူးပေါင်းရင်းမြစ်များ

Jeremaia 25:4

Ikiavɨra Itir God, ia bagha dughiar avɨribar uan akam inigha izir gumaziba amadi, kar an ingangarir gumaziba. Ezɨ ia uan kuariba apɨrigha men akaba baraghan aghua.

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Sekaraia 7:11

“Ezɨ gumazamiziba akaba baraghan aghuagha uan kuaribav konegha, uan nɨghnɨzibar kumi.

Aisaia 21:11

Ikiavɨra Itir God, Duman nguibar ekiamɨn otivamin bizibar gun mɨgei. Idomian kantrin itir gumaziba dɨa kamaghɨn azangsɨsi, “O apaniba bagha garir gumazim, dɨmagarim manadɨzoghɨn gɨvagham? A bar guizbangɨra, dughiar manamɨn gɨvagham?”

Habakuk 2:1

Kɨ uan osɨmtɨzimɨn gun Ikiavɨra Itir God mɨkemegha gɨfa, egha a na danɨngamin mɨgɨrɨgɨam mɨzua iti, eghtɨ kɨ uam an mɨgɨrɨgɨam ikarvagham. Mati mɨdorozir gumaziba nguibam avɨnizir dɨvazir mɨtiar gavgavimɨn pɨn ghuavanega, tuivigha apaniba bagha gara iti moghɨn, kɨ a bagha gara mɨzua iti.

Hibru 13:17

Ian gumazir dapaniba ian akurvaghasa zurara ian gari. Egh me gɨn ingangarir me amizibar gun God ko mɨkɨmam. Kamaghɨn amizɨ, ia men akaba baragh egh men apengan ikɨ. Ia kamaghɨn damutɨ, me bar akuegh uan ingangarim damuam. Ia kamaghɨn damuan koghtɨ, me osɨmtɨzim sara ian ganam, eghtɨ bizir kam ian akuraghan kogham.

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Aisaia 62:6

O Jerusalem, nɨn dɨvazir mɨtiar gavgavibar pɨn, kɨ apaniba bagha garir gumaziba afe, eghtɨ ganganir gumazir kaba, arueba ko dɨmagaribar uan akabar kumighan kogham. Kɨ kamaghɨn me mɨkeme, “Ia Ikiavɨra Itir Godɨn deir gumazamiziba, ia avughsan markɨ.

Jeremaia 6:18

Ezɨ Ikiavɨra Itir God, nguazimɨn itir kantriba bar me mɨgɨa ghaze: “Ia izɨ bar uari akuvagh uan damazibar gan oraghtɨ, kɨ Israelia damuamin bizibar gun ia mɨkɨmam. Ia uan damazibar bizir kabar ganam.

Jeremaia 7:28

Eghtɨ nɨ kamaghɨn me mɨkɨm suam, ‘Kantrin kamɨn gumazamiziba, Ikiavɨra Itir God, men Godɨn akamɨn gɨn ghuzir puvatɨ. Egh God ateghtɨ a me akɨrmɨghasa me nɨghnɨzir puvatɨ. Egha guizɨn akamɨn gɨn zuir tuavir kam, me bar anetaki.’ ”

Sekaraia 1:4

Ia uan inazir afeziabar mɨn damu ikian markɨ. Fomɨra Godɨn akam inigha izir gumaziba nan akam me mɨkɨra ghaze, Ikiavɨra Itir Godɨn Gavgaviba Bar itim ghaze, ia pazavɨra itir arazir kuraba ataghɨragh. Ezɨ me na barazi puvatɨgha, nan gɨn izir puvatɨ. Kar Ikiavɨra Itir Godɨn mɨgɨrɨgɨam.

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Jeremaia 18:12

Eghtɨ gumazamiziba kamaghɨn nɨn akam ikaragham, ‘Markɨ e aghua. E uari uan nɨghnɨzibar gɨn mangasa ifonge. E bar moghɨra nɨn akam baraghan aghua, e uan navir averiar kurabar gɨn mangasa.’ ”

Esekiel 3:7

Israelian adarasi, me oraghan aghuagham. Me bar moghɨra akaba barazir puvatɨgha naviba bar gavgafi. Kamaghɨn amizɨ, men tav tong bar nɨ mɨgeir akatam bareghan kogham.