Jeremaia 6:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Me ti arazir kurar me amizibar aghumsighama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng me gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jeremaia 6:15 ပူးပေါင်းရင်းမြစ်များ

Jeremaia 8:12

“Me ti arazir kurar me amizibar aghumsɨghama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng, me gasɨghasɨgham. Kɨ Ikiavɨra Itir God, kɨ mɨkemegha gɨfa.

Matyu 15:14

Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”

Jeremaia 3:3

Ezɨ bizir kam bangɨn, kɨ amozimɨn tɨvazɨma, a tong ian nguazim gizezir puvatɨ. Ezɨ ia tuavimɨn amizimɨn mɨrarama amua, akam baraghan aghuagha, aghumsɨzir puvatɨ.

Filipai 3:19

Me uan mɨkarzibar ifongiabar gɨn mangasa bar ifonge, ezɨ bizir kam mati men godɨn mɨn iti. Me aghumsɨzir arazibar amuasa bar akongegha, zurara nguazir kamɨn bizibara nɨghnɨsi. Kamaghɨn, gumazir kaba helɨn mangɨtɨ God me gasɨghasɨgham.

Sefanaia 3:5

Ezɨ Ikiavɨra Itir God Jerusalemɨn ikiavɨra iti. A guizɨn arazir aghuibaram ami, egha arazir derazir puvatɨziba ana dagh amir puvatɨ. Mɨzarazibar zurara, a guizɨn uan arazimɨn gɨn ghua, bar deragha kotiabagh amua, gumazamizibar araziba tuisɨsi. Egha ingangarir kam ataghɨrazir puvatɨ. Ezɨ gumazir kurar nguibar ekiar kamɨn itiba, me guizɨn arazimɨn gɨn zuir puvatɨ, egha aghumsɨzir puvatɨ. Bar puvatɨ.

Maika 7:4

Ezɨ gumazir igharaziba ghaze me deragha arazir aghuibagh ami, ezɨ God men gari, me ikuvigha mati grazir ataghatariba ko, benir dɨkoniba itiba. Dughiam otogha gɨfa, ezɨ God uan gumazamizibagh asɨghasɨghasa, mati an akam inigha izir gumazim mɨkemezɨ mokɨn. God kamaghɨn damutɨ, an gumazamiziba okam nɨghnɨgh onganigh tintinibar nɨghnɨgham.

Maika 3:6

“Ia nan gumazamizibagh ifari, kamaghɨn amizɨ, kɨ ian anogoreghtɨ, ia ua irebamɨn mɨn gari bizibar ganan kogham, egh dar mɨngariba abɨghan kogh, egh ia gɨn otivamin bizibagh foghan kogh, dav kɨman kogham. Ia aruem iraghugha gɨvagha amɨnim pɨrizɨ moghɨn, ian dughiaba gɨvagham.”

Hosea 9:7

God pazɨ ia damuamin dughiam otogha gɨfa. Eghtɨ ia uan arazir kurar amizibar ivezir kuram iniam. Arazir kam otoghamin dughiamɨn, ia Israelia fogham, kar dughiar God ia ikarvaghamim. Ia kamaghɨn na mɨgei, “Akam inigha izir gumazir kam ongani. Gumazir Godɨn Duam itir kam, a nɨghnɨzir aghuiba puvatɨ.” Ia gumazamiziba, ian arazir kuram bar ekefe, kamaghɨn amizɨ, ia bar na gifongezir puvatɨ.

Esekiel 24:7

Guizbangɨra, men arazir kuram azenimra iti. Me mati, gumazim, mɨsoghezɨ an aremezɨ, an ghuzim dagɨam gire. Gumazir kamɨn ghuzim nguazim girezɨ nguazir mɨneziba anevaragha a modozir puvatɨ. A dagɨar azenan itim gisɨn ire. Kamaghɨra, me azenara gumazamizibar damazimɨn kamaghɨn amima, me bar men gari.

Esekiel 2:4

Men naviba gavgavizɨ me nan akam barazir puvatɨ. Ezɨ kɨ nɨ amadaghtɨ, nɨ me bagh mangɨ kamaghɨn me mɨkɨm suam, ‘Kar Ikiavɨra Itir Godɨn Ekiam, ia bagha akar kam amada.’

Jeremaia 23:12

Kamaghɨn amizɨ, tuavir me zuir kam, kɨ a damightɨ a bar apɨghsigham, eghtɨ mɨtatem bar me avaragham. Eghtɨ kɨ bar mɨghɨghvɨra me abɨntɨ me iregham. Kɨ me gasɨghasɨghasa dughiam ginabagha gɨfa, eghtɨ dughiar kamɨn kɨ bar puv me gasɨghasigham. Kɨ Ikiavɨra Itir God, kɨ mɨkemegha gɨfa.”

Jeremaia 5:29

“Kɨ Ikiavɨra Itir God, guizbangɨra mɨgei, Kɨ gumazir kabar arazir kuraba bagh pazɨvɨra me damigham. Bar guizbangɨra, kɨ gumazamizir kabanang ikarvagh ivezir kuram me danɨngam.

Jeremaia 5:9

Kɨ Ikiavɨra Itir God, kɨ ghaze, Gumazamizir kaba nan ziar ekiam gasɨghasɨsi. Kamaghɨn, kɨ guizbangɨra gumazamizir kabar arazir kuraba ikarvaghɨva, bar me gasɨghasigham.

Aisaia 10:4

Ia bizitam damuva avegham. Bar puvatɨgham. Ian tarazi mɨdorozimɨn arɨmɨghiregham. Me ian tarazir suigh mangɨtɨ, ia kalabuziabar tongɨn bar atiatigh teviba apɨrigh mamaghɨra ikiam. Ia osɨmtɨzir bar kurar kam gitaghan kogham. Ikiavɨra Itir God bizir kabar amutɨ, da ia bativam, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Aisaia 3:9

Egha me kotiaba barazir dughiabar, me ifongezir gumazamizibaram akurvagha igharaz darazi dɨkabɨri. Ezɨ men arazir kamra, me isa kotiam garɨsi. Sodomia fomɨram amizɨ moghɨra, me gumazamizir igharazibar damazibar arazir kuram damuan aghumsɨzir puvatɨ. Mevzika! Me ikuvigham. Me uari arazir kuram gamigha an osɨmtɨzim ateri. Kamaghɨn amizɨ, me uan arazir kuramɨn ivezim ateram.

Aghuzir Akaba 29:1

Me dughiar avɨribar gumazir mam akɨrtɨ, an akaba batoghvɨra ikiam, kamaghɨn a zuamɨra ikuvigham. Eghtɨ an akurvaghamin tuaviba ua puvatɨgham.

Ua Me Ini 32:34

Aria, nɨ mangɨ, gumazamiziba inigh danganir kɨ nɨ mɨkemezir kamɨn mangɨ. Nɨ oragh. Nan ensel ia inigh ian faragh tuavimɨn mangam. Eghtɨ gɨn kɨ izɨ ivezir kuram gumazamizir arazir kuram gamiziba, kɨ me ikaragham.”

Jeremaia 8:9

Kɨ Ikiavɨra Itir God, ian fofozir gumaziba nan akabar aghuagha akɨrim ragha dagh asara. Manmaghsua me ghaze, me datɨrɨghɨn fofoziba iti? Puvatɨ. Me datɨrɨghɨn azuazim asɨzimɨn suizi moghɨn, dughiar kuram men suiraghtɨ me bar aghumsigham. Eghtɨ men nɨghnɨziba bar ikuvigham.

Jeremaia 18:23

Ikiavɨra Itir God, nɨ fo, me na mɨsueghtɨ kɨ aremeghasava ami. Eghtɨ nɨ men arazir kuraba gɨn amangan markɨ. Men osɨmtɨziba agɨvan markɨ. Nɨ men anɨngaghvɨra ikɨva, men apanibar amutɨ, me izɨ nɨn damazimɨn me dɨkabɨragh.”

Jeremaia 44:10

Fomɨra ikegha iza datɨrɨghɨn, ia arazir kurar kabar aghumsɨzir puvatɨ. Egha ia nan atiatia nan apengan itir puvatɨgha, nan Araziba ko arazir kɨ ifongeziba, kɨ da isa ia ko ian ovavibagh anɨngi, ia dar gɨn zuir puvatɨ.

Esekiel 13:14

Dɨvazir ia penɨn ghurghurimɨn aghuizir kam, kɨ anekararigh, an dɨvazir mɨngarimɨn aven itir dagɨaba aghamsightɨ da pura tintinibar ikiam. A degeghirɨgh bar ia mɨsoghɨrarigham. Eghtɨ ia bar fogh suam, kɨrara, kɨ Ikiavɨra Itir God.

Sefanaia 2:1

Ia kantrin kamɨn gumazamiziba, ia uan arazir kurabar aghumsɨzir puvatɨ. Ia deravɨra arazir kam gɨnɨghnɨgh, egh a bagh aghumsɨgh.

Sekaraia 13:4

Dughiar kamɨn, akam inigha izir gumazir ifavariba, men tav uan irebabar mɨn garir biziba bagh aghumsigh, bar akongeghan kogham. Me Godɨn akam inigha izir gumazibar korotiatam aghuan kogham. Egh Godɨn akam inigha izir gumazibar arazitam gumazamiziba gifarɨsɨ, a damighan kogham. Puvatɨgham.

Jenesis 19:34

Egha amɨmzaraghan guivir ekiam uan afumim mɨgɨa ghaze, “Kɨ bogɨran dɨmangan afeziam koma akuigha gɨfa. Ga datɨrɨghɨn dɨmangan afeziam wainɨn taba uam a danɨngam. Eghtɨ nɨ kɨ amizɨ moghɨn nɨ a ko daku, eghtɨ a boritaba ga danightɨ gan afeziamɨn adarazi ikɨ mangɨvɨra ikiam.”

Jeremaia 14:15

Kɨ Ikiavɨra Itir God, kɨ gumazir iza nan ziamɨn akam akunizir kaba, kɨ men gun nɨ mɨgɨa ghaze, Kɨ me amangizir puvatɨ. Me ifara pura iza nan ziamɨn ghaze, ‘Mɨdoroziba ko dagheba puvatɨghamin dughiam kantrin kamɨn otivan kogham.’ Ezɨ kɨ ia mɨgei, Mɨdoroziba ko mɨtiriar arazimra, Godɨn akam inigha izir gumazir kabara bativ bar me kuavaremegh.

Hosea 4:5

Ia zurara ingangarim gamua, deraghavɨra ingarir puvatɨgha asaghporavɨra iti. Ezɨ Godɨn akam inigha izir gumaziba uaghan kamaghɨram ami. Kamaghɨn amizɨ, kɨ Israel gasɨghasigham, a mati ian amebam.