Jeremaia 6:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ kɨ Ikiavɨra Itir Godɨn akam ikaragha ghaze: “Kɨ ikiangsɨzim me danɨng me mɨkɨmtɨ, tina men tongɨn na baregham? Me kuarir toriba puvatɨ. Men naviba gavgavizɨ me nɨn akam baraghan aghua. Me nɨn akam mɨgɨa ghaze, a bizir kuram, egha a gifongezir puvatɨ.

Jeremaia 6:10 ပူးပေါင်းရင်းမြစ်များ

Aposel 7:51

Egha Stiven ua kamaghɨn Judan kotɨn gumazibav gei, “Ia bar orazir puvatɨzir darasi! Ian naviba ko nɨghnɨziba mati, God gɨfozir puvatɨzir gumazamiziba! Ia uan inazir afeziabar mɨrarama ami! Ia uaghan Godɨn Duam zurara a batosi!

Jon Osirizir Akar Aghuim 7:7

Ezɨ nguazir kamɨn itir gumazamiziba me ian apanim damuan kogham. Ezɨ kɨ men arazir kurar me amibar gun mɨgei. Kamaghɨn amizɨ, me nan apanim gami.

Jeremaia 7:26

Ezɨ ian inazir afeziaba nan akam baraghan aghua. Egha akaba batogha men faragha zuir ovavibagh afiragha arazir kurabagh ami.

Hibru 11:7

Ezɨ Noa uaghan kamaghɨra nɨghnɨzir gavgavim Godɨn iti. Ezɨ God bizir gɨn otivamibar gun a mɨkeme. Kar bizir Noa tɨghar ganamiba. Egha a nɨghnɨzir gavgavim Godɨn akamɨn ikia, egha bizir kam bagha a kurir mamɨn ingari. Egha uan amuiroghboriba ko, me kurimɨn aven ghuezɨ, bizitam me gasɨghasɨzir puvatɨzɨ, me deravɨra iti. Ezɨ Noan nɨghnɨzir gavgavir kam, a nguazimɨn itir gumazamizir igharaziba bar, men arazir kuraba da aghurigha azenim gatɨ. Noa nɨghnɨzir gavgavim Godɨn itima, God bizir kamɨn a mɨgɨa ghaze, a nan damazimɨn bar gumazir aghuim. Ezɨ God bar gumazir nɨghnɨzir gavgavim an itiba, a bar kamaghɨra me gami.

Aisaia 53:1

Ezɨ gumazamiziba akam ikaragha ghaze, “Tinara datɨrɨghɨn, e orazir akaba nɨghnɨzir gavgavim adar iti? Terara, Ikiavɨra Itir God, uan ingangarir gavgaviba isa men akazɨ, me dar gani?

Ua Me Ini 6:12

Ezɨ Moses kamaghɨn an akam ikaragha ghaze, “Israelia nan akam barazir puvatɨ. Ezɨ atrivim manmaghɨn na baragham? Na mɨzem na basemezɨ, kɨ deragha bizibav geir puvatɨ. Egh kɨ manmaghɨn deragh atrivim mɨkɨmam?”

2 Timoti 4:3

E fo, dughiam izɨtɨma, gumazamiziba ua guizɨn akam baraghsɨ ifueghan kogham. Men kuariba akar igharaziba baraghsɨ bar ikuvigham. Egh me uari bagh tisan avɨriba inightɨ, me akar me oraghasa ifongezibar men sure damuam.

Kolosi 1:28

Ezɨ e Kraisɨn Akar Aghuim bar vaghvagha gumazamizibav kɨri. E kamaghɨn ifonge, me Krais ko porogh ikɨva fofozir aghuitamɨn oteveghan kogham, eghtɨ e me inigh Godɨn damazimɨn mangam. Kamaghsua, e nɨghnɨzir aghuim ko fofozir aghuimɨn gɨn ghua men sure gamua, egha akar gavgavim me ganɨdi.

Akɨnafarir Pol Romɨn Nguibar Ekiamɨn Itir Sios Bagha Osirizim 7:22

Guizbangɨra, nan navir averiamɨn aven, Godɨn otivir Moses Osirizir Araziba, kɨ dagh nɨghnɨghavɨra ikia da bagha bar akonge.

Aposel 7:60

Egha a uan tevimning apɨrigha irɨgha pamtem dei, “Ekiam, nɨ men arazir kurar kam gɨnɨghnɨghan markɨ, a gɨn amadagh.” A kamaghɨn mɨkemegha areme.

Jon Osirizir Akar Aghuim 9:40

Farisin maba Iesusɨn boroghɨra ikia akar kam baraki. Egha me an azara, “Nɨ ghaze, e ti uaghan damaziba okafi, o?”

Luk Osirizir Akar Aghuim 20:19

Ezɨ Judan Arazibagh fozir gumaziba, ko ofa gamir gumazir ekiaba, me bar kaghɨra Iesusɨn suighasa tuaviba buri. Me fo, an akar isɨn zuir kam me gasara, ezɨ me an suighan gumazamizibar atiati.

Luk Osirizir Akar Aghuim 11:45

Ezɨ Judan Arazibagh fozir gumazir mam a ikaragha ghaze, “Tisa, nɨ bizir kabav gɨa, uaghan e gasɨghasɨsi.”

Matyu 3:7

Egha a garima, Farisiba ko Sadyusibar avɨrim, a gumazamiziba ruer danganimɨn izi. Ezɨ a kamaghɨn me mɨgei, “Ia kuruzir divir anababa, tina ia mɨkemezɨ, ia Godɨn anɨngagharir gɨn izamimɨn arɨ mangasa?

Amos 7:10

Dughiar kamɨn, Amasia, a Betelɨn nguibamɨn itir ofa gamir gumazir mam. A Israelian atrivim Jeroboam bagha akam amaga kamaghɨn mɨgɨa ghaze, “Israelian gumazamiziba nɨn apanimɨn ikiasa Amos men navibagh inifi. Nɨ purama an gantɨ a ikɨtɨ, an mɨgɨrɨgɨar kaba kantrin kam bar a gasɨghasigham.

Esekiel 33:9

Eghtɨ nɨ ikiangsɨzir akam arazir kuram gamir gumazim mɨkemeghtɨ, a uan arazir kuraba ataghɨraghan aghuaghtɨ, an arazir kurar kam an ikɨ a gasɨghasightɨ an aremegham. Eghtɨ nɨ bizir kamɨn osɨmtɨzim puvatɨgham, egh nɨ ovengan kogham.”

Esekiel 33:3

A gantɨ, apaniba izɨtɨ, a gumazamiziba fofoghsɨ sɨgham giviam.

Jeremaia 4:4

Ia Judaba ko Jerusalemia, ia na bagha uan mɨkarzir mogomebar inibar ghoregha na ko akam akɨrizɨ moghɨn, kamaghɨra ia na baghvɨra ikɨ uari isɨ na danɨng. Ia kamaghɨn damighan koghtɨ, nan anɨngagharim avir ekiamɨn mɨn otogh, ia amizir arazir kuram bagh ian isitɨ, gumazitam anemungueghan kogham.”

Onger Akaba 119:174

O, Ikiavɨra Itir God, kɨ nɨn akurvazim bagha ara nɨ mɨzuai. Ezɨ nɨn Araziba na gami kɨ bar akonge.

Onger Akaba 119:77

Kɨ nɨn Araziba bar a dagh ifonge. Kamaghɨn amizɨ, nɨ nan apangkuvightɨ, kɨ ikɨrɨmɨrir aghuim iniam.

Onger Akaba 119:70

Gumazir kaba uan navibar kumigha nɨghnɨzir aghuiba men puvatɨ. Ezɨ kɨ nɨn Araziba bar dagh ifonge.

Onger Akaba 119:35

Kɨ nɨn akar kam bagha bar akonge. Tuavir kɨ mangamim nɨ nan akaghtɨ, kɨ nɨn Akar Gavgavibar gɨn mangam.

Onger Akaba 119:24

Nɨn akaba bar deravɨra nan sure gamizɨma, kɨ da bagha bar akonge. Da deravɨra nan akurvazi, kɨ deravɨram arui.

Onger Akaba 119:16

Nɨ ifongezir araziba, kɨ dar gɨn mangasa bar akonge. Egh da gɨn amangan kogham.

Onger Akaba 40:8

O nan God, kɨ nɨn Akar Gavgaviba uan navimɨn aven ada arigha, nɨn ifongiamɨn gɨn mangasa bar ifonge.”

Onger Akaba 1:2

Gumazamizir kaba, bar Ikiavɨra Itir Godɨn Arazibagh ifongegha, dɨmagariba ko aruebar dar gara pamtem dagh nɨghnɨghavɨra iti.

Godɨn Araziba 29:4

Egha fomɨra iza datɨrɨghɨn, Ikiavɨra Itir God, ia gamizɨ, ian nɨghnɨziba, ko damaziba ko kuariba pɨrighavɨra itima, ia deraghavɨra bizir kabar mɨngaribagh fozir puvatɨghavɨra iti.

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Jeremaia 9:26

Ia nguibar kabar gumaziba, kar Isipia, Judaba, Idomia, Amonia, Moapia ko gumazir pura gumazamiziba puvatɨzir danganimɨn ikia uan dapanir dakurir arɨzibagh isezɨ da oteveziba, gumazamizir kaba me gumazir God gɨfozir puvatɨziba. Ezɨ Israelia uaghan men arazibar gɨn zui. Israelian gumaziba uan mɨkarzir mogomer iniba aghoregha, uan navir averiabagh irazir puvatɨ. Egha me mati gumazir uan mɨkarzir mogomer iniba aghorezir puvatɨziba.”

Aisaia 42:20

Bizir bar avɨriba, ia dar ganigha dar akaba baraki. Egha bizir kaba, ia deragha dar gari puvatɨ, egha deragha kuariba arigha, akar kam baraghizir puvatɨ.”

Jeremaia 7:13

Ezɨ ia uaghan arazir kurar kabagh amuavɨra ikia zuima, kɨ dughiar avɨribar ia arazir kurar kaba ataghɨragh navim giraghasa ia mɨkemezɨ, ia oraghan aghua. Kɨ ian deima, ia nan dɨmdiam ikarazir puvatɨ.

Jeremaia 35:13

“Kɨ Ikiavɨra Itir Godɨn Gavgaviba Bar Itim, Israelian God, kɨ kamaghɨn mɨkeme: Nɨ mangɨ Judaba ko Jerusalemia kamaghɨn me mɨkɨm suam, Kɨ Ikiavɨra Itir God, ia nan akamɨn gɨn mangamin arazimɨn, kɨ ian sure damuasa.

Esekiel 3:7

Israelian adarasi, me oraghan aghuagham. Me bar moghɨra akaba barazir puvatɨgha naviba bar gavgafi. Kamaghɨn amizɨ, men tav tong bar nɨ mɨgeir akatam bareghan kogham.