Jeremaia 52:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Nebukatnesar inigha ghua kalabus gatɨzir gumazamizibar dɨbobonim, a kamakɨn: Namba 7ɨn azenimɨn an atrivimɨn itir dughiam, a Judan 3,023plan gumazamiziba ini.

Jeremaia 52:28 ပူးပေါင်းရင်းမြစ်များ

2 Eghaghaniba 36:20

Babilonɨn atrivim gumazamizir mɨdorozimɨn ariaghirezir puvatɨziba inigha ghua Babilonɨn kalabuziar gumazamizibar mɨn me arɨki. Ezɨ me pura men ingangarir gumazamizir kɨnibar mɨn ikia ghua, kantri Persia tugha gavgavigha, Babilon dɨkabɨrazir dughiam oto.

Esra 2:1

Bar fomɨra, Nebukatnesar Babilonɨn atrivimɨn itir dughiamɨn, a ghua Judabav mɨsogha men gumazamizir avɨrim inigha Babilonɨn kalabusɨn ikiasa me inigha ize. Egha gɨn gumazamizir avɨrim Babilon ategha iza, Jerusalem ko Judan danganir mabar iti. Me vaghvagha ua uan inazir afeziabar nguazibar iti.

Nehemia 7:6

Bar fomɨra Atrivim Nebukatnesar Israelian avɨriba inigha Babilonɨn kalabus gatɨ. Ezɨ me azenir avɨribar kalabusɨn iti. Egha gɨn gumazamizir avɨrim Babilon ategha iza, Jerusalem ko Judan danganir mabar iti. Me vaghvagha ua uan inazir afeziabar nguazibar iti.

Jeremaia 52:29

Egha a namba 18ɨn azenimɨn atrivimɨn itir dughiamɨn, a 832plan Jerusalemian gumazamiziba ini.

Esekiel 12:11

Nɨ me mɨkɨm suam, bizir nɨ amizir kam, a Jerusalemia bativamin bizimɨn ababanim. Eghtɨ apaniba kalabuziabar mɨn me inigh mangɨ, kantrin igharazimɨn me isɨ kalabus darɨgham.

Jeremaia 13:19

Apaniba izɨ Judan sautɨn amadaghan itir Distrik Negev, an itir nguibaba ekɨarugh dar dɨvazibar tiar akaba asegham. Me Judaba bar me inigha nguibar igharazimɨn, pura ingangarir gumazir kɨnibar mɨn me arɨghsɨ, me inigh mangegham. Kamaghɨn amizɨ, Judan gumazitam ua nguibabar tiar akaba kuigh mangɨ izegh damuan kogham.