Jeremaia 52:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Jeremaia 52:13 ပူးပေါင်းရင်းမြစ်များ

Maika 3:12

Kamaghɨn amizɨ, ia gumazir dapaniba ko ofa gamir gumaziba ko akam inigha izir gumaziba, ia amizir osɨmtɨzir kaba bangɨn, God Jerusalem gasɨghasɨgham. Eghtɨ Jerusalemɨn biziba bar ikuvigham, egh mɨnezir pozimɨn otogham. Eghtɨ Saion nguazir kɨnimɨn mɨn ikɨtɨ, gumaziba an dagher azenibar ingaram. Eghtɨ Ikiavɨra Itir Godɨn Dɨpenim iti naghɨn mɨghsɨar kam, ruarim a batogham.

Onger Akaba 79:1

O God, Kantrin Igharazibar Gumazamiziba nɨn nguazimɨn ize. Egha Dɨpenir nɨ ua bagha inabagha itim gamizɨ, a bar moghɨra nɨn damazimɨn mɨzegha ikufi. Egha me Jerusalem bar a gasɨghasɨki.

2 Eghaghaniba 36:19

Ezɨ Babilonia Godɨn Dɨpenim gaborogha Jerusalem avɨnizir dɨvaziba bar ada akaragharɨki. Egha nguibamɨn aven atrivir dɨpenim ko, dɨpenir aghuir igharaziba bar dagh apongezɨ da isi. Egha bizir iveziba bar pɨn kozibagh asɨghasɨki.

Amos 6:11

Ia oragh! Ikiavɨra Itir God mɨkɨmtɨ, dɨpenir ekiaba ko, doziba sara bar dɨpɨrighɨrɨ akuar muziaribar otivigham.

Amos 2:5

Kamaghɨn amizɨ, kɨ avim isɨ Judan nguibabav kɨnightɨ, Jerusalemɨn dɨpenir gavgaviba bar isigham.”

2 Atriviba 25:9

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Matyu 24:2

Ezɨ an akar kamɨn me mɨgei, “Ia Dɨpenimɨn itir bizir aghuir kabar gari? Kɨ guizbangɨra ia mɨgei, dagɨar kaba, gumaziba bar da pueghtɨ da bar moghɨra dagh iregham. Eghtɨ tam tam gisɨn ikeghan kogham.”

Sekaraia 11:1

O Lebanonɨn gumazamiziba, avim ian temer sidabar isigham, kamaghɨn amizɨ, ia tuavim apɨran markɨ, ia uan tiar akaba kuigh.

Esekiel 24:21

Nɨ Israelɨn ikɨzimɨn mangɨ akar kam me mɨkɨm. Kɨ Ikiavɨra Itir Godɨn Ekiam, kɨ kamaghɨn mɨgei: Ia nan Dɨpenim bagha bar akongegha ghaze, a bar deragha gavgafi. Ia Dɨpenir kam bar faraghvɨrama anerɨgha bar a gifonge. Ia uan navir averiabar aven, zurara a baghavɨra iti. Ia bizir kam gɨfogh, kɨ a gasɨghasightɨ a bizir kɨnimɨn mɨn otogham. Eghtɨ ian borir Jerusalemɨn ikiavɨra itiba, me mɨdorozimɨn aven arɨmɨghiregham.

Jeremaia 38:23

“Kɨ irebar kamɨn gani, egha kɨ fo, bar guizbangɨra, Babilonia nɨn amuiroghboriba iniam. Ezɨ nɨ uaghan men arɨv avegham. Puvatɨ. Babilonɨn atrivim nɨn suiragham. Egha nɨ akam batoghezir arazim bangɨn, Babilonia nguibar ekiar kam daboroghtɨ a isigham.”

Jeremaia 34:22

Eghtɨ kɨ Ikiavɨra Itir God, kɨ mɨkemeghtɨ, me ua izɨ Jerusalem ko mɨsogh egh nguibar ekiar kam iniam. Egh men nguibar ekiaba, avimɨn dar apongegham. Eghtɨ kɨ Judan nguibaba bar dagh asɨghasigham, eghtɨ nguibar kɨniba ikɨtɨ, gumazamiziba dar puvatɨgham.”

Jeremaia 22:14

Gumazir kam ti kamaghɨn mɨgei, ‘Kɨ ua baghavɨra dɨpenir ekiamra ingaram. Eghtɨ an ghuriamɨn pɨn danganir ekiaba ikiam. A dɨpenir kamɨn winduan ekiabar ingari. Egha temer Sidan ararir aghuibar dar ingarigha Egha ter araribar uan dɨpenimɨn bɨribagh afughafuki. Egha penɨn aghevimɨn dɨpenim asɨngi.’

Jeremaia 7:14

Ia guizbangɨra kamaghɨn nɨghnɨghan markɨ egh suam, nan Dɨpenir kam ian akuraghtɨ, ia deravɨra ikiam. Kɨ fomɨra ian inazir afeziaba, me mɨkemezɨ, me nan ziam fasa kagh an ingari. Datɨrɨghɨn kɨ Silon nguibam gasɨghasɨghizɨ moghɨn, a gasɨghasɨgham.

1 Atriviba 9:8

Dɨpenir kam, datɨrɨghɨn ziar ekiam iti. Eghtɨ gɨn gumazir danganir kamɨn izamiba me izɨva an gan me dɨpov akɨ mɨsoribar anɨng, dɨgavir kuram damigh, egh bar atiatigh, kamaghɨn mɨkɨmam, ‘Ikiavɨra Itir God, manmaghsuavɨra nguazir kam gasɨghasɨgha, egha Dɨpenir kam sarama asɨghasɨki?’

Jeremaia 6:5

Kamaghɨn amizɨ, markɨ, e dɨmagarimɨn mɨdorozim foregh, men dɨvazir gavgavibagh asɨghasɨgham.”

Jeremaia 19:13

Ia Jerusalemɨn nguibar ekiamɨn itir dɨpeniba ko Judabar atrivibar dɨpenir siriabagh isɨn ghua mɨkoveziba bagha mughuriar aghuim zuir ofabagh amua, aseba bagha wain inger ofabagh ami. Eghtɨ Jerusalemɨn itir dɨpenir kaba bar moghɨra Tofetɨn danganimɨn mɨn otoghtɨ, gumazamizibar kuaba dar aven ikɨ Godɨn damazimɨn bar mɨzegham.’ ”

Jeremaia 21:10

Kɨ Ikiavɨra Itir God, kɨ guizbangɨra mɨgɨa ghaze, Kɨ Jerusalemɨn nguibar ekiam gasɨghasɨghasa nɨghnigha gɨfa. Kɨ ua deraghvɨra a damuan aghua. Kɨ Babilonɨn atrivimɨn amamangatɨghtɨ, a nguibar ekiar kam inigh uan mɨdorozir gumazibav kemeghtɨ, me a daboroghtɨ, a bar moghɨra isigh ikuvigh puvatɨgham.’ ”

Jeremaia 21:14

Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Jeremaia 32:29

Me izɨ nguibar ekiar kam daboroghtɨ a isigham. Eghtɨ avir kam dɨpeniba bar dar isigham, dɨpenir kaba gumazamiziba faragha dagh isɨn ghuavanaga, ofan mɨgharir mughuriar aghuim zuiba aser Bal bagha dagh amua, wainɨn ofaba aser igharaziba bagha da inge. Ezɨ gumazamiziba amir arazir kaba na gamima kɨ bar anɨngaghe.

Esekiel 16:41

Egh gumazir kaba nɨn dɨpenibar apongɨva amizir avɨribar damazimɨn ivezir kuram nɨ danɨngam. Tuavir kamɨn, kɨ nɨn arazir tuavimɨn amizimɨn arazir kam agɨvagham. Egh kɨ uaghan nɨ damightɨ, gumazir nɨ gifongeziba, nɨ ua pura bizir aghuiba isɨ me danɨngɨva me apezeper me gekuan kogham.