Jeremaia 51:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Eghtɨ Babilon uabɨ zuamɨra irɨgh ikuvigham. Kamaghɨn amizɨ, ia a bagh aziva an apangkuv. Ia mangɨ a bagh marasinba inigh, an duabar aghuightɨ da akumigham. Eghtɨ a ti ua deragham.

Jeremaia 51:8 ပူးပေါင်းရင်းမြစ်များ

Jeremaia 46:11

Ikiavɨra Itir God kamaghɨn mɨgei, “Kantri Isip, nɨ mati guivir igiar mam duaba nɨn mɨkarzimɨn otifi. Nɨ Gileatɨn mangɨgh danganir kamɨn marasinɨn aghuiba buri. Egh nɨ marasinɨn igharagha gariba bagh, bar puvɨra ingar da inighan kogham. Marasinɨn tam nɨn duabar amutɨ, da akumighan kogham.

Aisaia 21:9

Egha kɨ datɨrɨghɨn gumazibar garima, gumazim karis gaperazɨ hoziar pumuning a gekuigha izi, ezɨ maba kamaghɨra aning tɨva izi.” Egha gumazir kam ua kamaghɨn mɨgei: “Babilon ikuvigha gɨfa, a ikuvigha gɨfa. Ezɨ men asebar marvir guaba nguazim giregha bar mɨsaraghire.”

Akar Mogomem 14:8

Ezɨ enselɨn an gɨrara irir mam iza ghaze, “Babilonɨn nguibar ekiam bar ikufi! Guizbangɨra a ikuvigha gɨvazɨ gumazitam an itir puvatɨ. Babilonɨn Nguibar Ekiar kamra gumazamizibagh amizɨ, me a ko arazir uari bakɨa akuir arazir kurar gavgavibagh ami, mati me wainɨn gavgavim me ganɨngizɨ, me aneme.”

Akar Mogomem 18:2

A pamten diagha kamaghɨn mɨgei: “Babilonɨn nguibar ekiam ikuvigha gɨfa! A bar ikufi! Ezɨ datɨrɨghɨn duar kuraba ko adariar mɨzɨrɨzir kuraba ko kuarazir mɨzɨrɨziba ko kuarazir kuraba, darara an iti.

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Jeremaia 48:20

Eghtɨ me kamaghɨn akam ikaragham, ‘Moapɨn kantri a ikuvigha gɨfa, egha datɨrɨghɨn a bar aghumsɨki. Kamaghɨn amizɨ, ia apangkuv, bar pamtemɨn azi. Ia Arnonɨn Fanemɨn mangɨva, kamaghɨn gumazamizibav kemegh, Moap ikuvigha gɨfa.’

Nahum 3:19

Nɨ mati gumazir duar ogorim iti. Ezɨ nɨn duam damightɨ an akumamin marasinba puvatɨ. Nɨn duam akumighan kogham. Bar puvatɨ. Nɨ fomɨra paza gumazir avɨribagh ami, ezɨ gumazitam arazir bar kurar nɨ me gamitamɨn arɨ mangɨghan kogham. Kamaghɨn amizɨ, gumazamiziba nɨn osɨmtɨzim bareghɨva, dafaribav sogh bar akuegham.

Daniel 5:31

Ezɨ Darius, a Midian gumazim, a 62plan azeniba ikiava, datɨrɨghɨn Babilonɨn atrivimɨn oto, egha kantrin kam gativagha an gari.

Daniel 5:24

Kamaghɨn amizɨ, God dafarir kam amadazɨ an akar kaba osiri.

Esekiel 30:2

“O nguazir kamɨn gumazim, nɨ nan akaba inigh dar gun mɨkɨm: “Kɨ Ikiavɨra Itir Godɨn Ekiam, kɨ kamaghɨn mɨgei: Iavzika! Dughiar kuram a izi.

Jeremaia 51:41

Ikiavɨra Itir God kamaghɨn mɨkeme: “Ia bar gan! Nguazir kamɨn gumazamiziba bar ziar ekiam isa Babilonia ganɨdi, ezɨ apaniba izɨ a mɨsogh, a iniam. Kantrin Igharazibar Gumazamiziba an ganigh, dɨgavir kuram damigham.

Jeremaia 48:31

Kamaghɨn amizɨ, kɨ Moapia bar moghɨra me bagh azir akabar amuam. Kɨ Kirheresɨn gumazamizibar apangkuvam.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Aisaia 47:9

Ezɨ noka, arazir kamning zuamɨra nɨ bativam. Dughiar kamra nɨn pam aremegham, eghtɨ nɨn boriba uaghan bar moghɨram arɨghiregham. Nɨ ti kamaghɨn nɨghnɨsi, nɨ imeziba ko akavsiar gavgavir avɨriba iti, ezɨ bizir kaba nɨn akuraghan kogham. Bar puvatɨgham. Nɨ bar dughiar kuram batogham.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.