Jeremaia 51:55 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵⁵ Eghtɨ apanir avɨriba izɨ Babilonia mɨsogh, nɨgɨnir ekiam damuam, mati ongarimɨn nɨgɨnim. Ikiavɨra Itir God bar pazɨvɨra Babilon gasɨghasɨghasa, egha an akar arozim dukumasava ami.

Jeremaia 51:55 ပူးပေါင်းရင်းမြစ်များ

Jeremaia 25:10

Egh kɨ men navir aghuimɨn agoroger arazim ko, bar akongezir arazim ko, gumaziba amuibar ikiamin arazim, kɨ bar ada gɨvagham. Eghtɨ witɨn ovɨziba mɨrmɨramin gumaziba puvatɨgham, kamaghɨn wit mɨrmɨramin dagɨaba ua tɨngaghan kogham. Eghtɨ lamɨn angazangariba ua danganir kamɨn puvatɨgham.

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: da mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Esekiel 26:3

“Kamaghɨn amizɨ, datɨrɨghɨn, kɨ Ikiavɨra Itir Godɨn Ekiam ghaze: “O Tairia, ia oragh, kɨ ian apanim. Kɨ kantrin avɨribar gumazibar aku ia mɨsoghsɨ izam, eghtɨ me ongarim dɨkava izi moghɨn izam.

Jeremaia 51:42

Apaniba Babilonia avaragham, mati ongarim dɨpɨraghira iza bar gigim avara.

Aisaia 47:5

Ikiavɨra Itir God kamaghɨn Babilonia mɨgei, “Babilon, Kantrin Igharazibar Gumazamiziba ua kamaghɨn nɨ dɨponan kogh suam, ‘Kantriba bar men atrivir amizim.’ Kamaghɨn amizɨ, nɨ uan akam dukuagh mangɨ mɨtarmemɨn daperagh nɨmɨra ikɨ.

Aisaia 17:13

Apaniba mati, aperiar dafam aforegha izi. Eghtɨ God men atarɨva pamtem me mɨkemeghtɨ, me uamategh arɨ uan nguibabar mangam. God men agɨraghtɨ, me pura mangam, mati amɨnim mɨghsɨabar dɨkavigha, raizɨn mɨsevibagh varazɨ, da pura tintinibar zui, egha mati amɨnir dafam pamtem iza, nguazir mɨneziba avizɨ da tintinibar ghuavanadi.

Aisaia 15:1

Ikiavɨra Itir God kantri Moap gɨnɨghnɨgha akar kam anɨngi: Apaniba dɨmagarimɨn iza kantri Moapɨn otogha, Arɨn nguibar ekiam gasɨghasɨsi. Me ghua Kirɨn nguibar ekiam gasɨghasɨghizɨ, Moapɨn kantri datɨrɨghɨn bar ikufi.

Onger Akaba 65:7

Ongarim dɨkavima, nɨrarama a mɨgeima, an aghumra irɨghav ikia dɨpɨraghirir puvatɨ. Nɨ gumazamizibar mɨdorozibagh ami da gefi.

Onger Akaba 18:4

Guizbangɨra, kɨ atam areme. Ovevem benir gavgavimɨn mɨn na ikiagharigha gɨfa, Mati ongarim dɨkava dɨpɨraghira, na avasava ami.

Onger Akaba 69:2

Kɨ beghneazim itir dɨpamɨn suegha uaghiri. Kɨ tugh gavgavighamin nguazir gavgaviba puvatɨ. Kɨ dɨpar konimɨn arua zuima, dɨpam bar na avaraghasava ami.

Onger Akaba 124:2

En apaniba faragha naviba en ikuvigha e mɨsoke. Ikiavɨra Itir God en akurazir puvatɨzɨ, apaniba pazavɨra en atara bar e gasɨghasighai.

Onger Akaba 124:4

Puvatɨzɨ apaniba aperiamɨn mɨn e inigha ghuzɨ dɨpam e avarazɨ moghɨn e oveghai.