Jeremaia 51:53 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵³ Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jeremaia 51:53 ပူးပေါင်းရင်းမြစ်များ

Jeremaia 49:16

Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Jenesis 11:4

Egha me ghaze, “E datɨrɨghɨn uari uari bagh nguibar ekiatamɨn ingaram, egh an aven tauan bar ruaritam asaraghtɨ, an ruarim mangɨ overiamɨn suiragham. Egh kamagh, e uari abɨgh mangɨ tintinibar nguazimɨn nguibar igharazibar ikian kogham. E kamaghɨn damutɨ, gumazamiziba bar ziar bar ekiam e danɨngam.”

Jeremaia 51:25

“Babilon, nɨ oragh. Nɨn gavgavim bar ekevegha mati mɨghsɨar ekiam, egha nguazir kamɨn danganiba bar adagh asɨghasɨki. Ezɨ bar guizbangɨra, kɨ Ikiavɨra Itir God, kɨ nɨn apanim gami, kɨ uan gavgavim itir dafarimningɨn nɨn suiragh, nɨ isɨ davarir konimɨn nɨ akunightɨ, nɨ poghpogh magɨrɨ nguazimɨn otoghtɨ, avim bar nɨ agɨvagham.

Amos 9:4

Apaniba me inigh saghon mangɨ kalabusɨn mɨn me atɨghtɨ, kɨ apanibav kemeghtɨ, me me mɨsueghtɨ me arɨghiregham. Kɨ men akurvaghan aghua, kɨ bar moghɨra me gasɨghasɨghasa.”

Daniel 4:30

Egha kamaghɨn mɨgei, “Ia gan, Babilon a nguibar bar ekiam egha bar dera. Nan gavgavimɨn kɨ uabɨ an ingari, kɨ nguibar kam gamizɨ an otogha, uan gavgavim ko ziar ekiam isɨ gumazamizibar akakaghasa.”

Jeremaia 51:58

Kɨ Ikiavɨra Itir Godɨn Gavgaviba Bar Itim, kɨ ghaze: Apaniba Babilonɨn kantrin ekiam avɨnizir dɨvazir gavgavim tintinibar an akararightɨ, an dɨvazir otevitam ikian markɨ. Egh an tiar akar ekiabar apongegham. Bizir kam kamakɨn. Kantriba bar dar gumazamiziba pura ingari. Eghtɨ bizir me ingariziba, da bar isigham.”

Jeremaia 51:48

Kɨ Ikiavɨra Itir God, kɨ ghaze, Bizir avɨribagh asɨghasɨzir gumazir maba, me not ategha Babilonia mɨsoghasa izi. Kamaghɨn, overiam ko nguazim, ko aningɨn itir biziba, da Babilon iramin dughiamɨn bar akongegham.

Jeremaia 51:11

Ia Babilonɨn apaniba, ia mɨdorozim bagh mangɨsɨ uan afuziba amɨnɨva, oraba ini. Ikiavɨra Itir God ghaze, Babilonia an Dɨpenim gasɨghasɨki, ezɨ a ivezir kuramɨn me ikarvaghasa. Egh a Midian atrivibar nɨghnɨziba feghtɨ, me Babilonia mɨsogham. A tuavir kamra, bar Babilon gasɨghasigham.

Jeremaia 50:45

Ia deraghvɨra kuaribar arigh, bizir kɨ Babilonɨn kantri damuasa nɨghnɨziba baragh! Kɨ uaghan gumazamiziba ko boriba sara bar me batuegham, mati laion sipsipba, bar me mɨsuegha, dar kuaba amɨkɨrvagha zui. Ezɨ Babilonɨn kantri uabɨ, kɨ damuamin bizim bagh dɨgavir kuram damigham.

Jeremaia 50:25

Ikiavɨra Itir God Babilonɨn anɨngaghe, egha uan mɨdorozir biziba aven itir dɨpenimɨn tiar akam kuigha, mɨdorozir biziba inigha azenan ize. Ikiavɨra Itir Godɨn Gavgaviba Bar Itim, an Ekiam, a ingangarir ekiar mam ua iti, a Babilonɨn kantri damuasa.

Jeremaia 50:21

Ikiavɨra Itir God kamaghɨn Babilonian apanibav gei: “Ia mangɨ Babilonia mɨsogh. Ia Merataimɨn nguazimɨn gumazamiziba ko, Pekotɨn nguazimɨn itir adarazi ko mɨsogh. Egh puv me mɨsuegh men bizibagh asɨghasɨgh. Ia nan akaba bar adar gɨn mangɨ.

Aisaia 47:7

Nɨ ghaze, nɨ atrivir amizimɨn ikɨ mamaghɨra ikiam, kamaghɨn amizɨ, bizir kaba ko bizir gɨn nɨ bativamiba, nɨ deragha dagh nɨghnɨzir puvatɨ.

Aisaia 47:5

Ikiavɨra Itir God kamaghɨn Babilonia mɨgei, “Babilon, Kantrin Igharazibar Gumazamiziba ua kamaghɨn nɨ dɨponan kogh suam, ‘Kantriba bar men atrivir amizim.’ Kamaghɨn amizɨ, nɨ uan akam dukuagh mangɨ mɨtarmemɨn daperagh nɨmɨra ikɨ.

Aisaia 41:25

“Kɨ aruem anadi naghɨn itir gumazir mam amɨsefe. Gumazir kam ziar ekiam na ganɨdi. Ezɨ kɨ datɨrɨghɨn notɨn amadaghan a inigha izi. Ezɨ a mati, gumazir nguazir mɨnebar ingarim, a mɨnemɨn ingarasa nguazim dɨkabɨri moghɨn, an atriviba dɨkabɨra me abɨri.

Aisaia 13:17

Ikiavɨra Itir God ua ghaze, “Kɨ, Midbar navibagh inivima, me Babilonia mɨsoghasa izi. Me Babilonian silva ko gol bagha nɨghnɨgha mɨsoghasa izir puvatɨ.

Jopɨn Akɨnafarim 20:6

Gumazamizir kabanang gumazamizibar damazimɨn gumazir ekiabar otiva ziar ekiaba isi. Me mati mɨghsɨar mam, an ghuam pɨn mar ikia ghuariaba ko voroghɨra zui.

Jeremaia 51:56

Gumazir bizibagh asɨghasɨziba, me izɨ Babilon mɨsogh me dɨkabɨragham. Egh me Babilonɨn mɨdorozir gumaziba kalabus darɨgh, men piba apɨrarigham. Ikiavɨra Itir God, a Godɨn guizbangɨn iveziba ikarvazim. Egh guizbangɨra a Babilonian arazir kuraba bagh ivezim me danɨngam.

Amos 9:2

“Egh me nan arɨ mangɨsɨ, uari bagh mozibagh ku magɨrɨ Gumazamizir Oveaghuezibar Nguibamɨn ikiam, eghtɨ kɨ uaghan magɨrɨ men suigham. Me pɨn overiamɨn ghuavanaboghtɨ, kɨ uamategh me gekuigh izighiram.

Habakuk 2:9

“Iavzika! Ia gumazir igharaz darazir bizir avɨriba iniziba, ia bar ikuvigham. Ia bizir kaba isa uan adaraziram anɨngi. Egha ian biziba deravɨra ikiasa, ia da bagha dɨpenir bar gavgavibar ingari, egha ia ghaze, arazir kamɨn osɨmtɨzim izɨ ia gitavɨragham. Puvatɨgham.