Jeremaia 51:50 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵⁰ Eghtɨ ia Israelia, Babilonia ia gasɨghasɨghizir puvatɨzir darasi, ia zuamɨra Babilon ategh arɨ mangegh. Guizbangɨra, ia uan nguibamɨn saghon ikɨ, egh ia Ikiavɨra Itir God gɨnɨghnɨgh. Egh ia Jerusalem bakɨnɨghnɨghan markɨ.

Jeremaia 51:50 ပူးပေါင်းရင်းမြစ်များ

Jeremaia 44:28

Ian vaghvazibara mɨdorozimɨn ikuvighan koghɨva, Isip ategh ua Judan nguazimɨn mangam. Ia Judan ikiavɨra ikia iza Isipɨn ikezir varazira, ia dughiar kamɨn deraghvɨra fogham, tinan akam bar gavgafi, nan akam, o ian akam?

Onger Akaba 122:6

Ia Jerusalem bagh Ikiavɨra Itir God ko mɨkɨm. Eghtɨ a navir amɨrizim Jerusalemɨn iti darazir anightɨ, me navir amɨrizimɨn ikɨva deragh ikiam.

Akar Mogomem 18:4

Ezɨ kɨ Godɨn Nguibamɨn otivir tiarir igharazir mam barazi, a kamaghɨn mɨgei: “Ia nan gumazamiziba, ia nguibar kam ategh azenan izɨ. Egh an amir arazir kuraba uaghan dar amuan markɨ. God an arazir kurabar ikarvaghamin dughiam, ia uaghan an aven ikian markɨ!

Jeremaia 51:45

“Ia nan gumazamiziba, ia Babilon ategh aregh. Ia vaghvagh aregh deraghvɨra ikiam. Kɨ Ikiavɨra Itir God, kɨ puv Babilonian anɨngaghe. Kamaghɨn, kɨ ti ia ko me saram asɨghasɨgham. Kamaghɨn, ia zuamɨra arɨ mangegh.

Aisaia 51:11

Kamaghɨra, gumazamizir Ikiavɨra Itir God akuragha ua iniziba, me uamategh izɨ, Saionɨn Mɨghsɨamɨn boroghɨn izɨva, bar akongegh tiariba akarɨva tuavir kamɨn izɨva ongam. Egh me dabirabir bar aghuim ikɨtɨ, bar akongezir arazir kam, a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh ua men ikian kogham.

Jeremaia 51:6

Ia Israelia ko Judaba, ia arɨmangegh deraghvɨra ikiam. Puvatɨghtɨ, ia Babilonian tongɨn ikɨ, men osɨmtɨzim bangɨn me ko ikuvigham. Datɨrɨghɨn Ikiavɨra Itir God, Babilonɨn arazir kuraba bagh ivezir kuram a danɨngamin dughiam. Kamaghɨn amizɨ, ia zuamɨra Babilon ategh mangɨ.

Jeremaia 50:8

Ikiavɨra Itir God kamaghɨn mɨkeme: “Ia Israelia ko Judaba, ia Babilon ategh arɨ mangɨ. Mati memen apurim memen mabar faragha zui moghɨn, ia kalabuziar gumazamizibar faragh mangɨ.

Jeremaia 31:21

“Ia Israelia, ia uan nguibam ategha ghuzir tuavir kam, ia deragh a gɨnɨghnɨgh, egh ia ua izɨsɨ, ababanir taba uari bagh ada asegh. Ia Israelia, ia mati nan guivir igiar kɨ bar ifongezim, ia datɨrɨghɨn uamategh uan nguibabar izɨ.

Aisaia 52:2

O Jerusalem, noka! Nɨ datɨrɨghɨn kalabuziamɨn iti, egh nɨ dɨkavigh uan mɨkarzimɨn nguaziba apɨsigh. O Saion, senɨn nɨn fɨrim gikeziba, nɨ da adangigh mangɨ, uan atrivir dabirabim daperagh.

Aisaia 48:20

Ia kantri Babilon ategh, nguibar kamɨn gumazamizibar arɨmangɨgh. Egh ia bar akuegh pamtemɨn tiariba akar, egh kamaghɨn akam amadaghtɨma a nguazir kamɨn ruaghatevibar mangɨ, “Ikiavɨra Itir God uamategha uan ingangarir gumazim Jekop, uam a ini.”

Esekiel 6:9

Me saghon itir kantrin igharazir kabar kalabusɨn ikɨ, na gɨnɨghnɨgh kamaghɨn fogh suam, me uan navir averiabar aven akɨrim ragha na gasara, ezɨ arazir kam bar na abɨra. Me uan damazir kurabar aseba bagha pamtem garava, bar dagh ifonge, ezɨ arazir kam na gamima, kɨ bar me baseme. Me fo, me arazir kurar kɨ ifongezir puvatɨzir avɨribagh ami. Eghtɨ me uan arazir kurar mɨzɨrɨzir amiziba bagh bar aghumsigham.

Daniel 6:11

Ezɨ Danielɨn apaniba bar moghɨra uari inigha, an dɨpenimɨn ghua an garima, a uan God ko mɨgei.