Jeremaia 51:45 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁵ “Ia nan gumazamiziba, ia Babilon ategh aregh. Ia vaghvagh aregh deraghvɨra ikiam. Kɨ Ikiavɨra Itir God, kɨ puv Babilonian anɨngaghe. Kamaghɨn, kɨ ti ia ko me saram asɨghasɨgham. Kamaghɨn, ia zuamɨra arɨ mangegh.

Jeremaia 51:45 ပူးပေါင်းရင်းမြစ်များ

Akar Mogomem 18:4

Ezɨ kɨ Godɨn Nguibamɨn otivir tiarir igharazir mam barazi, a kamaghɨn mɨgei: “Ia nan gumazamiziba, ia nguibar kam ategh azenan izɨ. Egh an amir arazir kuraba uaghan dar amuan markɨ. God an arazir kurabar ikarvaghamin dughiam, ia uaghan an aven ikian markɨ!

Jeremaia 51:6

Ia Israelia ko Judaba, ia arɨmangegh deraghvɨra ikiam. Puvatɨghtɨ, ia Babilonian tongɨn ikɨ, men osɨmtɨzim bangɨn me ko ikuvigham. Datɨrɨghɨn Ikiavɨra Itir God, Babilonɨn arazir kuraba bagh ivezir kuram a danɨngamin dughiam. Kamaghɨn amizɨ, ia zuamɨra Babilon ategh mangɨ.

Aisaia 48:20

Ia kantri Babilon ategh, nguibar kamɨn gumazamizibar arɨmangɨgh. Egh ia bar akuegh pamtemɨn tiariba akar, egh kamaghɨn akam amadaghtɨma a nguazir kamɨn ruaghatevibar mangɨ, “Ikiavɨra Itir God uamategha uan ingangarir gumazim Jekop, uam a ini.”

2 Korin 6:17

Ezɨ Ekiam ua kamaghɨn mɨgei, “ ‘Ia me ategh, mangɨ danganir igharazitamɨn ikɨ. Egh ia bar deraghvɨra uari bagh gan, ia ua bizir Godɨn damazimɨn zuezir puvatɨzitam uam an suighan markɨ. Kɨ uabɨ ia inigh, ian Afeziamɨn mɨn ikɨtɨ, ia nan boribar mɨn ikiam.’ Ekiar Gavgavir Ekiam Itim kamaghɨn mɨgei.”

Aposel 2:40

Egha Pita mɨgɨrɨgɨar avɨribar me gamua akar gavgavir maba sara me mɨkeme, “Ia uari uarir akuragh, eghtɨ God dughiar kamɨn gumazamizir kurar kabagh asɨghasɨgh uaghan ia gasɨghasɨghan kogham.”

Jeremaia 50:8

Ikiavɨra Itir God kamaghɨn mɨkeme: “Ia Israelia ko Judaba, ia Babilon ategh arɨ mangɨ. Mati memen apurim memen mabar faragha zui moghɨn, ia kalabuziar gumazamizibar faragh mangɨ.

Dɨboboniba 16:26

Ezɨ Moses ikiangsɨzim Israelian gumazamizibagh anɨga ghaze, “Ia arazir kurabagh amir gumazir kabar purirpenibar boroghɨn ikian markɨ. Ia men bizitamɨn suighan markɨ. Puvatɨghtɨma, ia men arazir kuram bangɨn, me sara gɨvagham.”

Jeremaia 51:50

Eghtɨ ia Israelia, Babilonia ia gasɨghasɨghizir puvatɨzir darasi, ia zuamɨra Babilon ategh arɨ mangegh. Guizbangɨra, ia uan nguibamɨn saghon ikɨ, egh ia Ikiavɨra Itir God gɨnɨghnɨgh. Egh ia Jerusalem bakɨnɨghnɨghan markɨ.

Jeremaia 51:9

Eghtɨ Israelia ko Judaba an aven ikɨ kamaghɨn mɨkɨmam, “E kalabuziar gumazamiziba pura Babilon damutɨ, a ua deraghasa, ezɨ a ua deragha otozir puvatɨ.” Egh me gɨn kamaghɨn mɨkɨmam, “Markɨ. E fo, Babilonɨn osɨmtɨzim a bar ekefe, egha overiamɨn pɨn ghuavanabo. Eghtɨ Ikiavɨra Itir God bar pazɨvɨra Babilon damuam. Kamaghɨn, e Babilon ategh uamategh vaghvagh uan nguibabar mangam.

Jeremaia 50:28

Ia bar oragh! Israelia ko Judan marasi, me Babilon ategha ara uamategha Saionɨn izi. Me kamaghɨn mɨkɨmasa izi, “Ikiavɨra Itir God, en God, a ivezir kuram isa gumazir an Dɨpenim gasɨghasɨziba ikarvasi.”