Jeremaia 51:44 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁴ Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Jeremaia 51:44 ပူးပေါင်းရင်းမြစ်များ

Jeremaia 51:58

Kɨ Ikiavɨra Itir Godɨn Gavgaviba Bar Itim, kɨ ghaze: Apaniba Babilonɨn kantrin ekiam avɨnizir dɨvazir gavgavim tintinibar an akararightɨ, an dɨvazir otevitam ikian markɨ. Egh an tiar akar ekiabar apongegham. Bizir kam kamakɨn. Kantriba bar dar gumazamiziba pura ingari. Eghtɨ bizir me ingariziba, da bar isigham.”

Jeremaia 51:34

Ezɨ Jerusalemɨn nguibar ekiam kamaghɨn mɨgei: “Babilonɨn Atrivim Nebukatnesar puvɨra na mɨsoke, mati a na apava bar na agɨfa. A mati aser mam bar na tuavareme. Egha nan bizir aghuibar uan navim gazuima a izɨfa. Ezɨ kɨ mati itarir mam, an amegha gɨvazɨ, dagher nataba an itir puvatɨ. Egha gɨn a bar na dɨsi. Babilonia bar nan mɨkarzim gasɨghasɨki, ezɨ nan ghuzim ire. Kamaghɨn amizɨ, me osɨmtɨzim iti, ezɨ Ikiavɨra Itir God men osɨmtɨzir kam ikarvagham.”

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Aisaia 2:2

A ghaze: Gɨn otivamin dughiar tamɨn, mɨghsɨar Ikiavɨra Itir Godɨn Dɨpenim tughav itim, ziar bar ekiam iniam. Egh a pɨn mar ikɨ mɨghsɨar igharaziba bar dagh afiragham. Eghtɨ Kantrin Igharazibar Gumazamiziba bar izɨ an uari akuvagh ikiam.

Daniel 5:31

Ezɨ Darius, a Midian gumazim, a 62plan azeniba ikiava, datɨrɨghɨn Babilonɨn atrivimɨn oto, egha kantrin kam gativagha an gari.

Daniel 5:26

“Akar kamɨn mɨngarim, ‘Dɨpon,’ a kamakɨn, God nɨ atrivimɨn ikiamin dughiaba dɨponsɨ. Datɨrɨghɨn nɨn dughiar abuananam.

Daniel 5:19

A gavgavir bar ekiam iti, kamaghɨn amizɨ, nguibaba bar dar gumazamiziba ko, kantriba bar dar gumazamiziba ko, nguibabar akaba bar, me an atiatigha egha nɨsi. Eghtɨ a gumazitam mɨsueghtɨ an aremeghsɨ an aremegham. Eghtɨ a gumazitam ateghtɨ a ikɨsɨ, a ikiam. Egha a kamaghɨn ami, a gumazitamɨn ziam fɨsɨ, a fam. Eghtɨ a gumazitam dɨkabɨragh a gasɨghasɨghsɨ, ana damuam.

Daniel 4:22

“Atrivim, nɨrara temer kam, ruaragha bar gavgafi. Ezɨ nɨn gavgavim bar ekevegha pɨn ti, ezɨ nɨn gavgavim nguazimɨn itir gumazamiziba bar dar gari.

Daniel 4:1

Atrivim Nebukatnesar nguazimɨn nguibaba bar dar gumazamiziba ko kantriba bar dar gumazamiziba ko nguibabar akaba bar, me bagha akam amada. An akam kamakɨn: Ia bar deraghvɨra ikɨ!

Daniel 3:29

Ezɨ kɨ fo, Satrak, Mesak ko Abetnego, men God men akurazɨ moghɨn, godɨn igharaz tam uan gumazamizibar akuraghan kogham. Kamaghɨn amizɨ, kɨ mɨgɨrɨgɨar kam damuasa, ia gumazamiziba bar Godɨn kam a dɨpova, akar kuratamɨn a mɨkɨman kogham. Egh nguibaba bar dar gumazamiziba ko kantriba bar dar gumazamiziba ko nguibabar akaba bar, me arazir kam damutɨ, kɨ mɨdorozir gumazibav kemeghtɨ me men sueba ko aghariba asightɨ, me aremegham. Egh me men dɨpeniba akararɨgh bar dagh asɨghasɨgham.”

Daniel 1:2

Ezɨ Ekiam Nebukatnesar amamangatɨzɨma, an Atrivim Jehoiakim inigha Judan gumazamizir avɨrim inigha Godɨn Dɨpenimɨn kavɨn aghuiba ko itariba ini. Egha da inigha Babilonɨn kantrin ghua uan asebar dɨpenimɨn ghu. Egha bizir aghuir kaba isa dɨpenir kamɨn aven itir danganir mogomemɨn da atɨ.

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jeremaia 51:47

Kɨ dughiar mam amɨsefe, egh dughiar kamɨn, kɨ Babilonɨn nguibamɨn asebar marvir guabagh asɨghasigham. Eghtɨ Babilonɨn nguibam bar aghumsigham. Eghtɨ apaniba izɨ Babilonɨn gumazir avɨribav soghɨrarightɨ, men kuaba tintinibar Babilonɨn nguazim giregh ikiam.

Jeremaia 51:18

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ, me bar ikuvigham.

Jeremaia 50:15

Ia an dɨvazir gavgaviba ko an tauaba apɨrarightɨ da daighireghtɨ, a ua mɨsoghan iburagh, ia teghtɨ ia a inigh, dughiar kamɨn ia danganiba bar, adar dɨmɨva tiariba akar. Egh a faragha igharaz darazigh asɨghasɨghizɨ moghɨn, ia datɨrɨghɨn bar a gasɨghasɨkigh. Kɨ Ikiavɨra Itir God, kɨ ivezir kuram a danɨng, a gasɨghasɨghasava ami, kamaghɨn amizɨ, ia bar puv a damigh.

Aisaia 60:5

Eghtɨ nɨ bizir kamɨn ganigh, nɨn guam angazangarimɨn mɨn taghtaghtɨ, nɨn navir averiam bar akuegham. Guizbangɨra, kurir ekiaba, bizir aghuir avɨriba inigh ongarim abɨgh nɨ bagh izam, eghtɨ nɨ dagɨaba ko bizir aghuiba nguazir kamɨn kantriba dam ada iniam.

2 Eghaghaniba 36:7

Egha Nebukatnesar uaghan Ikiavɨra Itir Godɨn Dɨpenimɨn aven itarir ekiar maba ko, itarir dozir maba inigha Babilonɨn ghugha, uan atrivir dɨpenimɨn da arɨki.

Aisaia 21:9

Egha kɨ datɨrɨghɨn gumazibar garima, gumazim karis gaperazɨ hoziar pumuning a gekuigha izi, ezɨ maba kamaghɨra aning tɨva izi.” Egha gumazir kam ua kamaghɨn mɨgei: “Babilon ikuvigha gɨfa, a ikuvigha gɨfa. Ezɨ men asebar marvir guaba nguazim giregha bar mɨsaraghire.”

Jopɨn Akɨnafarim 20:15

Gumazamizir kuraba uan okɨmakɨar arazimɨn dagɨar avɨriba ko biziba akumakua, dar pozibav kɨri. Eghtɨ God bizir kaba batueghtɨ da mangam, mati gumazim dagher aghuir avɨriba amegha gɨn ua dar misi.