Jeremaia 51:43 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴³ An nguibar ekiaba bar ikuvigham. Eghtɨ kantrin kam danganir dakɨghtɨzir kɨnimɨn mɨn ikiam. Eghtɨ gumazamiziba an ikian koghɨva, a daruan kogham.

Jeremaia 51:43 ပူးပေါင်းရင်းမြစ်များ

Jeremaia 2:6

Me na gɨnɨghnɨzir puvatɨ. Egha me bizir kɨ men akurvaghasava amiziba dagh nɨghnɨzir puvatɨ. Kɨrara Isipɨn kantrin me inigha men akua ize. Ezɨ me pura danganir dɨpaba puvatɨzir ekiam abɨki. Danganir kam, pura gigir kɨnim an iti, egha mozir konir kuraba tintinibar an iti. A gumazamiziba puvatɨzir danganim ko amoziba izir puvatɨzim. Danganir kam, mɨtater kuram anevara. Gumazamiziba uaghan danganir kam garuir puvatɨgha, uaghan an itir puvatɨ.

Aisaia 13:20

Gumazitam ua nguibar kamɨn ikian kogham. Eghtɨ uaghan Arebian gumaziba izɨ uan averpenitam danganir kamɨn anesaraghan kogham. Eghtɨ sipsipbar garir gumaziba uan sipsipba inigh izɨtɨ, da danganir kamɨn irɨv ikɨ avughsan kogham.

Jeremaia 51:29

Ikiavɨra Itir God Babilon gasɨghasɨghasa mɨkemegha gɨfa, egh a damightɨ a danganir kɨnimɨn otogham, eghtɨ gumazitam ua an ikian kogham. Eghtɨ Ikiavɨra Itir God ingangarir kam damuamin dughiamɨn, mɨkɨmkɨzir dafam nguazim bativɨra ikiam, mati gumazim mɨzazir bar kuram isima mɨkarzim a gasi.

Jeremaia 51:37

Kɨ Babilon gasɨghasightɨ, an dagɨar pozibara ikiam. Eghtɨ an afiar atiabar danganimɨn otoghtɨ, gumazamiziba an puvatɨgham. Eghtɨ gumazir igharaziba ian ganigh, akɨrim ragh ia gasɨ, dɨbovir akabar ia mɨkɨmɨva, bar dɨgavir kuram damigh puvɨram atiatingam.

Jeremaia 50:12

Ezɨ ian kantri Babilon bar aghumsigham, eghtɨ an ziar ekiam bar moghɨra irɨgham. Eghtɨ a bar kantrin kuramɨn mɨn ikɨva, kantrin igharazibar tongɨn ziaba puvatɨgham. Egh a danganir mɨsɨngizim ko danganir kɨnimɨn mɨn ikiam.

Onger Akaba 46:8

Aria! Ia izɨ Ikiavɨra Itir God amizir bizibar ganigh. A nguazimɨn amizir biziba, ia dar gan dɨgavir kurabar amuam.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Jeremaia 51:62

Egh nɨ kamaghɨn God ko mɨkɨm, ‘O Ikiavɨra Itir God, nɨ nguibar kam gasɨghasɨghasa mɨkemegha gɨfa, eghtɨ gumazitam ko asɨzitam an ikian kogham. Eghtɨ dughiabar zurara danganir kam pura ikiam.’

Aisaia 34:13

Beniba ko oghevsevir dɨkoniba itiba atrivimɨn dɨpenim ko dɨpenir igharazibar avɨ da avegham. Eghtɨ afiar atiaba izɨ ikɨ arangtɨ, poneba izɨ dɨpenir kabar dakuam.

Jeremaia 18:16

Kamaghɨn, men nguazim ikuvigha pura danganir kɨnimɨn mɨn iti. Eghtɨ Kantrin Igharazibar Gumazamiziba danganir kamɨn izɨ an ganigh, dapaniba rongɨva dɨbovir akabar me damuva mɨsoribar anɨngɨva, dɨgavir kuram damigh bar atiatigham.