Jeremaia 51:42 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴² Apaniba Babilonia avaragham, mati ongarim dɨpɨraghira iza bar gigim avara.

Jeremaia 51:42 ပူးပေါင်းရင်းမြစ်များ

Daniel 9:26

Egh 434plan azeniba gɨvaghtɨ, me gumazir God en akurvaghasa mɨsevezim mɨsueghtɨ an aremegham. Eghtɨ an bizitam ikian kogham. Eghtɨ atrivir gavgavir mamɨn mɨdorozir gumazir bɨzir ekiam izɨva Jerusalem ko Godɨn Dɨpenim gasɨghasɨgham. Eghtɨ dughiar abuananamɨn, mati aperiam faner ekiamɨn otogha, biziba atera zui. Eghtɨ mɨdorozir ekiam ikɨ mangɨtɨ, God mɨkemezɨ moghɨn, dughiar abuananam otogham.

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Jeremaia 51:55

Eghtɨ apanir avɨriba izɨ Babilonia mɨsogh, nɨgɨnir ekiam damuam, mati ongarimɨn nɨgɨnim. Ikiavɨra Itir God bar pazɨvɨra Babilon gasɨghasɨghasa, egha an akar arozim dukumasava ami.

Onger Akaba 93:3

Ikiavɨra Itir God, ongarir konim mɨghɨgha nɨga, bar pamten dɨpɨra tɨngazi.

Onger Akaba 65:7

Ongarim dɨkavima, nɨrarama a mɨgeima, an aghumra irɨghav ikia dɨpɨraghirir puvatɨ. Nɨ gumazamizibar mɨdorozibagh ami da gefi.

Onger Akaba 18:16

Ikiavɨra Itir God pɨn ikia uan agharim amadazɨ, a izaghira nan suiragha na gekui. An ongarir bar konimɨn uam na inigha azenim gatɨ.

Onger Akaba 18:4

Guizbangɨra, kɨ atam areme. Ovevem benir gavgavimɨn mɨn na ikiagharigha gɨfa, Mati ongarim dɨkava dɨpɨraghira, na avasava ami.

Aisaia 21:1

Ikiavɨra Itir God, Babilon ikuvighamin akar kam anɨngi, an ongarimɨn boroghɨn gumazamiziba puvatɨzir danganimɨn iti. Ia oragh, osɨmtɨzir bar dafam ko, bizibagh asɨghasɨzir arazim me batogham. Apaniba izɨ mati, amɨnir bar gavgavim, Negevɨn danganim, a sautɨn amadaghan itir gumazamiziba puvatɨzir danganimɨn ikegha, pamtem ivegha iza bɨzimɨn mɨn nguazim avigha izi. Gumazamiziba puvatɨzir danganir kam, gumazamizibagh amima me bar atiati.

Esekiel 26:3

“Kamaghɨn amizɨ, datɨrɨghɨn, kɨ Ikiavɨra Itir Godɨn Ekiam ghaze: “O Tairia, ia oragh, kɨ ian apanim. Kɨ kantrin avɨribar gumazibar aku ia mɨsoghsɨ izam, eghtɨ me ongarim dɨkava izi moghɨn izam.

Daniel 11:10

“Sirian atrivimɨn otariba, mɨdorozir gumazir avɨriba inigh me akuvagh mɨdorozim bagh ikiam. Eghtɨ atrivimɨn otaritam, mɨdorozir gumazir kaba inigh zuamɨra mangɨ aperiamɨn mɨn men nguibaba avaragham. Egh me nguibar dɨvazir gavgavim itim ko mɨsogham, kar nguibar Isipɨn atrivim ativazim.

Daniel 7:2

Kar bizir kɨ dɨmagarimɨn irebamɨn ganiziba. Amɨnim danganiba bar dar iza ongarim gamima a dɨkafi, egha dɨpɨra tintinibar zui.