Jeremaia 51:39 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁹ Ezɨ kɨ Ikiavɨra Itir God, kɨ guizbangɨra mɨgei: Men naviba arazir kurabar amusɨ dɨkavamin dughiamɨn, kɨ isar ekiatam me bagh a damightɨ, me dɨpar onganir avɨribar amɨva, bar ikuvigham. Egh me gɨn dakuv onganigh, egh ua dɨkavighan kogham.

Jeremaia 51:39 ပူးပေါင်းရင်းမြစ်များ

Jeremaia 51:57

Atrivir kam, an ziam, Ikiavɨra Itir Godɨn Gavgaviba Bar Itim, kamaghɨn mɨkeme: “Kɨ Babilonɨn gumazir dapanibar amightɨ, me wainɨn dɨpabar ameghɨva onganigham. Kar fofozir gumaziba ko, gumazir ekiaba ko, gavmanba ko, mɨdorozir gumaziba. Me daku onganigh, ua dɨkavighan kogham.

Jeremaia 25:27

Ezɨ Ikiavɨra Itir God kamaghɨn na mɨkeme, “Jeremaia, nɨ akar kam gumazamizir kabav kemegh. Kɨ Ikiavɨra Itir Godɨn Gavgaviba Bar Itim, Israelian God, kɨ kamaghɨn mɨgei, ‘Kɨ apaniba amadaghtɨ, me izɨ ia mɨsogh ia gasɨghasɨgham, eghtɨ ia wainɨn dɨpar kam amɨ mangɨvɨra ikɨ wainɨn dɨpar bar avɨribar amɨva, ia bar onganigh, mighɨva nguazim giregh ua dɨkavan kogham.’

Nahum 3:11

Ia Niniveba, ia uaghan Tebesbar mɨn otivam. Ia dɨpar onganibar amɨ gumazir onganibar mɨn otivam. Ian nɨghnɨziba onganightɨ ia daighiram, egh apanibar atiating arɨ mangɨ mongsɨ danganiba buriam.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.

Jeremaia 48:26

Ikiavɨra Itir God kamaghɨn mɨgei: “Moap na batoke, kamaghɨn amizɨ, apaniba a dɨkabɨnasa kɨ ifonge. Egh a damightɨ a mati gumazim dɨpar onganim amezɨ moghɨn otogham. A uan mimizibagh isɨn daku, egh tintinibar poghpogham, eghtɨ gumazamiziba an ingarɨva akam.

Onger Akaba 13:3

O Ikiavɨra Itir God, nɨ nan God. Nɨ na gɨnɨghnɨgh kɨ nɨ ko mɨgeir mɨgɨrɨgɨaba baragh. Egh gavgavim ua na danightɨ kɨ ovengan kogham.

Nahum 3:18

O Asirian atrivim, nɨ oragh. Nɨn gumazir dapaniba ko, gumazir ziaba itiba, me ariaghirezɨ men kuaba ireghav iti. Ezɨ apaniba nɨn gumazamizibagh amizɨ, me tintinibar mɨghsɨabar ghue. Ezɨ ua men akuva, me inigh nguibamɨn izamin gumaziba puvatɨ.