Jeremaia 51:38 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁸ Eghtɨ Babilonia laionbar mɨn tiariba akar dɨmdɨar kuram damuam. Me laionɨn nguziba asɨzibar amasa puvɨra aroi moghɨn damuam.

Jeremaia 51:38 ပူးပေါင်းရင်းမြစ်များ

Jeremaia 2:15

Apanir kaba Israelia abɨragha mati laionbar mɨn pamtemɨn me dazera tiariba akara iti. Egha me Israelian nguazim gamizɨ a danganir kɨnir mamɨn mɨn iti. Egha ian nguibabagh apongezɨ da isigha, nguibar sueriabar otifi.

Sekaraia 11:3

Atrivibar gavgaviba ko, men ziar ekiaba gɨfa, kamaghɨn amizɨ, men naviba bar osemezɨ, me azi. Ia oragh, atriviba pamtemɨn arava azi. Me mati laionba Jordanɨn Faner mɨriamɨn moga itir ruarir ekiam, me an temer ekiaba okava, a gasɨghasɨghizɨma da aroi.

Aisaia 35:9

Laionɨn tam ko, asɨzir kurar mɨsozitam tuavir kamɨn mangan kogham. Asɨzir anɨngazir taba tuavir ekiar kam daruan kogham. Gumazamizir Ikiavɨra Itir God akuragha ua inizibara, tuavir kamɨn daruam.

Onger Akaba 58:6

O God, nɨ arazir kurabagh amir gumazir kabagh asɨghasɨkigh. Ikiavɨra Itir God, me laionɨn mɨsozibar mɨn ikia puvɨra mɨsosi. Nɨ men ataribav sogh, bar da apɨrarigh da asigh.

Onger Akaba 34:10

Dughiar mabar laionɨn nguziba dagheba puvatɨzɨ, mɨtiriaba men azi. Ezɨ gumazamizir nɨghnɨzir gavgavim Ikiavɨra Itir God ikia an apengan itiba, me bizir aghuiba bagha asaghasazir puvatɨ.

Gumazir Dapaniba 16:20

Ezɨ Delaila ua kamaghɨn dei, “Samson, nɨ ganigh, Filistiaba nɨn suighasa izi!” Ezɨ Samson osegha ghaze, “Kɨ faragha ami moghɨn, dɨkavigh mangɨ fɨrighɨrɨgham.” A kamaghɨn fozir puvatɨ, Ikiavɨra Itir God anetaki.

2 Samuel 17:8

Nɨ fogh, nɨn afeziam Devit uan mɨdorozir gumaziba ko, me mɨsozir gumazir gavgaviba, egha bar osemegha iti, me mati bean amebam gumazim an nguziba okemezɨma, an navim isia iti. Nɨ uan afeziamɨn mɨdorozir arazibagh fo, a dɨmangan uan mɨdorozir gumaziba ko dakuighan kogham.

Aisaia 5:29

Mɨdorozir gumazibar dɨmdɨar ararem, mati laion asɨzimɨn gɨntɨgha ghuav an suiragha, a dazeri moghɨn me diava arai. Mɨdorozir gumaziba mati laion uan asɨzim mɨsuegha a inigha zui moghɨn, me uan apanibar suigha me atera zui. Eghtɨ gumazitam uam me inian iburagham.