Jeremaia 51:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

^34-35 Ezɨ Jerusalemɨn nguibar ekiam kamaghɨn mɨgei: “Babilonɨn Atrivim Nebukatnesar puvɨra na mɨsoke, mati a na apava bar na agɨfa. A mati aser mam bar na tuavareme. Egha nan bizir aghuibar uan navim gazuima a izɨfa. Ezɨ kɨ mati itarir mam, an amegha gɨvazɨ, dagher nataba an itir puvatɨ. Egha gɨn a bar na dɨsi. Babilonia bar nan mɨkarzim gasɨghasɨki, ezɨ nan ghuzim ire. Kamaghɨn amizɨ, me osɨmtɨzim iti, ezɨ Ikiavɨra Itir God men osɨmtɨzir kam ikarvagham.”

Jeremaia 51:34 ပူးပေါင်းရင်းမြစ်များ

Jeremaia 50:17

Ikiavɨra Itir God kamaghɨn mɨkeme: “Israelia mati sipsipɨn mam, ezɨ nguibar maba mati laionba, me a gasɨghasɨghasa an agɨntɨsi. Asirian atrivim faragha an suiragha aneme. Egha gɨn Babilonɨn Atrivim Nebukatnesar an aghariba ame.

Jeremaia 51:44

Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Matyu 23:13

Egha Iesus ua kamaghɨn mɨgei, “Ia Judan Arazibagh fozir gumaziba ko Farisiba, Iavzika, ia bar ikuvigham! Ia ifavaribagh amir gumaziba! Ia God Bizibagh Ativamin Dughiamɨn tiam asarazɨ, gumazamiziba azenan iti. Egha ia uaghan aven mangan aghua. Ezɨ gumazamiziba aven mangasava amima ia men tuaviba apɨri.

Jopɨn Akɨnafarim 20:15

Gumazamizir kuraba uan okɨmakɨar arazimɨn dagɨar avɨriba ko biziba akumakua, dar pozibav kɨri. Eghtɨ God bizir kaba batueghtɨ da mangam, mati gumazim dagher aghuir avɨriba amegha gɨn ua dar misi.

Amos 8:4

Ezɨ Ikiavɨra Itir God ghaze, Israelia, Ia oragh. Ia Israelia, ia gumazamizir biziba oteveziba dɨkabɨra, egha gumazamizir onganarazir ian kantrin itiba ia me gasɨghasɨsi.

Esekiel 36:3

“Kamaghɨn amizɨ, nɨ ikuvighsɨ dav kɨm. Kɨ Ikiavɨra Itir Godɨn Ekiam, kamaghɨn mɨgei: Israelɨn boroghɨn itir kantriba iza, ia ekɨarugha ia abɨnigha, ia gasɨghasigha ia inigha kantrin igharazibagh anɨngi. Ezɨ Kantrin Igharazibar Gumazamiziba ia dɨpova akar kurabar ia gasa ia mɨgei.

Azir Akam 1:1

Jeremaia 51:49

Babilonɨn arazir kamra, Israelia gamizɨ moghɨra, a ikuvigham. Ezɨ kantrin avɨriba Babilonɨn agharimɨn ariaghire.”

Jeremaia 50:7

Ezɨ gumazir maba men gara me mɨsosi. Ezɨ men apanir kaba kamaghɨn mɨgei: ‘Gumazamizir kaba, uari arazir kuramɨn Ikiavɨra Itir God gami. Ikiavɨra Itir God, danganir aghuimɨn mɨn iti, me an mangɨ deraghvɨra ikiam. Men ovaviba nɨghnɨzir gavgavim an ikia, a men akuraghasa me a mɨzua iti. Ezɨ Ikiavɨra Itir Godɨn kam, me anetegha arazir kuram gami. Kamaghɨn ami, e me gasɨghasɨgh egh, osɨmtɨziba puvatɨgham.’ ”

Aisaia 34:11

Eghtɨ a, isaba ko, taragiaba ko, anebaba ko, mɨghɨaba dar danganim gavagham. Ikiavɨra Itir God Idomian biziba bar da agɨvagham, egh Idomɨn nguazim damightɨ a pura ikiam, mati nguazim fomɨrama otogha pura ikezɨ moghɨn ikiam.

Aghuzir Akaba 1:12

Me angamɨra ikɨvɨra ikɨ izɨtɨ, e zuamɨram otivighɨva me mɨsoghtɨ me arɨmɨghiregham, mati ovevem gumazamiziba bativi me ariaghira Gumazamizir Oveaghuezibar Nguibamɨn ghuaghiri.

Onger Akaba 74:13

Nɨ uan gavgavimra ongarir ekiam tongɨram anebɨki. Egha maburan osirir ongarimɨn itibar dapaniba abɨghizɨ da ariaghire.

Hosea 8:8

Israelia ua derazir puvatɨ. Me kantrin igharazibar mɨraram oto. Datɨrɨghɨn me mati nguazir mɨnem bɨki, egh me ua nan ingangarim damuan kogham.

Aisaia 42:22

O Israelia, ia datɨrɨghɨn bar paza iti. Apaniba ia gasɨghasɨgha ian biziba okemegha da inigha ghue. Me uaghan pamtem ian suigha ia inigha ghua kalabuziar dɨpeniba ko toribar aven ia arɨki. Ia mati pura bizir kɨniba, apaniba ia okemegha ia inigha ghue, ezɨ ian akurvagh ua ia iniamin gumaziba puvatɨ.