Jeremaia 51:32 - Godɨn Eghaghanim: Akar Gavgavir Dɨkɨrɨzir Ghurim ko Igiam

³² Apaniba dɨpabagh iregh vongɨn mangamin tuaviba inigh, tintinibar dakarabar itir ighurunibar apuegham. Eghtɨ Babilonɨn mɨdorozir gumaziba bar puvɨram atiatigh, egh tintinibar onganigham.

Jeremaia 51:32 ပူးပေါင်းရင်းမြစ်များ

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Aisaia 44:27

Kɨ kamagh mɨkɨm suam, ongarim nɨ dakegh, eghtɨ a dakegham. Egh kɨ uaghan faner uaghira ongarim ginivizibar amightɨ, da mɨsigham.

Aisaia 47:14

“Ezɨ puvatɨ, me mati ogheba mɨsigha iti, ezɨ avir mam gumazir kabar isi me gasɨghasɨgham. Eghtɨ me uarira uarir akurvaghan kogham. Bar guizbangɨra, me kamaghɨn mɨkɨman markɨ, ‘Kɨ mangɨ avir mɨriamɨn daperagh uan mɨkarzim fefem a danɨngam.’ Puvatɨ. Avir kam bar men isigham.

Jeremaia 51:31

Gumazir akaba inigha izir avɨriba, ivemar mangɨ ivɨvɨgh Babilonɨn atrivim mɨkɨmam, Abuir gumazir kaba izɨ a mɨkɨm suam, Apaniba nɨn nguibar ekiamɨn danganiba bar ada inigha gɨfa.

Jeremaia 51:33

Ikiavɨra Itir Godɨn Gavgaviba Bar Itim, Israelian God, a kamaghɨn mɨkeme: “Babilon, a guivir dirimɨn mɨn iti. Eghtɨ mati gumaziba raizɨn daghem iniasa a dɨkabɨri moghɨn, apaniba a dɨkabɨnigham. Ezɨ ingangarir kam damuamin dughiam, a roghɨra izegha gɨfa.”

Jeremaia 52:7

Dughiar kamɨn Babilonia dɨvazimɨn vuer mam akarigha Jerusalemɨn aven ghue. Ezɨ Atrivim Sedekaia Jerusalemɨn mɨdorozir gumaziba koma are. Me dɨmagarimɨn suebar ghuava atrivimɨn dagher azenimɨn otivigha ghua, danganir dɨvazir pumuning uaning isasuiragha itir tiar akar kamɨn ghua, Jerusalemɨn nguibar ekiamɨn otivigha ghue. Egha me Jordanɨn Fanemɨn danganir zarimɨn ghuaghirir tuavimɨn zui.