Jeremaia 51:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Gumazir akaba inigha izir avɨriba, ivemar mangɨ ivɨvɨgh Babilonɨn atrivim mɨkɨmam, Abuir gumazir kaba izɨ a mɨkɨm suam, Apaniba nɨn nguibar ekiamɨn danganiba bar ada inigha gɨfa.

Jeremaia 51:31 ပူးပေါင်းရင်းမြစ်များ

2 Eghaghaniba 30:6

Kamaghɨn amizɨ, atrivim uan gumazir dapaniba ko, akɨnafariba osirigha gumazir mabagh anɨga kamaghɨn me mɨgɨa ghaze, ia akɨnafarir kaba inigh bar moghɨra Israel ko Judan danganiba bar dar mangɨ. Akɨnafarir kabar itir akaba kamaghɨn mɨgei, “Ia Israelian ikiavɨra itir varazira, Asirian atriviba ia gasɨghasɨghizir puvatɨziba, ia oragh. Ia uamategh Ikiavɨra Itir God, a en ovaviba Abraham, Aisak ko, Jekopɨn God, a bagh izɨ. Ia kamaghɨn damutɨ, Ikiavɨra Itir God izɨ ia ko ikiam.

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 50:24

Ikiavɨra Itir God kamaghɨn mɨkeme: “Babilon, kɨ nɨn suighasa azuazir mam atɨ, ezɨ nɨ a gɨfozir puvatɨ, a managh iti. Kɨ Ikiavɨra Itir God, nɨ nan apanim gami, kamaghɨn amizɨ, azuazir kam nɨn suiragham.”

Jeremaia 4:20

Kɨ garima, me kantrin aven itir danganiba bar dar gumazamiziba paza me gamua me gasɨghasɨzima, biziba bar moghɨra ikufi. Kɨ garima, me zuamɨra en purirpenibagh asɨghasɨki.

Jopɨn Akɨnafarim 9:25

“Nan dughiar kɨ angamɨra ikiamiba, da atamra ghua gefi. Da puvɨra ivemara gumazimɨn ivemarim gafira. Kamaghɨn amizɨ, kɨ ua dughiar aghuim bativan kogham.

Esta 8:14

Ezɨ atrivim mɨgeima gumazir akɨnafariba inigha zuiba atrivimɨn hoziabagh apiagha ivemara bar zuamɨra ghue. Egha me akar gavgavir kam bar Susan nguibar ekiamɨn aven uaghan anekuri.

Esta 8:10

Egha Mordekai atrivimɨn ziamɨn akɨnafariba osirigha gɨvagha, atrivimɨn ringɨn nedazimɨn dar poke. Egha gumazir akɨnafariba inigh mangamiba, me hoziar aghuir atrivimɨn ingangarimram amiba inigha, akɨnafarir kaba inigha zuamɨra nguibaba bar dar ghue.

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Jeremaia 51:32

Apaniba dɨpabagh iregh vongɨn mangamin tuaviba inigh, tintinibar dakarabar itir ighurunibar apuegham. Eghtɨ Babilonɨn mɨdorozir gumaziba bar puvɨram atiatigh, egh tintinibar onganigham.