Jeremaia 51:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Egh uaghan Midian atriviba ko, gumazir dapaniba ko, gumazamizir Midian gavman gativagha an gariba, ia men diagh. Ia kantrin avɨrir me gativibar gumazibar amutɨ, me bar izɨ Babilon mɨsoghsɨ biziba akɨr.

Jeremaia 51:28 ပူးပေါင်းရင်းမြစ်များ

Jeremaia 51:11

Ia Babilonɨn apaniba, ia mɨdorozim bagh mangɨsɨ uan afuziba amɨnɨva, oraba ini. Ikiavɨra Itir God ghaze, Babilonia an Dɨpenim gasɨghasɨki, ezɨ a ivezir kuramɨn me ikarvaghasa. Egh a Midian atrivibar nɨghnɨziba feghtɨ, me Babilonia mɨsogham. A tuavir kamra, bar Babilon gasɨghasigham.

Daniel 9:1

Darius, Serksisɨn otarim, a kantri Midian gumazim, egha a kantri Babilonɨn atrivimɨn iti.

Daniel 8:20

“Sipsipɨn apurir komɨn pumuning itir nɨ ganizim, a kantri Midia ko kantri Persian ababanim.

Daniel 6:8

Ezɨ atrivim, nɨ gumazibav kemeghtɨ me akar gavgavir kam akɨnafarimɨn an osirightɨ, nɨ uan ziam osirightɨ an akar gavgavir kam a damutɨ a gavgavigham. Eghtɨ gumazamiziba bar an gɨn mangam. Akar kam e Midia ko Persia, a en akar gavgavim, an e bagh ikɨ mamaghɨra ikiam. Gumazitam anebighan kogham.”

Jeremaia 51:27

Ia kantrin avɨribar tongɨn akaba amang, egh nguaziba bar dar gumazamizibar tongɨn sɨgham givi, eghtɨ me Babilonia mɨsoghsɨ biziba akɨr. Ia Araratba ko, Miniba ko, Askenasba, men diaghtɨ me izɨ. Egh mɨdorozim bagh gumazir ekiar tam amɨsefegh. Mɨdorozir gumaziba uan hoziabar apiagh, egh odezir okoruamɨn mɨn izam.

Jeremaia 25:25

Egha ghua Simrin atriviba ko, Elamɨn kantrin atriviba ko, Midian kantrin atriviba ko,

Aisaia 21:2

Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Aisaia 13:17

Ikiavɨra Itir God ua ghaze, “Kɨ, Midbar navibagh inivima, me Babilonia mɨsoghasa izi. Me Babilonian silva ko gol bagha nɨghnɨgha mɨsoghasa izir puvatɨ.

Esta 10:2

Ezɨ bizir ekiaba ko bizir aghuir atrivim amiziba ko, mɨgɨrɨgɨar arazir a Mordekai gamizɨ a gumazir ekiamɨn otoziba, me bar da isa Persian atriviba ko Midian atrivibar akɨnafaribar ada osiri.

Esta 1:3

An atrivimɨn azenir namba 3ɨn dughiam, a uan ingangaribar faragha zuir gumaziba ko, gavmanɨn gumazir ekiaba isar ekiam bagha men dia. Ezɨ Persian kantri ko Midian kantrin mɨdorozir gumazir dapaniba ko provinsbar garir gumaziba ko gumazir ekiaba me bar izegha a ko iti.

1 Eghaghaniba 1:5

Jafetɨn otaribar ziabar kara: Gomer, Magok, Madai, Javan, Tubal, Mesek, ko Tiras.

Jenesis 10:2

Kar Jafetɨn otaribar ziabar kara: Gomer, Magok, Madai, Javan, Tubal, Mesek, ko Tiras.

Jeremaia 25:14

Kɨ ivezir kuram isɨ Babilonɨn gumazamiziba, men arazir kurar me amiziba bagh me danɨngam. Eghtɨ kantrin igharazir avɨribar atrivir gavgaviba me dɨkabɨn me damutɨ, me pura ingangarir gumazamizir kɨnibar mɨn ingangarim damuam.”

Jeremaia 50:41

“Ia gan! Mɨdorozir gumaziba notɨn amadaghan ikegha izasava ami. Me bar gavgavigha atrivir avɨriba ikia, egha bar saghon ti. Egha me mɨsoghasa mɨdorozir biziba akɨra iti.

Jeremaia 51:29

Ikiavɨra Itir God Babilon gasɨghasɨghasa mɨkemegha gɨfa, egh a damightɨ a danganir kɨnimɨn otogham, eghtɨ gumazitam ua an ikian kogham. Eghtɨ Ikiavɨra Itir God ingangarir kam damuamin dughiamɨn, mɨkɨmkɨzir dafam nguazim bativɨra ikiam, mati gumazim mɨzazir bar kuram isima mɨkarzim a gasi.

Daniel 6:1

Dughiar kam Darius atrivimɨn otogha gɨvagha, egha 120plan gavmanɨn faragha zuir gumaziba amɨseveghtɨ me kantrin aven tir nguibabagh ativagh dar ganam.