Jeremaia 51:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Ia kantrin avɨribar tongɨn akaba amang, egh nguaziba bar dar gumazamizibar tongɨn sɨgham givi, eghtɨ me Babilonia mɨsoghsɨ biziba akɨr. Ia Araratba ko, Miniba ko, Askenasba, men diaghtɨ me izɨ. Egh mɨdorozim bagh gumazir ekiar tam amɨsefegh. Mɨdorozir gumaziba uan hoziabar apiagh, egh odezir okoruamɨn mɨn izam.

Jeremaia 51:27 ပူးပေါင်းရင်းမြစ်များ

Jenesis 10:3

Ezɨ Gomerɨn otaribar ziabar kara: Askenas, Rifat, ko Togarma.

1 Eghaghaniba 1:6

Ezɨ Gomerɨn otaribar ziabar kara: Askenas, Rifat, ko Togarma.

Jenesis 8:4

Ezɨ iakɨnir namba 7ɨn dughiar namba 17ɨn kurim Araratɨn Mɨghsɨabar itir danganimɨn mɨghsɨar mamɨn apera.

Jeremaia 51:12

Ia apaniba, ia nir avɨzir ababanim ghufeghtɨ, mɨdorozir gumaziba mɨghvɨra mɨsogh, Babilonɨn nguibar ekiamɨn dɨvazim akarika. Ia mɨdorozir gumaziba arightɨ, me nguibar ekiam bagh arav ikɨ, egh uan ingangarim deragh a damu. Ia mɨdorozir gumazibav kemeghtɨ me mangɨ mongegh, Babilonia mɨsoghsɨ damu ikɨ. Ikiavɨra Itir God, Babilonɨn gumazamizibagh asɨghasɨghasa mɨkemegha gɨfa, egha datɨrɨghɨn a bizir kam damuasa.

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Jeremaia 25:14

Kɨ ivezir kuram isɨ Babilonɨn gumazamiziba, men arazir kurar me amiziba bagh me danɨngam. Eghtɨ kantrin igharazir avɨribar atrivir gavgaviba me dɨkabɨn me damutɨ, me pura ingangarir gumazamizir kɨnibar mɨn ingangarim damuam.”

Jeremaia 51:14

Ikiavɨra Itir Godɨn Gavgaviba Bar Itim, a guizbangɨra uan ziamɨn pɨn arɨgha mɨkeme. A kamaghɨn mɨkeme: “O Babilon, kɨ apanibar gumazir okoruar avɨrim inigh izɨtɨ, me nɨ mɨsogh, nɨ dɨkabɨragham. Me nɨn nguazim gizɨvagham, mati odezir okoruam. Egh me nɨ gafiragh nɨ abɨnamin dughiamɨn, me bar akuegh pamtemɨn dɨmam.”

Aisaia 18:3

Ia gumazamizir nguazir kamɨn ruaghatevim bar an itiba, ia bar oragh. Ia gantɨ, me ababanitam mɨghsɨabar a kuazaghtɨ, ia deravɨram an gan. Egh ia oraghtɨ me sɨghatam givitɨ, ia kuariba arigh deragh a baragh.

Sekaraia 14:2

Eghtɨ Ikiavɨra Itir God uabɨ kantrin igharazibar mɨdorozir gumaziba bar da inightɨ, me izɨ Jerusalem mɨsogham. Me Jerusalemia abɨnigh bizir dɨpenimɨn itiba bar ada inigham. Egh arazir otuaribar amizibar amuam. Egh gumazamizir kabar nar mam inigh mangɨtɨ, me kantrin igharazibar kalabusɨn ikiam. Eghtɨ men akuar mam Jerusalem ateghan kogham, me an ikɨvɨra ikiam.

Amos 3:6

Eghtɨ mɨdorozim nguibatamɨn aven otivsɨ, gumazamiziba fofoghsɨ me sɨgham giviam. Ezɨ ia manmaghɨn nɨghnɨsi, gumazamiziba atiatingam, o? Ezɨ kamaghɨra, nguibar ekiatam asɨghasɨzim a batogham. Ezɨ ia manmaghɨn nɨghnɨsi, Ikiavɨra Itir God ti asɨghasɨzir kam amadaz, o?

Jeremaia 46:23

Isipia me avɨraseme, egha me bar gavgavigha, mati ruarir ekiamɨn temeba bar uari anɨghafɨri, ezɨ gumaziba aven mangan asaghasaki. Ezɨ apanibar mɨdorozir gumazibar dɨbobonim bar ghuavanabo, egha odezibar dɨbobonim gafira, eghtɨ gumazitam men dɨbobonim mengan iburagham. Kamaghɨn amizɨ, kɨ Ikiavɨra Itir God, kɨ ghaze, apaniba bar Isipia agɨvagham, mati gumaziba ruarir ekiamɨn temeba bar ada oke.

Jeremaia 6:1

Ia Benjaminɨn anabamɨn adarasi, ia Jerusalem ategh arɨ mangɨ. Puvatɨghtɨ, ia bar ikuvigham. Ia Tekoan nguibamɨn aven sɨghabagh ivi mangɨ, Bet Hakeremɨn nguibamɨn avim atɨghtɨ an mɨgharim mavanangam, eghtɨ gumazamiziba an ganigh fogh arɨ mangam. Bizir kurar ia gasɨghasɨghamim notɨn amadaghan dɨkavigha, bar roghɨra izi.

2 Atriviba 19:37

Egha a dughiar mamɨn uan asem Nisrokɨn dɨpenimɨn ghugha an ziam fe. Ezɨ an otarimning, aningɨn ziamning, Adramelek ko Sareser, aning mɨdorozir sabam inigha aven ghugha a mɨsoghezɨ an aremezɨ, aning ara ghua Araratɨn kantrin iti. Ezɨ an otarir igharazim, an ziam Esarhadon, a uan afeziamɨn danganim inigha, Asirian kantrin atrivimɨn iti.

Gumazir Dapaniba 6:5

Egha me uaghan uan averpeniba ko bulmakauba sara izi, mati aparir irubuaba uari akuvagha izi moghɨn, men gumazamiziba ko kamelba bar avɨraseme. Guizbangɨra, gumazitam me mengan iburagham, ezɨ me izava Israelian azeniba bar dagh asɨghasɨki.

Aisaia 37:38

Egha a dughiar mamɨn uan asem Nisrokɨn dɨpenimɨn ghugha an ziam fe. Ezɨ an otarimning, aningɨn ziamning, Adramelek ko Sareser, aning mɨdorozir sabam inigha aven ghugha a mɨsoghezɨ an aremezɨ, aning ara ghua Araratɨn kantrin iti. Ezɨ an otarir igharazim, an ziam Esarhadon, a uan afeziamɨn danganim inigha, Asirian kantrin atrivimɨn iti.

Jeremaia 50:3

Gumazamiziba not ategh izɨ Babilonia mɨsogham. Egh apanir kaba bar Babilonɨn nguibam gasɨghasigham, eghtɨ a pura danganir kɨnimɨn otogham, eghtɨ gumazamiziba an ikian kogham. Gumazamiziba ko asɨziba bar anetegh aregham.

Jeremaia 50:9

Kɨ notɨn gumazamizir gavgavizir avɨriba feghɨva, Babilonɨn mɨsoghsɨ men aku izam. Me tuivigh uarir akuigh, egh Babilonia ko mɨsogh me dɨkabɨragham. Apanir kaba barir pibar asa bar fo, egha me asavamadir dughiamɨn, me nɨ gitaghan kogham. Kamaghɨn, ia Babilon atakigh.

Jeremaia 51:28

Egh uaghan Midian atriviba ko, gumazir dapaniba ko, gumazamizir Midian gavman gativagha an gariba, ia men diagh. Ia kantrin avɨrir me gativibar gumazibar amutɨ, me bar izɨ Babilon mɨsoghsɨ biziba akɨr.

Joel 3:9

Egha God akar kam Kantrin Igharazibar Gumazamizibar tongɨn mangɨ a mɨkɨmasa Joel mɨkeme, “Ia God ko mɨdorozim damusɨ biziba akɨr ikɨ, egh mɨdorozir gumaziba bar men diaghtɨ, me izɨ uari akuvagh, egh mɨsoghsɨ mangam.