Jeremaia 51:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Kɨ nɨ inigha mɨdorozir hoziaba, ko gumazir hoziabagh apiaziba amɨsaragharɨki. Kɨ nɨ inigha, mɨdorozimɨn karisba ko, gumazir karisbar suiziba saram asɨghasɨki.

Jeremaia 51:21 ပူးပေါင်းရင်းမြစ်များ

Ua Me Ini 15:1

Dughiar kam Moses Israelian gumazamiziba ko, Ikiavɨra Itir God bagha ighiar kam kamaghɨn a bange: “Ikiavɨra Itir God, a mɨdorozir ekiam abɨra, ezɨ kɨ datɨrɨghɨn a bagh onger akam bangam. Guizbangɨra, a hoziaba ko gumazir hoziabagh isɨn apiaziba me avigha ongarim mɨkɨni. An apaniba abɨra, ezɨ an ziam bar pɨn iti!

Sekaraia 10:5

Me mɨdorozir gumazir gavgavibar mɨn uari inigh, uan apaniba abɨntɨ, mati mɨdorozir gumaziba nguibar ekiamɨn zuir tuavimɨn uan apaniba, nguazir beghneazibar me dɨkabɨri. Kɨ Ikiavɨra Itir God me ko ikiam. Kamaghɨn amizɨ, me bar pamtemɨn mɨsogh mangɨ, hoziabagh apiazir mɨdorozir gumazibav sogh me abɨnigham.

Sekaraia 12:4

Kɨ Ikiavɨra Itir God, kɨ dughiar kamɨn apanibar hoziabar amightɨ, da bar atiatigham, eghtɨ dagh isɨn apiazir gumaziba bar onganigham. Kɨ Judabagh eghuva, men apanibar hoziabar amightɨ dar damaziba bar okavigham.

Hagai 2:22

Kɨ kantrin igharaziba ko, atrivibar gavgaviba agɨvagham, egh karisba ighɨrarightɨ, dar karisbar suizir gumaziba da sara daighiregham. Eghtɨ hoziaba arɨmɨghireghtɨ, men mɨdorozir gumaziba dɨkavigh kaghɨra uan roroabav sogh bar me agevegham.

Nahum 2:13

Ikiavɨra Itir Godɨn Gavgaviba Bar Itim kamaghɨn Ninivebav gei, “Kɨrara ian apanim. Kɨ ian karisba dapongtɨ da bar isigham. Eghtɨ ian mɨdorozir gumaziba, laionɨn igiabar mɨn mɨdorozimɨn aven arɨmɨghiregham. Eghtɨ bizir ia igharaz darazi da iniziba, kɨ bar uam ada inigham. Eghtɨ Kantrin Igharazibar Gumazamiziba ua ian abuir gumaziba baraghan kogham.”

Maika 5:10

Ikiavɨra Itir God, kamaghɨn Israelia mɨgɨa ghaze: “Gɨn otivamin dughiamɨn, kɨ mɨdorozir bizibagh asɨghasɨgham. Egh ian hoziabagh asɨghasɨgh ian karisba apɨrarigham.

Akar Mogomem 19:18

Ia atrivibar kuabar tuziba ko, mɨdorozir gumazibar faragha zuir gumaziba ko mɨdorozir gumaziba ko, hoziabar kuabar tuziba ko dagh apiazir gumazibar kuabar tuzibar amam. Egh ia gumazamiziba bar men kuabar tuzibar amam, pura ingangarir gumazamizir kɨniba ko gumazamizir fɨriaghɨreziba, ko pura gumazamiziba ko gumazamizir ziaba itiba!”

Onger Akaba 46:9

A nguazimɨn oteviba bar dar mɨdoroziba agefi. Egha barir piba ko afuzibar suigha da apɨragharigha, oraba aviba dagh arɨzi da isi.

Esekiel 39:20

Me izɨ nan dagher dakozimɨn hoziaba ko, dagh apiaghirir gumaziba ko, mɨdorozir gumazibar tuzibar amɨ mangɨ bar izevegham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Jeremaia 50:37

Babilonɨn hoziaba ko karisba bar ikuvigham. Eghtɨ kantrin igharazibar mɨdorozir gumazir Babilonɨn akurvaziba, me bar ikuvigham. Me amizibar mɨn otivigh gavgaviba puvatɨgham. Babilonian bizir bar aghuiba ikuvigham. Apaniba izɨ bizir kaba inigh, ada ater mangegham.

Onger Akaba 76:6

O Jekopɨn God, nɨ men atarigha gɨvazɨ, hoziaba ko gumazir hoziabagh apiaziba ariaghiregha nguazim gireghav iti.

Ua Me Ini 15:21

Miriam me bagha kamaghɨn ighiam bange: “Ikiavɨra Itir God gumazir hoziabagh apiaziba, ko hoziaba sara bar me avigha ongarim mɨkɨnigha, apaniba abɨnigha ziar ekiam ini. Kamaghɨn, ia a bagh onger akam bangɨ.”

Ua Me Ini 15:4

A Isipian mɨdorozir gumaziba ko men karisɨn mɨdorozim gamiba, a me avigha me isa ongarim mɨkɨni. Ezɨ men mɨdorozir gumazir dapaniba, ongarim amegha Ongarir Aghevimɨn aven ariaghire.

Aisaia 43:17

Egha kɨ mɨdorozir gumazir avɨribagh amizɨ, me uan karisba ko hoziaba sara tuavir kamɨn ghue, egha me bar ikuvigha ua dɨkavizir puvatɨ. Me mati gumazim lam giverazɨ a zuamɨra munge.