Jeremaia 51:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ikiavɨra Itir God kamaghɨn mɨgei: “Babilon, nɨ mati kɨ mɨsoghasa inizir bizir mam, nɨ nan ifanim mɨn iti. Kɨ nɨ inigha, kantrin avɨriba mɨsaragharɨgha, egha nguibar gavgavir avɨribagh asɨghasɨki.

Jeremaia 51:20 ပူးပေါင်းရင်းမြစ်များ

Maika 4:13

Egha Ikiavɨra Itir God ghaze, “Jerusalemia, ia dɨkavigh mangɨ uan apanibagh asɨghasɨgh. Kɨ ia damightɨ, ia gavgavigh ikiam, mati bulmakaun mam ainɨn komba ko, brasɨn sueba ikia bar gavgafi. Kamaghɨn amizɨ, ia kantrin avɨriba dɨkɨ me abɨnigham. Egh apaniba faragha ia mɨsogha inizir biziba, ia uam ada inigh na danɨngam, kɨ nguazir kam bar a gativazir Ikiavɨra Itir God.”

Aisaia 37:26

“ ‘Senakerip, nɨ kamaghɨn fozir puvatɨ, kɨ fomɨra bizir kabar amuasa nɨ amɨsefe. Kɨ, nguibar gavgavir dɨvazir gavgaviba itiba, kɨ dagh asɨghasɨghasa, gavgavim nɨ ganɨngi. Ezɨ nɨ nan nɨghnɨzimra gɨn ghua nguibar kaba akaragharɨghizɨ da iregha, mati me dagɨaba pozibav kɨnizɨ, da iti.

Matyu 22:7

“Kamaghɨn amizɨ, atrivim puv atari, egha uan mɨdorozir gumaziba amada. Ezɨ me ghua an ingangarir gumazibav soghezir gumaziba, me mɨsogha bar me agɨvaghava, men nguibar ekiam gaborozɨ a isi.

Jeremaia 50:23

Babilon mati haman mam, tintinibar nguazir kamɨn kantriba bar da mɨsaragharɨki. Ezɨ datɨrɨghɨn ia Babilonɨn apaniba, kantrin kam apɨrigh, a gasɨghasɨkigh, datɨrɨghɨn haman kam bar mɨsarighiregham. Eghtɨ Kantrin Igharazibar Gumazamiziba an ganigh, bar dɨgavir kuram damigh, bar moghɨram atiatigham.”

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Aisaia 10:5

Egha Ikiavɨra Itir God kamaghɨn mɨgei: Asirian kantrin gumazamiziba, mevzika! Me bar ikuvigham. Kɨ uan gumazamiziba puvɨra men atari. Kamaghɨn kɨ datɨrɨghɨn ingangarim isɨ Asirian kantrin gumazamizibar anɨngtɨ, me nan aghorimɨn mɨn otoghtɨ, gumazamizir nan navim gamima a ikuviziba, me ivezir kuram me danɨngɨva me gasɨghasigham.

Jeremaia 25:11

Eghtɨ nguazir kam bar ikuvigh danganir kɨnim otogham. Eghtɨ 70plan azenibar, nan gumazamizir kaba, Babilonɨn atrivimɨn ingangarir gumazir kɨnibar ikiam.

Aisaia 10:15

Atrivim uabɨ uan ziam fe, ezɨ Ekiam kamaghɨn azaragha ghaze, Sobiatam ti uabɨ fɨ kamaghɨn mɨkɨm suam, a uabɨ gavgaviba iti, ezɨ an gavgavim gumazir an suirazimɨn gavgavim gafira, a? Puvatɨ, nɨghnɨzir kam ongani. Eghtɨ son tam ti uabɨ fɨ suam, a uabɨ gavgaviba iti, ezɨ an gavgavim gumazir an suiragha temem pungizim gafira, a? Puvatɨ, nɨghnɨzir kam ongani. Eghtɨ itazitam ti uabɨ fɨ suam, a uabɨ gumazitamɨn suiragh, a inigh mɨsoghsɨ mangam, a? Puvatɨ. Nɨghnɨzir kaba, bar ongani.

Aisaia 13:5

Me kantrin bar saghon itimɨn ikegha ize, egha me mati Ikiavɨra Itir Godɨn piba ko bariba. A bar anɨngaghegha, me akuvagh me damutɨ, me nguazir kamɨn itir kantribagh asɨghasɨgh, bar me agɨvagham.

Aisaia 8:9

Ia deravɨram oragh, ia kantrin roghɨra itiba ko saghon itibar gumazamiziba. Ia uari akuvagh mɨsoghsɨ gan ikɨ. Eghtɨ ian gavgavim bighirɨghtɨ, ia dɨgavir kuram damigh puram onganim damuam.

Aisaia 45:1

Ikiavɨra Itir God, a Sairus atrivimɨn ikiasa anemɨsevegha gɨvagha, gavgavim a ganɨngi. Eghtɨ a kantrin igharazibav sogh, men atrivibar gavgaviba agɨvaghtɨ, me aghumsɨgham. Eghtɨ kɨ pura Sairus bagh men nguibabar dɨvazibar tiar akaba kutɨ, gumazitam ua da dukuman koghtɨ, Sairus aven mangɨ, uan apaniba dɨkabɨnam. Egha Ikiavɨra Itir God kamaghɨn Sairus mɨgɨa ghaze:

Esekiel 21:31

Kɨ uan anɨngagharim ia gingegh ia gasɨghasɨgham, mati avir mɨzariaba mɨghɨ ia bagh mangam. Egh kɨ ia isɨ bar puvɨra anɨngazir gumazibar agharibar arɨgham, kar bizibagh asɨghasɨzir fofozim itir gumaziba.

Maika 4:12

Egha kantrin kabar gumazamiziba Ikiavɨra Itir Godɨn nɨghnɨzim gɨfozir puvatɨ, a manmaghɨn nɨghnɨsi. Me kamaghɨn fozir puvatɨ, a me akuvagh me gasɨghasɨgham. Mati gumazim witba akuvagh da mɨrmɨrightɨ, da witɨn daghebar mɨn otivigham.

Nahum 2:1

Apaniba faragha Israelia gasɨghasigha, men biziba bar da inigha ghue. Ezɨ datɨrɨghɨn Ikiavɨra Itir God, Israelɨn ziar ekiam damutɨ, a faragha ikezɨ moghɨn uam otivam. O Niniven adarasi, apaniba datɨrɨghɨn ia mɨsosi. Ia gasɨghasɨghamin gumazim izegha gɨfa. Ia mɨdorozir gumaziba arɨghtɨ me ian nguibar ekiamɨn okarigham. Ia bar deravɨra tuavibar gan. Ia mɨsoghsɨ tuivigh gavgavigh gan.

Sekaraia 10:4

Eghtɨ Judan anababar tongɨn, gumazir dapanir gavgavir maba otivam, egh me mati dɨpenim aterir dagɨaba ko, dɨpenim aterir guariba ko, mɨdorozir barir pibar mɨn ikiam.

Esekiel 21:11

Mɨdorozir sabar kam, me datɨrɨghɨra borem a gaghuizɨ a bar zuegha iti. A ingangarim damuasa me anekɨri. Me anemɨnegha borem a gaghuigha a isa gumazir gumazibav soghtɨ me arɨmɨghiramimɨn dafarim garɨsi.