Jeremaia 51:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Ezɨ Ikiavɨra Itir God, a Jekopɨn ovavir boribar God, a uabɨ biziba bar dar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Jeremaia 51:19 ပူးပေါင်းရင်းမြစ်များ

Jeremaia 10:16

Ezɨ Ikiavɨra Itir God, a Jekopɨn ovavir boribar God, a uabɨ biziba bar adar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Onger Akaba 73:26

Nan nɨghnɨzim ko nan mɨkarzim ua gavgaviba puvatɨghtɨ, God, nɨ uabɨ gavgavim nan navir averiam danɨng. Kɨ ua gumazir igharazitamɨn ganan kogham. Nɨ bar uabɨra kɨ nɨn ganam.

1 Pita 2:9

Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.

Onger Akaba 33:12

Kantrin tam God baghavɨra ikɨtɨ, Ikiavɨra Itir God deravɨra a damutɨ a bar akongegham. Kantrin kamɨn gumazamiziba God ua baghavɨra me ginaba.

Aisaia 47:4

Israelian Godɨn Bar Zuezim, a en Akurvazir Gumazim. An ziam, Ikiavɨra Itir Godɨn Gavgaviba Bar Itim.

Jeremaia 50:11

Ikiavɨra Itir God kamaghɨn mɨkeme: “Ia Babilonia, ia nan kantri gasɨghasɨki, egha nan gumazamizibar biziba ini. Mati bulmakaun nguzim raizɨn mɨseviba dɨkabɨra uabɨ fa uabɨ ekura, egha bar akongezɨ moghɨn, ia bar akongegh. Egha ia hoziar apuribar mɨn tiariba akara bar akonge.

Onger Akaba 135:4

Ikiavɨra Itir God ua baghvɨra Jekop ginaba, kamaghɨn Israelia kar bar Godɨn adarazira.

Onger Akaba 115:3

Me kamagh fozir puvatɨ, en God uan Nguibamɨn iti, egha a bizir tizim uan ifongiamɨn a damusɨ ifuegh, ana damuam.

Onger Akaba 74:2

Nɨ fomɨra ua bagha e ginaba, nɨ e gɨnɨghnɨgh. Nɨ e givezegha gɨvazɨ, e nɨn adarazira. Nɨ faragha Saionɨn Mɨghsɨamɨn ike, egh nɨ ua mɨghsɨar kam ginɨrɨgh.

Onger Akaba 16:5

Ikiavɨra Itir God, nɨrara nana, bizir igharaziba ua puvatɨ. Bɨzir kɨ oteveziba, nɨ da na ganɨdi. Ezɨ nan ikɨrɨmɨrim nɨn dafarimɨn iti.

Godɨn Araziba 32:9

Ezɨ Ikiavɨra Itir God, Israelia, me Jekopɨn adarasi, a ua bagha me amɨsevegha men Godɨn iti.

Jeremaia 10:12

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Jeremaia 33:2

“Kɨ Ikiavɨra Itir God, kɨ bizitam damusɨ a gɨnɨghnɨghɨva, kɨ bizir kam damightɨ an otogham. Kɨ Ikiavɨra Itir God, kar nan ziamra. Ezɨ kɨ kamaghɨn mɨgei:

Jeremaia 50:34

Ezɨ men Akurvazir Gumazim, a gavgavir ekiam iti, ezɨ an ziam kara, Ikiavɨra Itir Godɨn Gavgaviba Bar Itim. A men akuragh men apaniba abɨragham. Egh a dabirabir aghuim isɨ nguazir kamɨn gumazamiziba bar me danɨngam. Eghtɨ Babilonia puvatɨgham. A me damightɨ me pazɨvɨra ikiam.

Aisaia 51:13

Kɨ Ikiavɨra Itir God, ia ti na bakɨnɨghɨnigha gɨfa. Kɨrara, kɨ ian ingari. Kɨ overiam an danganimram anetɨgha, nguazimɨn ingarigha, gavgavim an mɨngarim ganɨngi. Ezɨ ia tizim bagha gumazir kurar ia dɨkabɨn ia gasɨghasɨghamibar atiati? Gumazir kaba bizitamɨn ia damighan kogham. Men anɨngazir kuram pura gɨvagham.

Jeremaia 51:5

Israelia ko Judaba faragha uan nguazimɨn itir dughiamɨn, me Israelian Godɨn Bar Zuezimɨn damazimɨn arazir kurar avɨribagh ami. Ezɨ Ikiavɨra Itir Godɨn Gavgaviba Bar Itim, an akɨrim ragha me gasarazir puvatɨ, egha me ataghizɨ me mati amizir paba ovengezibar mɨn pura itir puvatɨ.