Jeremaia 51:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ A tiarim akarigha mɨgeima, overiam bar pamtemɨn tɨngazi. Ezɨ ghuariar pɨziba nguazir otevibar mɨgha iza, egha uari akufa. God onɨmaribagh amima, da taghtazima amozim izaghiri. Egha amɨnim asirafima, a uan danganim ataghɨragha izi.

Jeremaia 51:16 ပူးပေါင်းရင်းမြစ်များ

Onger Akaba 135:7

Ana amozimɨn mɨgharir pɨzibagh ami, da nguazir oteviba bar dar zui, ana onɨmaribagh ami, da taghtagha amozim sara izi. An amɨnim gami, a dɨkava ivava danganiba bar dar zui.

Jona 1:4

Ezɨ Ekiam amɨnir bar dafam amadazɨma an ongarim gisɨn ivai, ezɨ osɨmtɨzir dafam ongarim batozɨma kurim bighɨrɨghasava ami.

Onger Akaba 18:13

Ikiavɨra Itir God uan Nguibamɨn ikia tiarim akara pamten dagarvasi. Godɨn Bar Pɨn Itim uan akam akarizɨ, an akaba mati onɨmarim ko amozir ofɨzir ekiar dagɨabar mɨn gariba daghira izaghiri.

Jona 4:8

Ezɨ gɨn aruem anadima, God amɨnir bar puvɨra feim amadazɨma, an aruem anadi naghɨn izi. Ezɨ aruem Jonan dapanim gaboi, an damaziba an sɨrima a irasava ami. Ezɨ Jona kamaghɨn nɨghnɨgha God mɨgei, “Kɨ aremeka. Kɨ aremeghtɨ, kamaghɨn deragham. Kɨ aremeghan koghtɨ, kamaghɨn deraghan kogham.”

Amos 9:7

Ikiavɨra Itir God kamaghɨn mɨgɨa ghaze: “O Israelia, kɨ Itiopian gumazamiziba deragha men gari moghɨn, kɨ uaghan deragha ian gari. Kɨ Kritɨn nguibamɨn Filistiaba inigha ize, egha kantri Kirɨn, kɨ Sirian gumazamiziba inigha ize, egha kamaghɨra, kɨ Isipɨn kantrin ia inigha ize.

Esekiel 10:5

Ezɨ enselɨn bar gavgavir kabar avɨziba tɨngazir nɨgɨnim, me dɨvazir ekiar azenan itimɨn aven uaghan da baragham. Dar avɨzibar nɨgɨnim, mati Gavgaviba Bar Itir Godɨn tiarim.

Onger Akaba 147:18

A gɨn ua mɨkemezɨ aisɨn kam dɨpamɨn oto. Ezɨ an amɨnim amadazɨ a dɨpam givaima a ivemari.

Onger Akaba 104:7

Nɨ gɨn ongarim pamten a mɨkemezɨ an arav ghu. Nɨn tiarim ararimɨn mɨn dagarvazima, ongarim a baragha a foregha ghugha gɨfa.

Onger Akaba 78:26

God uan gavgavimɨn, aruem anadi naghɨn ko sautɨn amadaghan izir amɨnim amadazɨ a ivai.

Onger Akaba 68:33

Overiar kam fomɨra iti, ezɨ God a gaperagha zui. Ia orakigh. God bar pamtemɨn dei.

Onger Akaba 46:6

Kantrin avɨribar gumazamiziba dɨgavir kuram damigh uarira uariv sogham. Eghtɨ atriviba uan gumazamiziba ko bar iregham. Eghtɨ Godɨn tiarim ararimɨn mɨn dagaraghtɨ, nguazim puram ameregh magɨram.

Jopɨn Akɨnafarim 40:9

Nɨn gavgavim ko nan gavgavim ti magh ghu? Kɨ pamtem mɨgɨa araribar mɨn dagarvasi. Ezɨ nɨ ti uaghan nan mɨn damuam?

Jopɨn Akɨnafarim 38:22

“Jop, nɨ ti ghua ais ko aisɨn amozim itir danganimɨn ganiz o?

Jopɨn Akɨnafarim 37:13

God kamaghsua amozim amadi, dughiar maba a gumazamizibar arazir kuraba akɨrasa, egha dughiar maba, a men apangkuva arazir aghuim me damuasa.

Ua Me Ini 14:21

Moses uan agharim ghufegha, ongarim gisɨn anemada. Ezɨ dɨmagarimɨn Ikiavɨra Itir God, amɨnir gavgavim gamizɨ, an aruem anadi naghɨn oto. Egha dɨmagarir kamɨn amɨnim ongarim gɨva ghuavti amɨnim tira. Ezɨ ongarim tongɨra biaghirɨgha, akuar pumuningɨn irɨgha nguazir dakɨrtɨzimɨn oto.

Ua Me Ini 10:19

Ezɨ Ikiavɨra Itir God amɨnim giragha a gamizɨ, aruem ghuaghiri naghɨn amɨnir gavgavim otogha, odezibagh ivaragha Ongarir Aghevimɨn amadaghan ghu. Ezɨ odezitam ua Isipɨn itir puvatɨ.

Ua Me Ini 10:13

Egha Moses uan asadivir aghorim ghufegha Isipɨn kantri gisɨn anemada. Ezɨ Ikiavɨra Itir God amɨnim gamizɨma, an aruem anadi naghɨn ikegha iza, nguazim gisɨn vavɨra ikia ghua aruem ko dɨmagarim, ghua gɨfa. Ezɨ amɨnim tirazɨma, me garima, odeziba otivigha gɨfa.

Jenesis 8:1

Ezɨ dughiar kamɨn God Noa ko asɨzir a ko kurimɨn itiba gɨn amadazir puvatɨ, a me gɨnɨghnɨghavɨra ikiava amɨnim amadazɨ a dɨpam gisɨn ivaima dɨpam sɨvagha uaghiri.