Jeremaia 51:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ia Babilonɨn apaniba, ia mɨdorozim bagh mangɨsɨ uan afuziba amɨnɨva, oraba ini. Ikiavɨra Itir God ghaze, Babilonia an Dɨpenim gasɨghasɨki, ezɨ a ivezir kuramɨn me ikarvaghasa. Egh a Midian atrivibar nɨghnɨziba feghtɨ, me Babilonia mɨsogham. A tuavir kamra, bar Babilon gasɨghasigham.

Jeremaia 51:11 ပူးပေါင်းရင်းမြစ်များ

Jeremaia 46:4

Ia hoziabar kɨr. Eghtɨ ia mɨdorozir gumazir hoziabagh apiaghira mɨsoziba, ia uan hoziabar apiagh. Ia uan mɨdorozir dapanir asuabar aghuigh, tuivigh mɨsoghsɨ gan ikɨ. Ia uan afuziba akɨrɨva, egh ia vaghvagh uan mɨdorozir korotiabar aghuigh.

Jeremaia 50:45

Ia deraghvɨra kuaribar arigh, bizir kɨ Babilonɨn kantri damuasa nɨghnɨziba baragh! Kɨ uaghan gumazamiziba ko boriba sara bar me batuegham, mati laion sipsipba, bar me mɨsuegha, dar kuaba amɨkɨrvagha zui. Ezɨ Babilonɨn kantri uabɨ, kɨ damuamin bizim bagh dɨgavir kuram damigham.

Jeremaia 50:9

Kɨ notɨn gumazamizir gavgavizir avɨriba feghɨva, Babilonɨn mɨsoghsɨ men aku izam. Me tuivigh uarir akuigh, egh Babilonia ko mɨsogh me dɨkabɨragham. Apanir kaba barir pibar asa bar fo, egha me asavamadir dughiamɨn, me nɨ gitaghan kogham. Kamaghɨn, ia Babilon atakigh.

Jeremaia 46:9

Ia nan hoziaba, ia ivemar mangɨ. Ia nan karisba, ia bar puvɨra ivemar. Ia nan mɨdorozir gumazir gavgaviba, ia Itiopia ko Libian kantrining, ia aningɨn mɨdorozir gumaziba, ia oraba suizir gumaziba, ia Lidian kantrin pibar asir gumaziba, ia bar moghɨra mangɨ mɨsogh.’

Sekaraia 14:12

Kantrin Jerusalem ko mɨsoziba, Ikiavɨra Itir God arɨmariar bar kuram me bagh anemangam. Arɨmariar kam kamakɨn, gumazamiziba angamɨra ikɨtɨ, men mɨkarziba ko damaziba ko mɨzeba bar kurightɨ, dar kuriba pura iram.

Sekaraia 14:2

Eghtɨ Ikiavɨra Itir God uabɨ kantrin igharazibar mɨdorozir gumaziba bar da inightɨ, me izɨ Jerusalem mɨsogham. Me Jerusalemia abɨnigh bizir dɨpenimɨn itiba bar ada inigham. Egh arazir otuaribar amizibar amuam. Egh gumazamizir kabar nar mam inigh mangɨtɨ, me kantrin igharazibar kalabusɨn ikiam. Eghtɨ men akuar mam Jerusalem ateghan kogham, me an ikɨvɨra ikiam.

Jeremaia 51:24

“Egha kɨ Ikiavɨra Itir God, kɨ mɨkeme, Babilonian arazir kurar me Saionɨn amiziba bar, kɨ ada ikarvagh ivezir kuram me danɨngam. Eghtɨ ia Israelia ko Judaba, ia bizir kɨ damuamin kabar ganam.

Jeremaia 51:12

Ia apaniba, ia nir avɨzir ababanim ghufeghtɨ, mɨdorozir gumaziba mɨghvɨra mɨsogh, Babilonɨn nguibar ekiamɨn dɨvazim akarika. Ia mɨdorozir gumaziba arightɨ, me nguibar ekiam bagh arav ikɨ, egh uan ingangarim deragh a damu. Ia mɨdorozir gumazibav kemeghtɨ me mangɨ mongegh, Babilonia mɨsoghsɨ damu ikɨ. Ikiavɨra Itir God, Babilonɨn gumazamizibagh asɨghasɨghasa mɨkemegha gɨfa, egha datɨrɨghɨn a bizir kam damuasa.

Jeremaia 50:25

Ikiavɨra Itir God Babilonɨn anɨngaghe, egha uan mɨdorozir biziba aven itir dɨpenimɨn tiar akam kuigha, mɨdorozir biziba inigha azenan ize. Ikiavɨra Itir Godɨn Gavgaviba Bar Itim, an Ekiam, a ingangarir ekiar mam ua iti, a Babilonɨn kantri damuasa.

Aisaia 46:11

Kɨ aruem anadi naghɨn itir gumazir mam izasa an diagha gɨfa, eghtɨ a isamɨn mɨn mɨghegh izɨ kɨ damuasa nɨghnɨzir bizibar amuam. Kɨ damuasa mɨkemezir bizir kaba, kɨ mɨkemezir moghɨra an adar amuam. Bizir kɨ damuasa mɨseveziba, kɨ dar amuam.

Aisaia 45:5

Kɨ uabɨra, kɨ Ikiavɨra Itir God, ezɨ ua godɨn igharazir tam itir puvatɨ. Kɨ uabɨra iti, ezɨ ua godba bar puvatɨ. Nɨ na gɨfozir puvatɨ, ezɨ kɨrara kɨ gavgavim nɨ ganɨdi.

Aisaia 45:1

Ikiavɨra Itir God, a Sairus atrivimɨn ikiasa anemɨsevegha gɨvagha, gavgavim a ganɨngi. Eghtɨ a kantrin igharazibav sogh, men atrivibar gavgaviba agɨvaghtɨ, me aghumsɨgham. Eghtɨ kɨ pura Sairus bagh men nguibabar dɨvazibar tiar akaba kutɨ, gumazitam ua da dukuman koghtɨ, Sairus aven mangɨ, uan apaniba dɨkabɨnam. Egha Ikiavɨra Itir God kamaghɨn Sairus mɨgɨa ghaze:

Aisaia 41:25

“Kɨ aruem anadi naghɨn itir gumazir mam amɨsefe. Gumazir kam ziar ekiam na ganɨdi. Ezɨ kɨ datɨrɨghɨn notɨn amadaghan a inigha izi. Ezɨ a mati, gumazir nguazir mɨnebar ingarim, a mɨnemɨn ingarasa nguazim dɨkabɨri moghɨn, an atriviba dɨkabɨra me abɨri.

Aisaia 21:5

Kɨ irebar kamɨn garima, gumazamiziba isar dafam damuasa biziba akɨri. Egha me inir dafaba nguazimɨn da ghuanizɨ gumaziba dagh apiagha dagheba ko dɨpaba api. Ezɨ gumazir mam zuamɨra iza kamaghɨn dei, “Ia gumazir aruaba, apaniba izegha gɨfa. Ia dɨkavigh uan mɨdorozir oraba asigh mɨsoghsɨ gan.”

Aisaia 21:2

Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Aisaia 10:26

Kɨ, Ikiavɨra Itir Godɨn Gavgaviba Bar Itim, kɨ me mɨsogham, mati kɨ fomɨra Midiania, Orepɨn Dagɨamɨn boroghɨn benim isa me fozorogha me mɨsoke. Egha mati, kɨ fomɨram Isipɨn kantrin, uan asadivir aghorim ghufegha ongarim gisɨn amadazɨ, apaniba ongarir torimɨn bar ikufi.

Esra 1:1

Sairus kantri Persian atrivimɨn itir dughiamɨn, an azenir faraghavɨra zuimɨn, Ikiavɨra Itir God, akam inigha izir gumazim Jeremaia mɨkemezir akam damightɨ, a guizɨn otivasa, Sairusɨn nɨghnɨzim fezɨ, an akar kam osirigha, a isa nguazir an ativagha gariba bagha bar da amangi. Eghtɨ akar kam nguazir an ativaziba bar dar mangɨtɨ, gumazir akar kam inigha zuiba, gumazamiziba bagh a dɨponam.

2 Eghaghaniba 36:22

Sairus kantri Persian atrivimɨn itir dughiamɨn, an azenir faraghavɨra zuimɨn, Ikiavɨra Itir God, akam inigha izir gumazim Jeremaia mɨkemezir akam damightɨ, a guizɨn otivasa, a Sairusɨn nɨghnɨzim fezɨ, an akar kam osirigha, a isa nguazir an ativagha gariba bagha bar da amangi. Eghtɨ akar kam nguazir an ativaziba bar dar mangɨtɨ, gumazir akar kam inigha zuiba, gumazamiziba bagh a dɨponam.

1 Eghaghaniba 5:26

Kamaghɨn amizɨ, Israelian God, Asirian Atrivim Pul, an ziar igharazim Tiklat Pileser, a me mɨsoghasa nɨghnɨzim a ganigha an nɨghnɨzim fe. Ezɨ Asiriaba izava Israelia mɨsogha me abɨra. Egha Asiriaba Rubenɨn anabam, ko Gatɨn anabam, ko Manasen anabar me tuirazimningɨn mamɨn adarazi inigha ghua, Halan nguazim ko Haborɨn Fanem ko Gosenɨn Fanemɨn boroghɨn itir nguazim, ko Haran Distrighɨn otogha me isava kalabuziabar mɨn me atɨ. Ezɨ me kagh ikia iza datɨrɨghɨn iti.

1 Atriviba 11:23

God gumazir igharazir mam uaghan a gamizɨma, a Solomonɨn apanimɨn oto. Gumazir kamɨn ziam Reson, a Eliadan otarim. Reson a kantri Soban Atrivim Hadateserɨn ingangarir gumazir mam. An Hadateser ategha arav ghu.

1 Atriviba 11:14

Egha Ikiavɨra Itir God, gumazir mam gamizɨma, a Solomonɨn apanimɨn oto. Gumazir kamɨn ziam Hadat, a Idomian atrivimɨn ikɨzimɨn gumazir mam.

Ofa Gami 26:25

Ia nan Akar Dɨkɨrɨzir Gavgavim abightɨ, kɨ apaniba amadaghtɨ me ia mɨsogham. Eghtɨ ia ti mangɨ nguibar ekiar dɨvazir gavgaviba itibar aven mangɨtɨ, kɨ arɨmariar kurar ekiaba ia bagh da amangɨtɨ, gumazamizir avɨrim arɨmɨghiregham. Eghtɨ ia ikuvamin dughiamɨn, kɨ ia isɨ apanibar dafarim darɨgham.

Jeremaia 25:25

Egha ghua Simrin atriviba ko, Elamɨn kantrin atriviba ko, Midian kantrin atriviba ko,

Jeremaia 46:3

“Ia Isipia, ia oraba inigh, mangɨ mɨsoghsɨ uari arɨgh gan ikɨ.

Jeremaia 50:3

Gumazamiziba not ategh izɨ Babilonia mɨsogham. Egh apanir kaba bar Babilonɨn nguibam gasɨghasigham, eghtɨ a pura danganir kɨnimɨn otogham, eghtɨ gumazamiziba an ikian kogham. Gumazamiziba ko asɨziba bar anetegh aregham.

Jeremaia 51:36

Ezɨ Ikiavɨra Itir God kamaghɨn mɨgei: “Jerusalem, nɨ oragh! Bar guizbangɨra, kɨ nɨn akuragh Babilonia nɨ gamizir osɨmtɨzim ikaragham. Kɨ Babilonian faneba ko dɨpavsɨziba bar dar amightɨ, da dakegham.

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.

Joel 3:9

Egha God akar kam Kantrin Igharazibar Gumazamizibar tongɨn mangɨ a mɨkɨmasa Joel mɨkeme, “Ia God ko mɨdorozim damusɨ biziba akɨr ikɨ, egh mɨdorozir gumaziba bar men diaghtɨ, me izɨ uari akuvagh, egh mɨsoghsɨ mangam.

Joel 3:10

Ia uan nguazibagh tuir ainbav soghtɨ, da mɨdorozir sababar mɨn otifigh. Egh uan sabar ikɨzɨrɨzir azenibar ingaribav soghtɨ, da afuzibar mɨn otifigh. Eghtɨ gumazir gavgaviba puvatɨziba, uaghan mɨdorozir gumazibar otivam.