Jeremaia 51:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ikiavɨra Itir God kamaghɨn mɨkeme: “Kɨ tarazir nɨghnɨziba feghtɨ me bizir avɨribagh asɨghasɨgham, egh me mati amɨnir gavgavimɨn mɨn izɨ, Babilonɨn kantri ko an itir gumazamiziba sara mɨsogham.

Jeremaia 51:1 ပူးပေါင်းရင်းမြစ်များ

Amos 3:6

Eghtɨ mɨdorozim nguibatamɨn aven otivsɨ, gumazamiziba fofoghsɨ me sɨgham giviam. Ezɨ ia manmaghɨn nɨghnɨsi, gumazamiziba atiatingam, o? Ezɨ kamaghɨra, nguibar ekiatam asɨghasɨzim a batogham. Ezɨ ia manmaghɨn nɨghnɨsi, Ikiavɨra Itir God ti asɨghasɨzir kam amadaz, o?

Hosea 13:15

“Efraimia bar avɨrasemegha Israelian anabar igharazibagh afira. Ezɨ kɨ aruem anadi naghɨn amɨnir fefem amadagham, eghtɨ a men mozir dɨpabar amutɨ da dakegham. Egh men bizir aghuiba bar da inigh mangɨgham.

Aposel 9:4

Ezɨ a nguazim girɨgha orazima, tiarir mam kamaghɨn a mɨgei, “Sol, Sol, nɨ tizim bagha na gasɨghasɨsi?”

Sekaraia 2:8

Ikiavɨra Itir Godɨn Gavgaviba Bar Itim, uan ziar ekiam bangɨn gavgavim na ganɨga, kantrin pazavɨra an gumazamizibagh amiba, a me mɨkɨmasa na amadagha ghaze, “Tina paza me gami, a paza nan bizir bar pɨn kozim gami.

Esekiel 19:12

Ezɨ gumazir an anɨngagheziba biba saram anesigha a isa nguazim mɨkɨni. Ezɨ amɨnir bar puvɨra ivaim aruem anadi naghɨn ikegha iza an ovɨzibagh ivarazi, da kuaraghɨregha mɨsɨngi. Ezɨ an agharir gavgavim mɨsɨngizɨ, me a gaborozɨ a isi.

Jeremaia 50:33

Ikiavɨra Itir Godɨn Gavgaviba Bar Itim, a kamaghɨn mɨkeme: “Apaniba faragha Israelia ko Judaba bar me abɨra. Egha apaniba me isa kalabus gatɨ, egh me ateghtɨ me mangan me aghua.”

Jeremaia 50:29

Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.

Jeremaia 50:24

Ikiavɨra Itir God kamaghɨn mɨkeme: “Babilon, kɨ nɨn suighasa azuazir mam atɨ, ezɨ nɨ a gɨfozir puvatɨ, a managh iti. Kɨ Ikiavɨra Itir God, nɨ nan apanim gami, kamaghɨn amizɨ, azuazir kam nɨn suiragham.”

Jeremaia 50:21

Ikiavɨra Itir God kamaghɨn Babilonian apanibav gei: “Ia mangɨ Babilonia mɨsogh. Ia Merataimɨn nguazimɨn gumazamiziba ko, Pekotɨn nguazimɨn itir adarazi ko mɨsogh. Egh puv me mɨsuegh men bizibagh asɨghasɨgh. Ia nan akaba bar adar gɨn mangɨ.

Jeremaia 50:9

Kɨ notɨn gumazamizir gavgavizir avɨriba feghɨva, Babilonɨn mɨsoghsɨ men aku izam. Me tuivigh uarir akuigh, egh Babilonia ko mɨsogh me dɨkabɨragham. Apanir kaba barir pibar asa bar fo, egha me asavamadir dughiamɨn, me nɨ gitaghan kogham. Kamaghɨn, ia Babilon atakigh.

Jeremaia 49:36

Kɨ nguazir kamɨn danganiba bar apanibar afeghtɨ, me tintinibar izɨ Elamia mɨsogham, mati amɨnir gavgaviba iza me gasɨghasɨki. Ezɨ kɨ me batueghtɨ, me tintinibar danganiba bar dar mangɨ, eghtɨ Elamɨn gumazamiziba tintinibar kantriba vaghvagh dar ikiam.

2 Atriviba 19:7

Ia oragh. Kɨ uan Duamɨn gavgavimɨn, Asirian atrivim damightɨ an okam nɨghnɨgham. A mɨgɨrɨgɨar kɨnim baregh pura uamategh arɨ uan kantrin mangɨgham. An Asirian kantrin ikɨvɨra ikɨtɨ, kɨ gumazitabar amightɨ, me a mɨsueghtɨ an aremegham.’ ”

Onger Akaba 137:8

O Babilonia, ia orakigh. Ia bar ikuvigham! Ian arazir kurar ia e gamizir kam, gumazir uam a ikarvaghamim, a bar akongegh.

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Aisaia 13:13

Dughiar kamɨn, kɨ Ikiavɨra Itir Godɨn Gavgaviba Bar Itim, uan anɨngagharir bar dafam sara izam. Egh kɨ overiam ko nguazim damightɨ, aning nɨgham, eghtɨ nguazim isɨvagh uan danganim ategham.”

Aisaia 14:14

Kɨ ghuariabagh isɨn bar pɨn mar ghuanabogh, Godɨn Bar Pɨn Itimɨn mɨn ikiam.’

Aisaia 21:1

Ikiavɨra Itir God, Babilon ikuvighamin akar kam anɨngi, an ongarimɨn boroghɨn gumazamiziba puvatɨzir danganimɨn iti. Ia oragh, osɨmtɨzir bar dafam ko, bizibagh asɨghasɨzir arazim me batogham. Apaniba izɨ mati, amɨnir bar gavgavim, Negevɨn danganim, a sautɨn amadaghan itir gumazamiziba puvatɨzir danganimɨn ikegha, pamtem ivegha iza bɨzimɨn mɨn nguazim avigha izi. Gumazamiziba puvatɨzir danganir kam, gumazamizibagh amima me bar atiati.

Aisaia 47:1

Ikiavɨra Itir God kamaghɨn Babilonian nguibar ekiam mɨgei, “O Babilon, nɨ fomɨra mati atrivir amizim uan atrivir dabirabim gaperaghav iti moghɨn, ziar ekiam iti. Nɨ nguibar bar aghuimɨn mɨn itima, kantrin igharazitamɨn mɨdorozir gumaziba nɨ dɨkabɨrazir puvatɨ, kamaghɨn amizɨ, nɨ mati amizir bar igiar patamɨn itir puvatɨzim mɨn, bar deravɨra iti. Ezɨ datɨrɨghɨn puvatɨ. Nɨn gavgavim gɨvaghtɨ, nɨ uan atrivir dabirabim ategh nguazir kɨnim dapiam. Nɨn mɨkarzim fomɨra deragha iti moghɨn, ua ikian kogham. Egh gumaziba ua nɨn gantɨ, nɨ deragh kurkegh daruan kogham. Bar puvatɨ.

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jeremaia 51:60

Jeremaia bizir kurar bar Babilonɨn otivamiba bagha akam akɨnafarimɨn an osiri, kar akar Ikiavɨra Itir God a ganɨngiziba.