Jeremaia 50:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir God kamaghɨn mɨkeme: “Bizir kaba otivamin dughiamɨn, Israelian gumazamiziba ko Judaba uari akuvagh ua uan nguazimɨn izam. Me izɨva navibagh iragh aziva, uamategh na baghvɨra izam. Kɨ Ikiavɨra Itir God, men God.

Jeremaia 50:4 ပူးပေါင်းရင်းမြစ်များ

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Hosea 1:11

Eghtɨ ikɨzir kamning, Juda ko Israel ua uaning akuvagh, kantrin vamɨran otogham. Me gumazir men faragh mangamin vamɨra amɨseveghtɨ, men kantri, ua kantrin bar gavgavimɨn otogham, eghtɨ me damuamin biziba, da bar deravɨram otivam. Me mati God ingarizir azenimɨn mɨn otogham, mati Jesrilɨn azenir aghuim. Bar guizbangɨra, God ingangarir kam damuamin dughiam, a bar dughiar ekiam.

Jeremaia 31:31

Egha Ikiavɨra Itir God mɨgɨa ghua kamaghɨn mɨgɨa ghaze, “Dughiam a izɨtɨ, kɨ Israelia ko Judaba, me ko Akar Dɨkɨrɨzir Gavgavir Igiam damuam.

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

Joel 2:12

Egha Ikiavɨra Itir God kamaghɨn mɨgei, “Guizbangɨra, bizir kurar kaba bar otivam, eghtɨ ia datɨrɨghɨra uan navibagh iragh ua na bagh izɨ. Egh dagheba ategh uan navir averiaba sara azi ua na bagh izɨ.

Esekiel 39:25

“Kɨ Ikiavɨra Itir Godɨn Ekiam, kɨ kamaghɨn mɨgei: Jekopɨn ovavir borir kantrin igharazibar kalabuziabar mɨn itiba, kɨ datɨrɨghɨn men apangkuvigh ua me inigh, men ikɨzim damightɨ me ua deragham. Egh kɨ uan ziar zuruzim deragh an gantɨ, gumazitam anebɨraghan kogham.

Jeremaia 33:15

Kɨ dughiar kamɨn, Devitɨn adarazir aven gumazir bar aghuitam a damightɨ an otogham, mati Temer Ghuzir Igiam temer aguamɨn otogham. Gumazir kam atrivimɨn ikɨ arazir aghuimɨn gɨn mangɨ, guizɨn arazimɨn nguazir kamɨn itir gumazamizibagh ativagh men ganam.

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Aisaia 55:6

“Ikiavɨra Itir God bar ian boroghɨra ikia ia mɨzua iti. Kamaghɨn, ia datɨrɨghɨn a buri izɨ an dɨmɨva, a baghvɨra ikɨ.

Aisaia 45:19

Kɨ saghon ghugha mɨtatemɨn modogha uan akam akurir puvatɨ. Kɨ uan gumazamiziba, Jekopɨn ovavir boriba, kɨ kamaghɨn me mɨkemezir puvatɨ, ‘Ia pura mangɨ gumazamiziba puvatɨzir danganibar na buri.’ Kamaghɨn puvatɨ. Kɨ Ikiavɨra Itir God, kɨ guizɨn akam akuri, ezɨ nan akaba da guizbangɨra zui.”

Aisaia 14:1

Eghtɨ Ikiavɨra Itir God uamategh Jekopɨn ovavir boribar apangkuvigham. A ua bagh Israelia mɨsevegham. Egh a men aku uamategh men nguazimra mangam. Eghtɨ Kantrin Igharazibar Gumazamiziba izɨ me ko ikɨ, men gumazamizibagh avagham.

Onger Akaba 105:4

E zurara Ikiavɨra Itir Godɨn boroghɨra mangɨ uarir akurvaghsɨ an gavgavim bagh an azangsɨgham.

Jems 4:9

Ia naviba bar osemegh egh pamtem arangɨva aziam. Ia gumazamizir datɨrɨghɨn atiba, ia uan akazim ategh, egh ia arang. Ia gumazamizir bar akongeziba, ia uan agoroger kam ategh, naviba bar osemegh azi ikɨ.

Jeremaia 41:6

Dughiar kam, Netanian otarim Ismael men gari, me izima, a Mispa ategha, me gifara aziava me bagha tuavimɨn zui. A ghaze, an azirakam ti gumazibar amutɨ, me suam, a me ko apangkuvir kam iti. Egha a ghua me batogha kamaghɨn me mɨgei, “Ia izɨ, Ahikamɨn otarim Gedalia, ia an ganasa ai ifonge.”

Esekiel 16:61

Nɨn avenemebam ko nɨn afumim gɨn ua nɨ bagh izeghtɨ, kɨ aning ateghtɨ, aning nɨn guivimningɨn mɨn ikiam. Arazir kam, a nan Akar Dɨkɨrɨzir Gavgavir kɨ nɨ ko amizimɨn aven itir puvatɨ. Kɨ uan ifongiamɨn gɨn mangɨ a damuam. Eghtɨ dughiar kamɨn, nɨ amizir arazir kuraba, nɨ dagh nɨghnɨgh aghumsɨgham.

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Hosea 11:10

“Kɨ uan gumazamizibar apaniba atiatim me danɨngɨsɨ, pamtemɨn dɨmam, mati laion tiarim akara dazeri. Eghtɨ nan gumazamiziba atiating akongɨva, aruem ghuaghirir danganim ategh zuamɨra izɨ nan gɨn mangam.