Jeremaia 50:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁴ Ezɨ men Akurvazir Gumazim, a gavgavir ekiam iti, ezɨ an ziam kara, Ikiavɨra Itir Godɨn Gavgaviba Bar Itim. A men akuragh men apaniba abɨragham. Egh a dabirabir aghuim isɨ nguazir kamɨn gumazamiziba bar me danɨngam. Eghtɨ Babilonia puvatɨgham. A me damightɨ me pazɨvɨra ikiam.

Jeremaia 50:34 ပူးပေါင်းရင်းမြစ်များ

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.

Jeremaia 51:36

Ezɨ Ikiavɨra Itir God kamaghɨn mɨgei: “Jerusalem, nɨ oragh! Bar guizbangɨra, kɨ nɨn akuragh Babilonia nɨ gamizir osɨmtɨzim ikaragham. Kɨ Babilonian faneba ko dɨpavsɨziba bar dar amightɨ, da dakegham.

Jeremaia 15:21

Kɨ gumazir arazir kurabagh amiba ko apangkuviba puvatɨzir gumaziba, men agharim da ua nɨ inightɨ, me ua nɨ gasɨghasighan kogham.”

Aisaia 47:4

Israelian Godɨn Bar Zuezim, a en Akurvazir Gumazim. An ziam, Ikiavɨra Itir Godɨn Gavgaviba Bar Itim.

Aisaia 41:14

Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.

Maika 7:9

E datɨrɨghɨn Ikiavɨra Itir Godɨn damazimɨn arazir kuram gami. Eghtɨ Ikiavɨra Itir God bar dughiar otevimra uan anɨngagharim akagh, e gasɨghasɨgham. Egh a gɨn ua en akuragh guizɨn arazimɨn gɨn mangɨva, pazavɨra e gamir darazir arazir kuraba ikarvagham. Egh a mɨtatemɨn e inigh angazangarimɨn e atɨghtɨ, e angamɨra ikɨ an gantɨ, an en apanibar dafaribar uam e iniam.

Aisaia 43:14

Ikiavɨra Itir God, a Israelian Godɨn Bar Zuezim, ian Akurvazir Gumazim, a ghaze, “Kɨ ian akurvaghsɨ mɨdorozir gumaziba amadaghtɨ, me izɨ Babilonia ko mɨsogham. Eghtɨ Babilonia arɨ mangɨ, uan kurir me bar akongezibar mavanegh, uan nguibam ategh bar arɨ mangegham.

Onger Akaba 43:1

O God, gumazamizir akɨrim ragha nɨ gasiba na abɨnasa. Nɨ nan akuragh gavgavim isɨ nan akabar anɨng, egh na bagh mɨkɨmtɨ me kamaghɨn fogham, kɨ arazir kuratam gamizir puvatɨ. Nɨ gumazir ifara arazir kurabagh amibar dafaribar nan akuragh ua na inigh.

Onger Akaba 35:1

O Ikiavɨra Itir God, gumazir nan atara na ko mɨsoziba, nɨ men atar me ko mɨsogh.

Maika 4:10

Ia Jerusalemia, ia dɨmɨva arang, mati amizim borim batasa mɨzazim baragha, uabɨ gɨghavkɨravɨra iti. Ia datɨrɨghɨn nguibam ategh graziba itir danganimɨn mangɨ. Eghtɨ me ia inigh Babilonɨn mangam. Eghtɨ gɨn Ikiavɨra Itir God, ian apaniba da ua ia inigham.

Aisaia 51:22

Ezɨ Ikiavɨra Itir God, nɨn God, a nɨn Ekiam, a gumazir kotɨn aven nɨn akurvazima nɨ uan apaniba dɨkabɨrim, a kamaghɨn mɨgei, “Nɨ ganigh! Nan anɨngagharimɨn aven itir itarir nɨn agharimɨn itir kam, kɨ anedangi, kar itarir nɨ an apava onganigha pura tintinibar ingarizim. Eghtɨ nɨ gɨn ua kavɨn kamɨn wainɨn dɨpam aman kogham.

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Aghuzir Akaba 23:11

Ezɨ Ikiavɨra Itir God uabɨ mati borir kabar anabar gumazimɨn mɨn, men akurvaghamin ingangarim iti. Egh a kotiabar aven men akurvaghsɨ bar gavgavigh ikiam.

Aghuzir Akaba 22:23

Guizbangɨra, Ikiavɨra Itir God me bagh ganɨva egh men akurvagham. Eghtɨ gumazitam pazɨ gumazir onganarazibagh amiba me damightɨ, Ikiavɨra Itir God pazɨ gumazir kam damigham.

Akar Mogomem 18:8

Amizir kam Babilon, uan ziar gavgavim fe, kamaghɨn amizɨ, dughiar bar otevir vamɨran, bizir bar kuraba bar a bativam. Bizir kaba, arɨmariar ekiaba ko osɨmtɨzir ekiaba a bativtɨ an azitɨma, mɨtiriar ekiaba an agham. Eghtɨ avim an isigham. Ekiam God an araziba tuisɨgha gɨvagha ghaze, ‘A ikuvigham.’ Godɨn kam gavgavir ekiam iti. Kamagh amizɨ, bizir kurar avɨriba dughiar vamɨra bar moghɨram a bativam.”

Jeremaia 51:19

Ezɨ Ikiavɨra Itir God, a Jekopɨn ovavir boribar God, a uabɨ biziba bar dar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Ua Me Ini 6:6

“Nɨ nan akam isɨ Israelia me danɨng, ‘Kɨ uabɨ, kɨ Ikiavɨra Itir God. Kɨ Isipian dafarim da ia iniva osɨmtɨzir me ia garɨziba da ia inigh, egh ia damightɨ ia fɨrighɨregham. Egh kɨ uan gavgavimɨn ivezir kuram me danɨng, egh ian akuragh ua ia iniam.

Jopɨn Akɨnafarim 19:25

Kɨ fo, nan Akurvazir Gumazim, Godɨn Nguibamɨn iti, egh a gɨn nguazir kamɨn izɨ kotɨn aven tugh nan akurvagh na bagh mɨkɨmam.

Aisaia 49:25

Ezɨ Ikiavɨra Itir God kamaghɨn Jerusalem mɨgei, “Kɨ guizbangɨra nɨn adarazi ko nɨn bizir aghuiba, apanir gavgaviba ko atrivir kuraba dam ada iniam. Nɨ mɨsozir gumaziba, kɨ nɨ bagh men mɨdoroziba ikarvagham, egh nɨn boribar akuragh ua me inigham.

Jeremaia 31:11

Kɨ Ikiavɨra Itir God, kɨ apanir gavgavibar agharimɨn, ua Jekopɨn gumazamiziba, inigham.

Jeremaia 31:35

Ikiavɨra Itir God angazangarim anɨngasa aruemɨn ingari, egha a iakɨnim ko mɨkoveziba dɨmagaribar angazangarim anɨngasa dar ingarigha, dar danganibar da arɨki. Egha an ongarim fezɨ, ongarir ekiaba dɨkava pamtemɨn dɨpɨraghira tɨngazi. An ziam kamakɨn, Ikiavɨra Itir Godɨn Gavgaviba Bar Itim. A kamaghɨn mɨkeme:

Jeremaia 32:18

Nɨ zurara tausenɨn gumazamizir avɨribar apangkufi. Eghtɨ gumazitam arazir kuratam damigham, nɨ ivezir kuram a danɨngɨva, uaghan an boriba ko an arazir kuraba ikarvagham. God nɨ bar gavgafi, ezɨ nɨn gavgavim bar en gavgavim gafira. Ezɨ nɨn ziam kamakɨn: Ikiavɨra Itir Godɨn Gavgaviba Bar itim.

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Jeremaia 10:16

Ezɨ Ikiavɨra Itir God, a Jekopɨn ovavir boribar God, a uabɨ biziba bar adar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Jeremaia 30:20

Israelia fomɨra gavgavizɨ moghɨn ikiam. Eghtɨ kɨ men akuraghtɨ me deraghvɨra uan nguazim dapiagham. Eghtɨ gumazir pazɨ me damuamiba, kɨ puv me damigham.

Jeremaia 48:15

“Atrivir kam, an ziam, Ikiavɨra Itir Godɨn Gavgaviba Bar itim, a kamaghɨn mɨgei: Apaniba izɨ Moap gasɨghasɨgh, an nguibaba iniam. Me Moapian gumazir igiar diribav soghɨrarɨgham.