Jeremaia 50:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Kɨ Ikiavɨra Itir God, kɨ guizbangɨra mɨgei, Dughiar kamɨn ia apaniba, Babilonian gumazir igiabav soghɨrarɨgham, eghtɨ me danganir uari akuvibar tintinibar irɨv ikiam. Egh ia Babilonɨn mɨdorozir gumazibav soghtɨ me arɨghiram.

Jeremaia 50:30 ပူးပေါင်းရင်းမြစ်များ

Jeremaia 49:26

Kɨ Ikiavɨra Itir Godɨn Gavgaviba Bar Itim, kɨ guizbangɨra mɨgei: Dughiar kamɨn apaniba Damaskusɨn gumazir igiabav sueghtɨ, me arɨghirɨva, tintinibar uari akuvir danganibar irɨv ikiam. Eghtɨ apaniba bar moghɨra Damaskusɨn mɨdorozir gumazibav sueghtɨ, me arɨghiregham.

Jeremaia 18:21

Ezɨ datɨrɨkɨn, nɨ men boribar amutɨ, me dagheba puvatɨgh arɨghiregham. Egh apaniba ateghtɨ, me izɨ gumazitabav sueghtɨ me arɨghiregh. Eghtɨ gumazitaba arɨmariar kurataba ini arɨghirɨ. Eghtɨ gumazir igiaba mɨdorozimɨn arɨghirɨ. Kamaghɨn, men amuiba boriba ko paba puvatɨgham.

Jeremaia 9:21

“Ovevem e batogha gɨfa. A en dɨpenir gavgaviba ko danganir mogomoebar aven izegha gɨfa. Boriba ikarara tuavibar itima ovevem me batifi. Egha uari akuvir danganibar gumazir igiaba batifi.”

Akar Mogomem 19:18

Ia atrivibar kuabar tuziba ko, mɨdorozir gumazibar faragha zuir gumaziba ko mɨdorozir gumaziba ko, hoziabar kuabar tuziba ko dagh apiazir gumazibar kuabar tuzibar amam. Egh ia gumazamiziba bar men kuabar tuzibar amam, pura ingangarir gumazamizir kɨniba ko gumazamizir fɨriaghɨreziba, ko pura gumazamiziba ko gumazamizir ziaba itiba!”

Akar Mogomem 6:15

Ezɨ nguazimɨn atriviba ko gumazamizir ziaba itiba ko mɨdorozir gumazir dapaniba ko dagɨaba itir gumazamiziba ko gumazamizir gavgaviba ko pura ingangarir gumazamizir kɨniba ko gumazamizir fɨriaghɨreziba, me bar moghɨra ghua marazi dagɨar toribar aven mongezɨ marazi mɨghsɨabar itir dagɨar ekiabar gɨrakɨrangɨn monge.

Jeremaia 50:36

Babilonɨn akam inigha izir gumazir ifavariba ikuvigh, gumazir onganibar mɨn otivigham. Babilonɨn mɨdorozir gumaziba ikuvigham, egh me bar atiatigham.

Jeremaia 48:15

“Atrivir kam, an ziam, Ikiavɨra Itir Godɨn Gavgaviba Bar itim, a kamaghɨn mɨgei: Apaniba izɨ Moap gasɨghasɨgh, an nguibaba iniam. Me Moapian gumazir igiar diribav soghɨrarɨgham.