Jeremaia 50:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Ia apanir saghon danganiba bar adar itiba, ia bar izɨ Babilonia mɨsogh. Ia dagheba arɨzir dɨpeniba bar adagh asɨghasɨkigh. Egh Babilonɨn biziba bar ada inigh, tintinibar dar pozibav kɨnigh, mati gumaziba raiziaba aghora dar pozibav kɨni. Ia bizitam ko gumazitam ateghtɨ a ikian markɨ.

Jeremaia 50:26 ပူးပေါင်းရင်းမြစ်များ

Aisaia 14:23

Kɨ mati amizim uan bɨzimɨn mɨneziba avi moghɨn, kɨ uan bɨzim isɨ Babilon bar anevigh anegɨvagham. Kɨ Babilon damightɨ, mughuriar kuram itir beghneazim bar anevaragham. Eghtɨ asɨzir atiaba an ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Jeremaia 50:10

Eghtɨ me Babilonɨn bizir aghuiba iniam. Gumazir vaghvaziba bizir avɨriba iniva, egh uan ifongiaba agɨvagham. Kɨ Ikiavɨra Itir God, kɨ mɨkemegha gɨfa.”

Aisaia 45:3

Kɨ dagɨaba ko bizir aghuir nguibar kamɨn gumazamiziba danganir mogomebar atɨziba, inigh nɨ danɨngam. Eghtɨ nɨ kamaghɨn fogham, kɨ Ikiavɨra Itir God, Israelian God, kɨ uabɨ nɨn ziam dɨborogha, ua bagha nɨn dia.

Akar Mogomem 19:15

Ezɨ mɨdorozir sabar ghumtɨzir mam gumazir men faragha zuir kamɨn akamɨn ikegha, azenan izi. A mɨdorozir sabar kamɨn nguibar igharazibav sogh me abɨnam. Egh a gavgavim itir ainɨn aghorimɨn suiragh egh gumazamizibagh ativamin gavgavim ikiam. Egh a, dagɨar mɨner bar ekiamɨn aven me wainɨn ovɨziba mɨrmɨri moghɨn, Godɨn Gavgaviba Bar Itimɨn anɨngagharir arazir ekiam akagham.

Akar Mogomem 14:19

Ezɨ enselɨn kam uan sabam inigha nguazimɨn a ighengezɨma, nguazimɨn wainɨn ovɨziba bar kuaraghire. Ezɨ a da isa dar pozim mɨkɨri, egha da isa dagɨar mɨner bar ekiamɨn da akuni. Eghtɨ me da mɨrmɨram. Wainɨn ovɨziba mɨrmɨramin mɨner ekiar kam, a God gumazamizibar anɨngaghamin arazim aka.

Maika 7:10

Apaniba faragha kamaghɨn e mɨgɨa ghaze, “Ikiavɨra Itir God, ian God managh iti?” Egh me gɨn gantɨ Ikiavɨra Itir God en akuraghtɨ, me bar aghumsigham. E gantɨ Ikiavɨra Itir God me dɨkɨtɨ, mati gumazamiziba tuavimɨn beghneazim dɨti moghɨn, a me dɨkabɨnigham.

Jeremaia 51:64

Egh nɨ kamaghɨn Ikiavɨra Itir Godɨn akam akun, ‘Kɨ Ikiavɨra Itir God, kɨ bar Babilon gasɨghasigham. Babilon akɨnafarir kamɨn mɨn magɨram, egh uam otoghan kogham.’ ” Jeremaian akam iza kagh tu.

Jeremaia 51:44

Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Jeremaia 50:41

“Ia gan! Mɨdorozir gumaziba notɨn amadaghan ikegha izasava ami. Me bar gavgavigha atrivir avɨriba ikia, egha bar saghon ti. Egha me mɨsoghasa mɨdorozir biziba akɨra iti.

Jeremaia 50:23

Babilon mati haman mam, tintinibar nguazir kamɨn kantriba bar da mɨsaragharɨki. Ezɨ datɨrɨghɨn ia Babilonɨn apaniba, kantrin kam apɨrigh, a gasɨghasɨkigh, datɨrɨghɨn haman kam bar mɨsarighiregham. Eghtɨ Kantrin Igharazibar Gumazamiziba an ganigh, bar dɨgavir kuram damigh, bar moghɨram atiatigham.”

Jeremaia 50:15

Ia an dɨvazir gavgaviba ko an tauaba apɨrarightɨ da daighireghtɨ, a ua mɨsoghan iburagh, ia teghtɨ ia a inigh, dughiar kamɨn ia danganiba bar, adar dɨmɨva tiariba akar. Egh a faragha igharaz darazigh asɨghasɨghizɨ moghɨn, ia datɨrɨghɨn bar a gasɨghasɨkigh. Kɨ Ikiavɨra Itir God, kɨ ivezir kuram a danɨng, a gasɨghasɨghasava ami, kamaghɨn amizɨ, ia bar puv a damigh.

Jeremaia 50:13

Kɨ Ikiavɨra Itir God, kɨ puvɨra ian anɨngazi, kɨ ia damutɨ ian kantri bar moghɨra ikuvigham, eghtɨ gumazamiziba an ikian kogham. Ezɨ gumazir igharaziba danganir kamɨn mangamin dughiamɨn, me Babilonia ia bativizir bizir kurabar ganɨva, dɨbovir akabar ia damuva mɨsoribar anɨngɨva, dɨgavir kuram damigh bar atiatigham.”

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Aisaia 10:6

Nan gumazamizir kaba na ategha uamategha nguazir kamɨn bizibagh amua, na gamizɨ kɨ bar men anɨngaghe. Kamaghɨn amizɨ, kɨ Asiriaba amadaghtɨ, me mangɨ gumazamizir kɨ anɨngaghavɨra itir kabagh asɨghasɨgh, egh me dɨkɨtɨ me mati gumazim tuavir beghneazim dɨti moghɨn me magɨram. Egh me uan ifongiabar gɨn mangɨ men bizir aghuiba me dama da mɨkegh, da inigh uan kantrin mangam.

Aisaia 5:26

Egh Ikiavɨra Itir God kantrin bar saghon itimɨn mɨdorozir gumaziba bagh dɨmdɨar ababanitam damightɨ, me izɨ an gumazamizibagh asɨghasɨgham. Ia gan! Mɨdorozir gumazir kaba bar puvɨra ivemar akɨzɨrɨgh izam.

Matyu 6:26

Ia kuarazibar gari, da dagheba oparir puvatɨgha da pozibagh aghua da isa dagher dɨpenibar amadir puvatɨ. Ian Afeziar uan Nguibamɨn itim, dagheba dagh anɨdi. Ezɨ ian ikɨrɨmɨrim ti kuarazibar ikɨrɨmɨrim gafirazir puvatɨ?