Jeremaia 50:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Ikiavɨra Itir God Babilonɨn anɨngaghe, egha uan mɨdorozir biziba aven itir dɨpenimɨn tiar akam kuigha, mɨdorozir biziba inigha azenan ize. Ikiavɨra Itir Godɨn Gavgaviba Bar Itim, an Ekiam, a ingangarir ekiar mam ua iti, a Babilonɨn kantri damuasa.

Jeremaia 50:25 ပူးပေါင်းရင်းမြစ်များ

Jeremaia 51:55

Eghtɨ apanir avɨriba izɨ Babilonia mɨsogh, nɨgɨnir ekiam damuam, mati ongarimɨn nɨgɨnim. Ikiavɨra Itir God bar pazɨvɨra Babilon gasɨghasɨghasa, egha an akar arozim dukumasava ami.

Jeremaia 51:25

“Babilon, nɨ oragh. Nɨn gavgavim bar ekevegha mati mɨghsɨar ekiam, egha nguazir kamɨn danganiba bar adagh asɨghasɨki. Ezɨ bar guizbangɨra, kɨ Ikiavɨra Itir God, kɨ nɨn apanim gami, kɨ uan gavgavim itir dafarimningɨn nɨn suiragh, nɨ isɨ davarir konimɨn nɨ akunightɨ, nɨ poghpogh magɨrɨ nguazimɨn otoghtɨ, avim bar nɨ agɨvagham.

Jeremaia 50:15

Ia an dɨvazir gavgaviba ko an tauaba apɨrarightɨ da daighireghtɨ, a ua mɨsoghan iburagh, ia teghtɨ ia a inigh, dughiar kamɨn ia danganiba bar, adar dɨmɨva tiariba akar. Egh a faragha igharaz darazigh asɨghasɨghizɨ moghɨn, ia datɨrɨghɨn bar a gasɨghasɨkigh. Kɨ Ikiavɨra Itir God, kɨ ivezir kuram a danɨng, a gasɨghasɨghasava ami, kamaghɨn amizɨ, ia bar puv a damigh.

Akar Mogomem 18:8

Amizir kam Babilon, uan ziar gavgavim fe, kamaghɨn amizɨ, dughiar bar otevir vamɨran, bizir bar kuraba bar a bativam. Bizir kaba, arɨmariar ekiaba ko osɨmtɨzir ekiaba a bativtɨ an azitɨma, mɨtiriar ekiaba an agham. Eghtɨ avim an isigham. Ekiam God an araziba tuisɨgha gɨvagha ghaze, ‘A ikuvigham.’ Godɨn kam gavgavir ekiam iti. Kamagh amizɨ, bizir kurar avɨriba dughiar vamɨra bar moghɨram a bativam.”

Amos 3:6

Eghtɨ mɨdorozim nguibatamɨn aven otivsɨ, gumazamiziba fofoghsɨ me sɨgham giviam. Ezɨ ia manmaghɨn nɨghnɨsi, gumazamiziba atiatingam, o? Ezɨ kamaghɨra, nguibar ekiatam asɨghasɨzim a batogham. Ezɨ ia manmaghɨn nɨghnɨsi, Ikiavɨra Itir God ti asɨghasɨzir kam amadaz, o?

Jeremaia 51:20

Ikiavɨra Itir God kamaghɨn mɨgei: “Babilon, nɨ mati kɨ mɨsoghasa inizir bizir mam, nɨ nan ifanim mɨn iti. Kɨ nɨ inigha, kantrin avɨriba mɨsaragharɨgha, egha nguibar gavgavir avɨribagh asɨghasɨki.

Onger Akaba 45:5

Nɨn bariba bar ghumigha, apanibar dɨghoriba okorava aven zui. Nɨ Kantrin Igharazibar Gumazamizibav sogha me abɨrima, me nɨn suemningɨn apengan iti.

Onger Akaba 45:3

Nɨ atrivir bar gavgavim. Nɨ adiarir bar aghuim gamizɨ nɨn ziam bar pɨn mar iti. Nɨ uan mɨdorozir sabam inigh uan oghɨriam gikegh mɨsoghsɨ gan.

Aisaia 13:15

Eghtɨ gumazir manam, apaniba an suira, me uan mɨdorozir sababar a bɨraghtɨ, an aremegham.