Jeremaia 50:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Jeremaia 50:2 ပူးပေါင်းရင်းမြစ်များ

Aisaia 46:1

Ikiavɨra Itir God kamaghɨn mɨgei, “Ia Babilonia, ian aser kamning, Bel ko Nebo, ia aningɨn ziamning fava, egha aningɨn marvir guamning atera, aningɨn ziamning famin dughiar ekiabagh arui. Eghtɨ aningɨn ziar ekiamning gɨvaghtɨ, ia aningɨn gantɨ, aning uaningɨn akurvaghamin gavgaviba puvatɨgham. Egh apaniba izɨ Babilonɨn nguibar ekiam gasɨghasɨghtɨ, ia donkibar aning ikegham. Eghtɨ donkiba, mevzika, da ingangarir dafam damu, aning ater mangɨ ia ko kantrin igharazimɨn kalabusɨn ikiam.

Aisaia 21:9

Egha kɨ datɨrɨghɨn gumazibar garima, gumazim karis gaperazɨ hoziar pumuning a gekuigha izi, ezɨ maba kamaghɨra aning tɨva izi.” Egha gumazir kam ua kamaghɨn mɨgei: “Babilon ikuvigha gɨfa, a ikuvigha gɨfa. Ezɨ men asebar marvir guaba nguazim giregha bar mɨsaraghire.”

Jeremaia 51:47

Kɨ dughiar mam amɨsefe, egh dughiar kamɨn, kɨ Babilonɨn nguibamɨn asebar marvir guabagh asɨghasigham. Eghtɨ Babilonɨn nguibam bar aghumsigham. Eghtɨ apaniba izɨ Babilonɨn gumazir avɨribav soghɨrarightɨ, men kuaba tintinibar Babilonɨn nguazim giregh ikiam.

Jeremaia 51:44

Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Akar Mogomem 18:2

A pamten diagha kamaghɨn mɨgei: “Babilonɨn nguibar ekiam ikuvigha gɨfa! A bar ikufi! Ezɨ datɨrɨghɨn duar kuraba ko adariar mɨzɨrɨzir kuraba ko kuarazir mɨzɨrɨziba ko kuarazir kuraba, darara an iti.

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Jeremaia 52:31

Judan Atrivim Jehoiakin, Babilonɨn 37plan azenibar kalabusɨn itima, Evil Merodak, Babilonɨn atrivimɨn oto. Egha azenir kamɨn aven an namba 12ɨn iakɨnim otogha ghua, namba 25ɨn aruemɨn otozɨ, Evil Merodak Jehoiakinɨn apangkuvigha, kalabusɨn anegɨfa.

Jeremaia 51:52

Ikiavɨra Itir God kamaghɨn mɨkeme: “Kɨ dughiar mam amɨsefe, ezɨ dughiar kamɨn, kɨ Babilonian kantrin asebar marvir guabagh asɨghasigham. Egh Babilonɨn danganiba bar, gumazir avɨriba mɨdorozimɨn mɨzaziba iniva, puram arangam.

Jeremaia 51:31

Gumazir akaba inigha izir avɨriba, ivemar mangɨ ivɨvɨgh Babilonɨn atrivim mɨkɨmam, Abuir gumazir kaba izɨ a mɨkɨm suam, Apaniba nɨn nguibar ekiamɨn danganiba bar ada inigha gɨfa.

Jeremaia 51:8

Eghtɨ Babilon uabɨ zuamɨra irɨgh ikuvigham. Kamaghɨn amizɨ, ia a bagh aziva an apangkuv. Ia mangɨ a bagh marasinba inigh, an duabar aghuightɨ da akumigham. Eghtɨ a ti ua deragham.

Jeremaia 50:46

Apaniba Babilon iniamin dughiamɨn, mɨkɨmkɨzim nguazimɨn otoghtɨ nɨgɨnir ekiam otogham. Eghtɨ Babilonian ararem otogh ekevegh mangɨtɨ, Kantrin Igharazibar Gumazamiziba bar a baragham.”

Jeremaia 46:14

“Ia Mikdol ko Memfis, ko Tapanes ko, Isipɨn itir nguibar maba sara akam akun. Egh kamaghɨn me mɨkɨm, ‘Apaniba otivigh puv ia mɨsoghɨrarigh, egh ian kantrin aven bizir avɨribagh asɨghasigham. Kamaghɨn amizɨ, ia Isipia, uan mɨdorozir biziba akɨrigh tuivigh mɨsoghsɨ ikɨ.

Jeremaia 31:10

“Ia Kantrin Igharazibar Gumazamiziba, ia deraghvɨra kuaribar arigh nan akam baragh, kɨ Ikiavɨra Itir God. Egh ia nan akar kamɨn gun bar gumazamizir ongarimɨn vongɨn saghon arighatɨzibar itibav kɨn. Ia kamaghɨn me mɨkɨm, ‘Ikiavɨra Itir God Israelia batoghezɨ me tintinibar ghue, ezɨ a ua me inigh izam. Egh a ua deraghvɨra men ganam, mati gumazim uan sipsipbar gara me geghufi.’

Jeremaia 6:18

Ezɨ Ikiavɨra Itir God, nguazimɨn itir kantriba bar me mɨgɨa ghaze: “Ia izɨ bar uari akuvagh uan damazibar gan oraghtɨ, kɨ Israelia damuamin bizibar gun ia mɨkɨmam. Ia uan damazibar bizir kabar ganam.

Jeremaia 4:16

Ikiavɨra Itir God, gumazir kabav gɨa ghaze, Ia Kantrin Igharazibar Gumazamizibav kemegh, ‘Apaniba Judan otivigha gɨfa.’ Egh ia Jerusalemia kamaghɨn me mɨkemegh, ‘Apaniba nguibar saghon itiba ategha iza, Judan nguibaba ko mɨsosi. Me nguibar kaba avɨnigh, pamten tiariba akar, egh akar ekiamɨn gumazamizibav kɨmam.’

Aisaia 48:6

“Bizir kɨ fomɨram otivasa mɨkemeziba, da otivigha gɨvazɨ ia dar gani. Ezɨ ia datɨrɨghɨn kamaghɨn mɨkɨm suam, ‘Ekiam, a guizbangɨra mɨgei.’ Egh kɨ datɨrɨghɨn bizir igiar otivamibar gun ia mɨkɨmam, kar bizir mueghav itir kɨ fomɨra ia mɨkemezir puvatɨziba, ia tɨghar da baragham.

Aisaia 39:1

Baladanɨn otarim, Merodak Baladan, a Babilonɨn atrivimɨn iti. An orazi, Atrivim Hesekia arɨmariar dafam ikia, ua ghuamaghe. Ezɨ an akɨnafariba osirigha bizir aghuir mam sarama gumazir mabagh anɨngizɨ, me Hesekia bagha da inigha zui.

Aisaia 37:19

Egha atrivir kaba, kantrin kabar marvir guaba sarama asɨghasigha da isa avimɨn da tue. Men marvir guar kaba, da guizɨn godba puvatɨ, me temeba ko dagɨaba isa uan dafaribar dar kɨri. Kamaghɨn amizɨ, Asiriaba bar moghɨra dagh asɨghasigha, dagh apongezɨ da isi.

Aisaia 13:2

A kamaghɨn mɨgei: “Nɨ nan nir avɨzir pɨn itim isɨ ababanimɨn mɨn temeba puvatɨzir mɨghsɨar mamɨn a kuasagh, eghtɨ mɨdorozir gumaziba an ganigh izɨ uari akuvagh ikiam. Nɨ pamtemɨn men dɨmtɨ, me zuamɨra izɨ. Eghtɨ nɨ uan dafarim ghufegh, Babilonɨn itir gumazir aruar uan ziaba feba, tiar akar ekiabar amadaghan men akagh, egh me amadaghtɨ, me mangɨ me ko mɨsogh.

Aisaia 12:4

Dughiar kamɨn ia kamagh mɨkɨmam: “E Ikiavɨra Itir God, an ziam dɨpon, egh a mɨnabɨva, uarir akurvaghsɨ an dɨmam. Egh ingangarir ekiar an amizibar gun kantribar gumazamiziba bar moghɨra me mɨkɨmɨva, an ziar ekiamɨn gun mɨkɨm.

Onger Akaba 96:3

Ia, an gavgavim ko ingangarir aghuir an amibar gun kantriba bar dar gumazamizibav kɨm.

Onger Akaba 64:9

Gumazamiziba bar Godɨn atiatingam. Egh God amizir bizir kam mɨkɨm zurara a gɨnɨghnɨgham.

Onger Akaba 97:7

Gumazamizir marvir guabar ziaba feba bar aghumsɨki. Aseba teviba apɨrigh Ikiavɨra Itir Godɨn ziam fam.

Aisaia 48:20

Ia kantri Babilon ategh, nguibar kamɨn gumazamizibar arɨmangɨgh. Egh ia bar akuegh pamtemɨn tiariba akar, egh kamaghɨn akam amadaghtɨma a nguazir kamɨn ruaghatevibar mangɨ, “Ikiavɨra Itir God uamategha uan ingangarir gumazim Jekop, uam a ini.”

Jeremaia 4:6

Egh ia nir avɨzir gumazamiziba ganigh foghfoghamim, ia a feghtɨ me an ganigh arɨ Saionɨn mangam. Kɨ apanibagh amizɨ me bar pazavɨra ia gasɨghasɨghasa notɨn itir nguazim ategha izi. Kamaghɨn amizɨ, ia sughsughan markɨ, ia ivemar mangɨ mongegh.

Jeremaia 51:12

Ia apaniba, ia nir avɨzir ababanim ghufeghtɨ, mɨdorozir gumaziba mɨghvɨra mɨsogh, Babilonɨn nguibar ekiamɨn dɨvazim akarika. Ia mɨdorozir gumaziba arightɨ, me nguibar ekiam bagh arav ikɨ, egh uan ingangarim deragh a damu. Ia mɨdorozir gumazibav kemeghtɨ me mangɨ mongegh, Babilonia mɨsoghsɨ damu ikɨ. Ikiavɨra Itir God, Babilonɨn gumazamizibagh asɨghasɨghasa mɨkemegha gɨfa, egha datɨrɨghɨn a bizir kam damuasa.

Jeremaia 51:27

Ia kantrin avɨribar tongɨn akaba amang, egh nguaziba bar dar gumazamizibar tongɨn sɨgham givi, eghtɨ me Babilonia mɨsoghsɨ biziba akɨr. Ia Araratba ko, Miniba ko, Askenasba, men diaghtɨ me izɨ. Egh mɨdorozim bagh gumazir ekiar tam amɨsefegh. Mɨdorozir gumaziba uan hoziabar apiagh, egh odezir okoruamɨn mɨn izam.

Daniel 1:2

Ezɨ Ekiam Nebukatnesar amamangatɨzɨma, an Atrivim Jehoiakim inigha Judan gumazamizir avɨrim inigha Godɨn Dɨpenimɨn kavɨn aghuiba ko itariba ini. Egha da inigha Babilonɨn kantrin ghua uan asebar dɨpenimɨn ghu. Egha bizir aghuir kaba isa dɨpenir kamɨn aven itir danganir mogomemɨn da atɨ.

Daniel 3:14

Me izegha gɨvazɨma a kamaghɨn men azai, “Satrak ko Mesak ko Abetnego, me ghaze ia nan aseba ko godɨn marvir guar kɨ asarazir kam ia uaghan teviba apɨra aviragha an ziam fer puvatɨ. Guizbangɨra, o?

Jeremaia 10:11

“Israelia, ia kamaghɨn nɨghnɨzir gavgavim Godɨn itir puvatɨzir gumazamizibav kɨm, ‘Ian aseba overiam ko nguazimɨn ingarizir puvatɨzɨ, da ua nguazim ategh an ikian kogham, egh overiamɨn apengan ikian kogham.’ ”

Jeremaia 10:15

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ me bar ikuvigham.